ദുബൈ സർക്കാർ വകുപ്പുകൾ പുനഃക്രമീകരിക്കും

ദുബൈ: ദുബൈ മുനിസിപ്പാലിറ്റിയും ലാൻഡ് വകുപ്പും പുനഃക്രമീകരിക്കുന്നതുമായി ബന്ധപ്പെട്ട പദ്ധതികൾ ഭരണാധികാരികൾ അവലോകനം ചെയ്തു. ദുബൈ കിരീടാവകാശിയും എക്സിക്യൂട്ടിവ് കൗൺസിൽ ചെയർമാനുമായ ശൈഖ് ഹംദാൻ ബിൻ മുഹമ്മദ് ബിൻ റാശിദ് ആൽ മക്തൂമും യു.എ.ഇ ഉപപ്രധാനമന്ത്രിയും ധനകാര്യ മന്ത്രിയും ദുബൈ ഉപഭരണാധികാരിയുമായ ശൈഖ് മക്തൂം ബിൻ മുഹമ്മദ് ആൽ മക്തൂമുമാണ് ഭാവി പരിപാടികൾ അവലോകനം ചെയ്തത്. സർക്കാറിന്‍റെ സുപ്രധാന വകുപ്പുകളുടെ പുനഃക്രമീകരണ പദ്ധതികളെക്കുറിച്ച് ദുബൈ കൗൺസിൽ അംഗം മാത്വാർ അൽതായർ വിശദീകരിച്ചു.

ദുബൈ എക്സിക്യൂട്ടിവ് കൗൺസിലിന്‍റെ കഴിഞ്ഞ യോഗത്തിലാണ് ദുബൈ മുനിസിപ്പാലിറ്റിയും ലാൻഡ് ഡിപ്പാർട്മെന്‍റും പുനഃക്രമീകരിക്കുന്നതിന് തീരുമാനമെടുത്തത്.

രണ്ട് സ്ഥാപനങ്ങളുടെയും സമീപകാലത്തെ പ്രകടനവും പദ്ധതികളും ഇരു ഭരണാധികാരികളും കഴിഞ്ഞ ദിവസത്തെ യോഗത്തിൽ അവലോകനം ചെയ്യുകയും കൂടുതൽ മികവ് പുലർത്തുന്നതിനാവശ്യമായ പദ്ധതികൾ വികസിപ്പിക്കാൻ നിർദേശിക്കുകയും ചെയ്തു.

രാജ്യത്തിന്‍റെ വളർച്ചയുടെ അടുത്ത ഘട്ടത്തിലേക്ക് പ്രവേശിക്കുന്ന സാഹചര്യത്തിൽ സർക്കാർ വകുപ്പുകളുടെ കാര്യക്ഷമത വർധിപ്പിക്കാനും മത്സരശേഷി വർധിപ്പിക്കാനുമാണ് ശ്രമിക്കുന്നതെന്ന് ശൈഖ് ഹംദാൻ പറഞ്ഞു. മുനിസിപ്പാലിറ്റിയുടെയും ലാൻഡ് ഡിപ്പാർട്മെന്‍റിന്‍റെയും സമഗ്രമായ പുനഃക്രമീകരണം ദുബൈ ലോകത്തെ ഏറ്റവും മികച്ച നഗരമായി മാറ്റാനുള്ള ശ്രമങ്ങളുടെ ഭാഗമാണ്. പരിസ്ഥിതി സുസ്ഥിരത, ഭക്ഷ്യ സുരക്ഷ, ആരോഗ്യ സംരക്ഷണം, റിയൽ എസ്റ്റേറ്റ് നിക്ഷേപം എന്നിവയുൾപ്പെടെ വിവിധ ആഗോള സൂചകങ്ങളിൽ നഗരത്തിന്‍റെ റാങ്കിങ് ഉയർത്താനും ഇതിലൂടെ ആഗ്രഹിക്കുന്നു -അദ്ദേഹം കൂട്ടിച്ചേർത്തു.

സ്വ​കാ​ര്യ​മേ​ഖ​ല​ക്ക്​ സാ​ധ്യ​ത​യേ​റും

ദു​ബൈ: സ​ർ​ക്കാ​ർ വ​കു​പ്പു​ക​ളു​ടെ പു​നഃ​ക്ര​മീ​ക​ര​ണ​ത്തി​ലൂ​ടെ ദു​ബൈ​യി​ൽ സ്വ​കാ​ര്യ​മേ​ഖ​ല​ക്ക്​ കൂ​ടു​ത​ൽ സാ​ധ്യ​ത​യു​ണ്ടാ​കു​മെ​ന്ന്​ പ്ര​തീ​ക്ഷ. ആ​ഗോ​ള നി​ല​വാ​ര​ത്തി​ൽ സേ​വ​ന​ങ്ങ​ൾ ല​ഭ്യ​മാ​കു​ന്ന ഒ​രു സ്ഥാ​പ​ന​മാ​യി മു​നി​സി​പ്പാ​ലി​റ്റി​യെ മാ​റ്റാ​നാ​ണ്​ പ്ര​ധാ​ന​മാ​യും പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​ത്.

സ്വ​കാ​ര്യ മേ​ഖ​ല​യു​മാ​യി ഉ​ൽ​പാ​ദ​ന പ​ങ്കാ​ളി​ത്തം പ്രോ​ത്സാ​ഹി​പ്പി​ക്കു​ക​യും പ്ര​തി​വ​ർ​ഷം 10 ബി​ല്യ​ൺ ദി​ർ​ഹം മൂ​ല്യ​മു​ള്ള പു​തി​യ ബി​സി​ന​സ് അ​വ​സ​ര​ങ്ങ​ൾ സൃ​ഷ്ടി​ക്കാ​നും പ​ദ്ധ​തി ല​ക്ഷ്യ​മി​ടു​ന്നു​ണ്ടെ​ന്ന്​ അ​ധി​കൃ​ത​ർ വ്യ​ക്ത​മാ​ക്കി​യി​ട്ടു​ണ്ട്.ഇ​തി​ലൂ​ടെ സ്വ​കാ​ര്യ മേ​ഖ​ല​ക്ക്​ നി​ക്ഷേ​പ​ത്തി​ന്​ സാ​ധ്യ​ത​യേ​റു​മെ​ന്നാ​ണ്​ വി​ല​യി​രു​ത്ത​പ്പെ​ടു​ന്ന​ത്.