ദുബൈ മുനിസിപ്പാലിറ്റിക്ക്​ അന്താരാഷ്​ട്ര പുരസ്​കാരം

ദുബൈ: വിവിധ മേഖലകളിൽ നൂതനപദ്ധതികൾ നടപ്പാക്കിയതിനും നവീന ആശയങ്ങൾ ക​െണ്ടത്തിയതിനും​ ദുബൈ മുനിസിപ്പാലിറ്റിയുടെ നോളജ്​ ആൻഡ്​ ഇന്നവേഷൻ വകുപ്പിന്​ പുരസ്​കാരം.

ന്യൂസിലൻഡിൽ നടന്ന ബിസിനസ്​ എക്​സലൻസി കോൺഫറൻസിലാണ്​ മുനിസിപ്പാലിറ്റി ഒന്നാം സ്​ഥാനം നേടിയത്​. 'ഇൻസ്​റ്റിറ്റ്യൂഷനൽ ഇന്നവേഷൻ' വിഭാഗത്തിൽ ഏറ്റവും ഉയർന്ന റേറ്റിങ്ങായ സെവൻ സ്​റ്റാർ നേടിയാണ്​ ഒന്നാമതെത്തിയത്​.

എല്ലാ മേഖലകളിലും നടപ്പാക്കുന്ന നൂതന പദ്ധതികൾ, നേതൃത്വ മികവ്​, ആസൂത്രണം, ജീവനക്കാരിൽ നവീന ആശയങ്ങൾ കണ്ടെത്താനുള്ള സംസ്​കാരം വളർത്തൽ തുടങ്ങിയവ പരിഗണിച്ചാണ്​ ഒന്നാം സ്​ഥാനം നൽകിയത്​. ദുബൈയെ ഏറ്റവും മികച്ച നഗരമാക്കി മാറ്റുക എന്നതാണ്​ ലക്ഷ്യമെന്നും ഒന്നാം സ്​ഥാനം ലഭിച്ചതിൽ സന്തോഷമുണ്ടെന്നും ദുബൈ മുനിസിപ്പാലിറ്റി ഡയറക്​ടർ ജനറൽ ദാവൂദ് അൽ ഹജ്​രി പറഞ്ഞു.

ഞങ്ങളുടെ ദൗത്യം നേരായ പാതയി​ലാണെന്നതി​െൻറ തെളിവാണിത്​. ഈ സ്​ഥാനം നിലനിർത്താൻ കൂടുതൽ കഠിനാധ്വാനം ചെയ്യുമെന്നും അതിനുള്ള പ്രോത്സാഹനമാണ​ിതെന്നും അദ്ദേഹം കൂട്ടിച്ചേർത്തു.