ദു​ബൈ​യി​ൽ സ്മാ​ർ​ട്ട് ട്രാ​ഫി​ക്​ സം​വി​ധാ​നം വ്യാ​പി​പ്പി​ക്കു​ന്നു

ദു​ബൈ: എ​മി​റേ​റ്റി​ലെ ഗ​താ​ഗ​തം നി​യ​ന്ത്രി​ക്കു​ന്ന​തി​ന്​ റോ​ഡ്​ ഗ​താ​ഗ​ത അ​തോ​റി​റ്റി (ആ​ർ.​ടി.​എ) രൂ​പ​പ്പെ​ടു​ത്തി​യ സ്മാ​ർ​ട്ട് ട്രാ​ഫി​ക്​ സം​വി​ധാ​നം കൂ​ടു​ത​ൽ റോ​ഡു​ക​ളി​ലേ​ക്ക്​ വ്യാ​പി​പ്പി​ക്കു​ന്നു. 2026ഓ​ടെ ദു​ബൈ​യി​ലെ പ്ര​ധാ​ന റോ​ഡു​ക​ളെ​ല്ലാം 100 ശ​ത​മാ​നം സം​വി​ധാ​ന​ത്തി​ന്​ കീ​ഴി​ലേ​ക്ക്​ കൊ​ണ്ടു​വ​രാ​നാ​ണ്​ ല​ക്ഷ്യ​മി​ടു​ന്ന​ത്. ഇ​ന്‍റ​ലി​ജ​ന്‍റ്​ ട്രാ​ഫി​ക്​ സി​സ്റ്റം​സ്​ (ഐ.​ടി.​എ​സ്) വി​പു​ലീ​ക​ര​ണ പ​ദ്ധ​തി​യു​ടെ ര​ണ്ടാം ഘ​ട്ട​ത്തി​ന്‍റെ രൂ​പ​ക​ൽ​പ​ന​യും പ​ഠ​ന​വും ആ​രം​ഭി​ച്ച​താ​യി ക​ഴി​ഞ്ഞ ദി​വ​സ​മാ​ണ്​ ആ​ർ.​ടി.​എ വെ​ളി​പ്പെ​ടു​ത്തി​യ​ത്.

ഒ​ന്നാം ഘ​ട്ട​ത്തി​ൽ എ​മി​റേ​റ്റി​ലെ പ്ര​ധാ​ന​​പ്പെ​ട്ട റോ​ഡു​ക​ളി​ലെ 60 ശ​ത​മാ​നം ഭാ​ഗ​ങ്ങ​ളി​ലും പ​ദ്ധ​തി ന​ട​പ്പാ​ക്കി​യി​രു​ന്നു. ഇ​തു​വ​ഴി നി​ല​വി​ൽ 480 കി.​മീ​റ്റ​ർ റോ​ഡ്​ ശൃം​ഖ​ല സം​വി​ധാ​ന​ത്തി​ന്​ കീ​ഴി​ൽ വ​ന്നി​ട്ടു​ണ്ട്. ര​ണ്ടാം​ഘ​ട്ടം കൂ​ടി പൂ​ർ​ത്തി​യാ​കു​ന്ന​തോ​ടെ 710 കി.​മീ​റ്റ​ർ പ​രി​ധി​യി​ൽ പ​ദ്ധ​തി ന​ട​പ്പാ​കും. പ​ദ്ധ​തി​യു​ടെ ആ​ദ്യ ഘ​ട്ട​ത്തി​ൽ 116 നി​രീ​ക്ഷ​ണ കാ​മ​റ​ക​ൾ സ്ഥാ​പി​ച്ചി​രു​ന്നു. അ​തോ​ടൊ​പ്പം അ​പ​ക​ട​ങ്ങ​ൾ നി​രീ​ക്ഷി​ക്കാ​നും വാ​ഹ​ന​ങ്ങ​ളു​ടെ എ​ണ്ണ​മെ​ടു​ക്കാ​നു​മു​ള്ള 100 ഉ​പ​ക​ര​ണ​ങ്ങ​ളും സ്ഥാ​പി​ച്ചു. ഇ​തോ​ടെ, ആ​കെ സം​വി​ധാ​ന​ത്തി​ന്​ കീ​ഴി​ൽ വ​രു​ന്ന കാ​മ​റ​ക​ളു​ടെ എ​ണ്ണം 311ഉം ​നി​രീ​ക്ഷ​ണ ഉ​പ​ക​ര​ണ​ങ്ങ​ളു​ടെ എ​ണ്ണം 227 ഉം ​ആ​യി​ട്ടു​ണ്ട്. പ​ദ്ധ​തി​യു​ടെ പ്രാ​രം​ഭ ഘ​ട്ട​ത്തി​ൽ 112 വേ​രി​യ​ബി​ൾ മെ​സേ​ജ് സൈ​നു​ക​ൾ (വി.​എം.​എ​സ്) സ്ഥാ​പി​ച്ച്​ റോ​ഡി​ന്‍റെ അ​വ​സ്ഥ​യെ​ക്കു​റി​ച്ചു​ള്ള ത​ത്സ​മ​യ വി​വ​ര​ങ്ങ​ൾ ശേ​ഖ​രി​ക്കു​ന്നു​ണ്ട്. യാ​ത്ര സ​മ​യ​വും വേ​ഗ​വും അ​ള​ക്കു​ന്ന​തി​നു​ള്ള 115 ഉ​പ​ക​ര​ണ​ങ്ങ​ളും സ്ഥാ​പി​ക്കു​ക​യു​ണ്ടാ​യി. 17 കാ​ലാ​വ​സ്ഥ സെ​ൻ​സ​ർ സ്റ്റേ​ഷ​നു​ക​ളും 660 കി.​മീ​റ്റ​ർ വൈ​ദ്യു​തി ലൈ​നു​ക​ളും 820 കി.​മീ​റ്റ​ർ നീ​ള​മു​ള്ള ഫൈ​ബ​ർ ഒ​പ്റ്റി​ക് ശൃം​ഖ​ല​യും ഈ ​ഘ​ട്ട​ത്തി​ൽ നി​ർ​മി​ച്ചു.

ആ​ഗോ​ള​ത​ല​ത്തി​ൽ ത​ന്നെ ഏ​റ്റ​വും വ​ലു​തും വി​പു​ല​വു​മാ​യ ട്രാ​ഫി​ക് നി​യ​ന്ത്ര​ണ കേ​ന്ദ്ര​ങ്ങ​ളി​ലൊ​ന്നാ​യ അ​ൽ ബ​ർ​ഷ​യി​ലെ ദു​ബൈ ഇ​ന്‍റ​ലി​ജ​ന്‍റ് ട്രാ​ഫി​ക് സി​സ്റ്റം​സ് (ഐ.​ടി.​എ​സ്) സെ​ന്‍റ​ർ വ​ഴി​യാ​ണ് ആ​ർ.​ടി.​എ എ​മി​റേ​റ്റി​ലെ ട്രാ​ഫി​ക് നി​യ​ന്ത്രി​ക്കു​ന്ന​ത്. സിം​ഗ​പ്പൂ​രി​നും ദ​ക്ഷി​ണ കൊ​റി​യ​യി​ലെ സോ​ളി​നു​മൊ​പ്പം ദു​ബൈ​യെ ഐ.​ടി.​എ​സി​ലെ ലോ​ക​ത്തെ മു​ൻ​നി​ര ന​ഗ​ര​ങ്ങ​ളി​ലൊ​ന്നാ​ക്കി മാ​റ്റാ​ൻ കേ​ന്ദ്ര​ത്തി​ൽ നൂ​ത​ന സാ​ങ്കേ​തി​ക​വി​ദ്യ​ക​ളും ട്രാ​ഫി​ക് മാ​നേ​ജ്‌​മെ​ന്‍റ് സം​വി​ധാ​ന​ങ്ങ​ളും ഉ​പ​യോ​ഗി​ക്കു​ന്നു​ണ്ട്.

ദു​ബൈ ഐ.​ടി.​എ​സ് സെ​ന്‍റ​റി​ൽ സ്‌​മാ​ർ​ട്ട് സേ​വ​ന​ങ്ങ​ൾ ന​ൽ​കു​ന്ന​തി​നും പ്ര​ധാ​ന​പ്പെ​ട്ട വി​വ​ര​ങ്ങ​ൾ ശേ​ഖ​രി​ക്കു​ന്ന​തി​നും ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സ്, ബി​ഗ് ഡേ​റ്റ, ഇ​ന്‍റ​ർ​നെ​റ്റ് ഓ​ഫ് തി​ങ്​​സ്, നൂ​ത​ന ആ​ശ​യ​വി​നി​മ​യ സം​വി​ധാ​ന​ങ്ങ​ൾ, വി​വി​ധ നി​രീ​ക്ഷ​ണ ഉ​പ​ക​ര​ണ​ങ്ങ​ൾ എ​ന്നി​വ ഉ​പ​യോ​ഗ​പ്പെ​ടു​ത്തു​ന്നു​ണ്ട്. ആ​ർ.​ടി.​എ പ​ദ്ധ​തി റോ​ഡി​ലെ നി​രീ​ക്ഷ​ണം 63 ശ​ത​മാ​നം മെ​ച്ച​പ്പെ​ടു​ത്തി​യെ​ന്നും വേ​രി​യ​ബി​ൾ മെ​സേ​ജ് സൈ​നു​ക​ൾ (വി.​എം.​എ​സ്) വ​ഴി പ്ര​തി​ക​ര​ണ സ​മ​യം 20 ശ​ത​മാ​നം കു​റ​ച്ചെ​ന്നും ആ​ർ.​ടി.​എ എ​ക്‌​സി​ക്യൂ​ട്ടി​വ് ഡ​യ​റ​ക്ട​ർ ബോ​ർ​ഡ് ചെ​യ​ർ​മാ​നും ഡ​യ​റ​ക്ട​ർ ജ​ന​റ​ലു​മാ​യ മ​താ​ർ അ​ൽ താ​യ​ർ പ​റ​ഞ്ഞു.