തൊണ്ടയിൽ മുലപ്പാൽ കുടുങ്ങിയ കുഞ്ഞിന്​ രണ്ടാം ജന്മം 

ദുബൈ: തൊണ്ടയിൽ മുലപ്പാൽ കുടുങ്ങിയ കുഞ്ഞി​​​െൻറ ജീവൻ സമയോചിതമായ ഇടപെടലിലൂടെ തിരിച്ചുപിടിച്ച രക്ഷാപ്രവർത്തകന്​ ആദരം. ദുബൈ കോർപറേഷൻ ​േഫാർ ആംബുലൻസ്​ സർവീസസിന്​ കീഴിലെ അടിയന്തിരഘട്ടങ്ങൾ നേരിടാനുള്ള സംഘത്തി​ൽ അംഗമായ ഇസാം അൽ ഫഖിയാണ്​ കുഞ്ഞുജീവ​​​െൻറ കാവൽക്കാരനായത്​. അല തവാറിലെ വീട്ടിൽ മുലപ്പാൽ കുടിക്കുന്നതിനിടെയാണ്​ കുഞ്ഞിന്​ അപകടമുണ്ടായത്​. ദേഹംമുഴുവൻ നീലനിറമായി അനക്കമറ്റ്​ കിടക്കുന്ന കുഞ്ഞിനെ കണ്ട പിതാവ്​ ഉടൻ 999 നമ്പറിൽ സഹായമഭ്യർത്ഥിച്ചു. അതിഗുരുതരാവസ്​ഥയിലായ കുഞ്ഞിനടുത്തെത്തി ചികിൽസിക്കാൻ പോലും സമയമില്ലാതിരിക്കെ ജീവൻ രക്ഷിക്കാൻ ഇസാം അൽ ഫഖി സ്വീകരിച്ച വഴിയാണ്​ ശ്രദ്ധേയമായത്​. കുഞ്ഞി​​​െൻറ പിതാവിനെ സമാധാനിപ്പിച്ച ഇസാം കുഞ്ഞിനെ രക്ഷിക്കാനുള്ള പ്രാഥമിക ചികിൽസ പിതാവിനെക്കൊണ്ട്​തന്നെ ചെയ്യിക്കുകയായിരുന്നു. ​േഫാണിലൂടെ വ്യക്​തമായും ലളിതമായും നൽകിയ നിർദേശങ്ങൾക്ക്​ അത്​ഭുതകരമായ ഫലമാണ്​ ഉണ്ടായത്​. രണ്ട്​ വിരലുകൾ ഉപയോഗിച്ച്​ സിപിആർ നൽകാനുള്ള നിർദേശമാണ്​ ഇസാം നൽകിയത്​. ഒരു മിനിറ്റിൽ താഴെ സമയം മാത്രമാണ്​ കുഞ്ഞിനെ രക്ഷിക്കാനുണ്ടായിരുന്നത്​. ഇൗ സമയത്തിനുള്ളിൽ തന്നെ പാല്​ പുറംതള്ളിയ കുഞ്ഞ്​ സുബോധം വീണ്ടെടുത്തു. അതേസമയം തന്നെ അയച്ച ആംബുലൻസ്​ സ്​ഥലത്തെത്തി കുഞ്ഞിനെ ലത്തീഫ ആശുപത്രിയിലെത്തിച്ച്​ തുടർ ചികിൽസയും ഉറപ്പാക്കി. കുഞ്ഞി​​​െൻറ നില തൃപ്​തികരമായി തുടരുകയാണ്​. ഒമ്പത്​ വർഷമായി  ദുബൈ കോർപറേഷൻ ​േഫാർ ആംബുലൻസ്​ സർവീസസിൽ പ്രവർത്തിക്കുന്ന ഇസാം അൽ ഫഖിയെ ഒാപറേഷൻസ്​ ഡയറക്​ടർ താലിബ്​ ഖുലൂം പ്രശസ്​തി പത്രം നൽകി ആദരിച്ചു.