പ്രവാസികളുടെ മക്കൾക്ക് എൻ.ആർ.ഐ സർട്ടിഫിക്കറ്റിന് കൂടുതൽ സമയം അനുവദിച്ച് ദുബൈ ഇന്ത‍്യന്‍ കോൺസുലേറ്റ്

ദുബൈ: കോളജ് പ്രവേശനത്തിന് പ്രവാസികളുടെ മക്കൾക്ക് അടിയന്തിരമായി എൻ.ആർ.ഐ സർട്ടിഫിക്കറ്റ് നൽകാൻ കൂടുതൽ സമയം അനുവദിച്ചതായി ദുബൈയിലെ ഇന്ത്യൻ കോൺസുലേറ്റ് അറിയിച്ചു. ഇന്ന്​ (ശനിയാഴ്ച) രാവിലെ എട്ട് മുതൽ 12 വരെ അടിയന്തര സേവനം ആവശ്യമുള്ളവർക്ക് കോൺസുലേറ്റിന്റ ഗേറ്റ് നമ്പർ ഒന്നിൽ നേരിട്ട് എത്താം. ഈമാസം 31 നകം സർട്ടിഫിക്കറ്റ് ആവശ്യമുള്ളവർക്കാണ് ഈ സേവനം. ഓൺലൈൻ വഴി പൂരിപ്പിച്ച രേഖകളും എംപ്ലോയ്മെന്റ് സർട്ടിഫിക്കറ്റും സഹിതമാണ് അപേക്ഷകർ എത്തേണ്ടതെന്ന് കോൺസുലേറ്റ് അറിയിച്ചു.