Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightദുബൈ ഫിറ്റ്​നസ്​...

ദുബൈ ഫിറ്റ്​നസ്​ ചലഞ്ചിന്​ ഇന്ന്​ തുടക്കം

text_fields
bookmark_border
dubai-fitness-challenge
cancel

ദുബൈ: ദുബൈ ഫിറ്റ്​നസ്​ ചലഞ്ചി​െൻറ അഞ്ചാമത്​ എഡിഷന്​ വെള്ളിയാഴ്​ച തുടക്കമാകും. ദുബൈ റൺ, ദുബൈ റൈഡ്​ അടക്കം നിരവധി പരിപാടികൾ അരങ്ങേറുന്ന ചലഞ്ച്​ അടുത്ത മാസം 27നാണ്​ സമാപിക്കുക. നഗരവാസികൾക്കിടയിൽ ആരോഗ്യശീലം വളർത്തിയെടുക്കാൻ ലക്ഷ്യമിട്ടാണ്​ ദുബൈ സർക്കാർ ഫിറ്റ്​നസ്​ ചലഞ്ച്​ ഒരുക്കിയിടുള്ളത്​.

30 ദിവസം വിവിധ കായിക പ്രവർത്തനങ്ങളിൽ ഏർപെടുന്ന പദ്ധതിയാണ്​ ദുബൈ ഫിറ്റ്​നസ്​ ചലഞ്ച്​. ദുബൈ കിരീടാവകാശിയും എക്‌സിക്യൂട്ടീവ് കൗണ്‍സില്‍ ചെയര്‍മാനുമായ ശൈഖ് ഹംദാന്‍ ബിന്‍ മുഹമ്മദ് ബിന്‍ റാശിദ് ആല്‍ മക്​തൂമി​െൻറ രക്ഷാകർതൃത്വത്തിലാണ്​ പരിപാടി.

ഇൗ കാലയളവിൽ വിവിധ ഫിറ്റ്നസ്, ഹെല്‍ത്ത്, വെല്‍നസ് പ്രവര്‍ത്തനങ്ങള്‍ നഗരത്തിലുടനീളം സംഘടിപ്പിക്കും. കഴിഞ്ഞ വർഷങ്ങളിൽ ദുബൈ ഒന്നടങ്കം ഏറ്റെടുത്ത ചാലഞ്ചിൽ ഇത്തവണ കൂടുതൽ പേർ പ​ങ്കെടുക്കുമെന്നാണ്​ കരുതപ്പെടുന്നത്​. കൈറ്റ്​ ബീച്ച്​, എക്​സ്​പോ 2020ദുബൈ, മുഷ്​രിഫ്​ പാർക്​ എന്നിവിടങ്ങളിലായി മൂന്ന്​ ഫിറ്റ്​നസ്​ വില്ലേജുകളും 14ഫിറ്റ്​നസ്​ ഹബ്ബുകളും പരിപാടിയുടെ ഭാഗമായി ഒരുക്കിയിട്ടുണ്ട്​.

എല്ലാ വാരാന്ത്യങ്ങളിലും പ്രധാന കായിക മത്സരങ്ങളും മികച്ച ഫിറ്റ്നസ് ​പ്രഫഷണലുകളുടെ സൗജന്യ ലൈവ്, വെർച്വൽ ക്ലാസുകളും ഉണ്ടായിരിക്കും. പ​ങ്കെടുക്കാനാഗ്രഹിക്കുന്നവർ www.dubaifitnesschallenge.com എന്ന വെബ്‌സൈറ്റിൽ രജിസ്​റ്റർ ചെയ്യണം.

Show Full Article
TAGS:dubai fitness challenge Emarat beats 
News Summary - dubai fitness challenge
Next Story