ദു​ബൈ ഹോ​ളി ഖു​ർ​ആ​ൻ അ​വാ​ർ​ഡ്​: ബ​ഹ്​​റൈ​ൻ സ്വ​ദേ​ശി ഒ​ന്നാ​മ​ത്​

ദു​ബൈ: ദു​ബൈ അ​ന്താ​രാ​ഷ്ട്ര ​ഹോ​ളി ഖു​ർ​ആ​ൻ അ​വാ​ർ​ഡി​ന്‍റെ 27ാം എ​ഡി​ഷ​ൻ മ​ത്സ​ര​ത്തി​ൽ ബ​ഹ്​​റൈ​ൻ സ്വ​ദേ​ശി​യാ​യ മു​ഹ​മ്മ​ദ്​ അ​ൽ അ​മ്മ​രി ഒ​ന്നാം സ്ഥാ​നം ക​ര​സ്ഥ​മാ​ക്കി.

വി​വി​ധ രാ​ജ്യ​ങ്ങ​ളി​ൽ​നി​ന്നാ​യി 70 മ​ത്സ​രാ​ർ​ഥി​ക​ൾ പ​​ങ്കെ​ടു​ത്ത മ​ത്സ​ര​ത്തി​ന്​ ശ​നി​യാ​ഴ്ച രാ​ത്രി​യാ​ണ്​ സ​മാ​പ​ന​മാ​യ​ത്. ലി​ബി​യ​യി​ൽ​നി​ന്നു​ള്ള നാ​ജി ബി​ൻ സു​ലൈ​മാ​ൻ ര​ണ്ടാം സ്ഥാ​ന​വും ഗാം​ബി​യ​ൻ സ്വ​ദേ​ശി​യാ​യ ശൈ​ഖ്​ തി​ജാ​ൻ അം​ബി മൂ​ന്നാം സ്ഥാ​ന​വും മ​ത്സ​ര​ത്തി​ൽ ക​ര​സ്ഥ​മാ​ക്കി.

ദു​ബൈ ക​ൾ​ച​റ​ൽ ആ​ൻ​ഡ്​ സ​യ​ന്‍റി​ഫി​ക്​ അ​സോ​സി​യേ​ഷ​ൻ ആ​സ്ഥാ​ന​ത്ത്​ ന​ട​ന്ന സ​മാ​പ​ന ച​ട​ങ്ങി​ൽ വി​ജ​യി​ക​ൾ​ക്ക്​ ദു​ബൈ സ്​​പോ​ർ​ട്​​സ്​ കൗ​ൺ​സി​ൽ ചെ​യ​ർ​മാ​ൻ ശൈ​ഖ്​ മ​ൻ​സൂ​ർ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം പു​ര​സ്കാ​ര​ങ്ങ​ൾ വി​ത​ര​ണം ചെ​യ്തു. ച​ട​ങ്ങി​ൽ ശൈ​ഖ ഹി​ന്ദ്​ ബി​ൻ​ത്​ മ​ക്​​തൂം ബി​ൻ ജു​മാ ആ​ൽ മ​ക്​​തൂ​മി​നെ​ ‘ഇ​സ്​​ലാ​മി​ക്​ പേ​ഴ്​​സ​ണാ​ലി​റ്റി ഓ​ഫ്​ ദ ​ഇ​യ​ർ’ അ​വാ​ർ​ഡ്​ ന​ൽ​കി ആ​ദ​രി​ക്കു​ക​യും ചെ​യ്തു. ശൈ​ഖ ഹി​ന്ദി​നു​വേ​ണ്ടി ശൈ​ഖ്​ സ​ഈ​ദ്​ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം പു​ര​സ്കാ​രം ഏ​റ്റു​വാ​ങ്ങി.

ഹോ​ളി ഖു​ർ​ആ​ൻ അ​വാ​ർ​ഡി​ൽ ഇ​ന്ത്യ​യെ പ്ര​തി​നി​ധീ​ക​രി​ച്ച്​ തെ​ല​ങ്കാ​ന സ്വ​ദേ​ശി​യാ​യ ശു​ഐ​ബ്​ ശ​റ​ഫു​ദ്ദീ​ൻ മു​ഹ​മ്മ​ദ്​ മ​ത്സ​ര​ത്തി​ൽ പ​​ങ്കെ​ടു​ത്തി​രു​ന്നു. കേ​ര​ള​ത്തി​ൽ ന​ട​ന്ന ദേ​ശീ​യ​ത​ല മ​ത്സ​ര​ത്തി​ൽ വി​ജ​യി​ച്ച​ശേ​ഷ​മാ​ണ്​ ദു​ബൈ​യി​ൽ ശു​ഐ​ബ്​ എ​ത്തി​യ​ത്.