ദുബൈ മുനിസിപ്പാലിറ്റി അന്താരാഷ്​ട്ര ഭക്ഷ്യസുരക്ഷ കോൺഫറൻസ്​ അടുത്തമാസം

ദുബൈ: ദുബൈ മുനിസിപ്പാലിറ്റിയുടെ അന്താരാഷ്​ട്ര ഭക്ഷ്യസുരക്ഷ കോൺഫറൻസ്​ (ഡി.​െഎ.എഫ്​.എസ്​.സി) നവംബർ 18 മുതൽ 22വരെ നടക്കും.

'സുസ്​ഥിരമായ ഭക്ഷ്യസംവിധാനത്തിന്​ ​ക്രിയാത്​മക പരിഹാരങ്ങൾ' എന്ന മുദ്രാവാക്യത്തോടെ െവർച്വലായാണ്​ കോൺഫറൻസ്​. എക്​സ്​പോയുമായി സഹകരിച്ചാണ്​ ഇത്തവണ പരിപാടി​. ഭക്ഷ്യസുരക്ഷ മേഖലയിലെ സുപ്രധാന വിഷയങ്ങൾ ചർച്ചയിൽ വരുന്ന കോൺഫറൻസിൽ പ​െങ്കടുക്കാൻ foodsafetydubai.com എന്ന വെബ്​​ൈസറ്റ്​ വഴി രജിസ്​റ്റർ ചെയ്യണം.

ദുബൈയിലെ ഭക്ഷ്യവ്യവസായ മേഖലയുടെ വികസനമാണ്​ ഉദ്​ഘാടന സെഷൻ. കൂടാതെ വിവിധ സംഘടനകളുമായി ചേർന്ന്​ സെമിനാറും നടക്കും. 2006 മുതലാണ്​ ദുബൈ മുനിസിപ്പാലിറ്റി ഡി.​െഎ.എഫ്​.എസ്​.സി സംഘടിപ്പിക്കുന്നത്​. ലോകത്തി​െൻറ വിവിധ ഭാഗങ്ങളിലെ വിദഗ്​ധർ നൂതനാശയങ്ങൾ അവതരിപ്പിക്കുന്ന പരിപാടി കൂടിയാണിത്​.

മുൻ വർഷങ്ങളിൽ 70ലേറെ രാജ്യങ്ങളിൽനിന്ന്​ 3000ഒാളം പേർ പ​െങ്കടുത്തിരുന്നു.

ദുബൈ മുനിസിപ്പാലിറ്റിയുടെ ഏകീകൃത ആപ്​ വഴി ഭക്ഷ്യസുരക്ഷ പ്രോത്സാഹിപ്പിക്കാനും ജനങ്ങളെ പ്രാപ്​തരാക്കാനും പങ്കാളികളാക്കാനും ലക്ഷ്യമിടുന്നു. ഇതിലേക്ക്​ വെളിച്ചംവീശുന്നതായിരിക്കും കോൺഫറൻസ്​.