പെരുന്നാൾ ആഘോഷം: ദുബൈ പാർക്കുകളിൽ സന്ദർശകർ കൂടി

ദുബൈ: ഇൗദുൽ ഫിത്വ്​ർ അവധി ദിനങ്ങളിൽ ദുബൈയിലെ പാർക്കുകളിൽ എത്തിയത്​ 1,62,371 സന്ദർശകർ. ഇത്​ കഴിഞ്ഞവർഷത്തേക്കാൾ രണ്ടുശതമാനം കൂടുതലാണെന്ന്​ ദുബൈ നഗരസഭ പാർക്​സ്​ വിഭാഗം ഡയറക്​ടർ മുഹമ്മദ്​ അബ്​ദുൽ റഹ്​മാൻ അൽ അവാദി പറഞ്ഞു. രണ്ടാം പെരുന്നാൾ ദിനത്തിലാണ്​ കൂടുതൽ ആളുകൾ വന്നത്​^48,468 പേർ. 

ഒന്നാം പെരുന്നാളിന്​ 45,447 പേർ എത്തി.മൂന്നാം ദിനത്തിൽ 19,335 സന്ദർശകർ പാർക്കുകളി​ൽ വന്നു. ഏറ്റവും കൂടുതൽ സന്ദർശകർ പെരുന്നാൾ ആഘോഷിക്കാൻ എത്തിയത്​ മംസാർ പാർക്കിലാണ്​. മൂന്നു ദിവസങ്ങളിലായി 57,000 പേർ ഇവിടെ ഉല്ലസിക്കാനെത്തി.ക്രീക്ക്​ പാർക്കിൽ 12,565 പേരും മുശ്​രിഫ്​ പാർക്കിൽ 11,790 പേരും ഖിസൈസ്​ പോണ്ട്​ പാർക്കിൽ 9017 പേരും ബർഷ പോണ്ട്​ പാർക്കി 5,167 പേരും സബീൽ പാർക്കിൽ 4,647 പേരും സന്ദർശകരായെത്തി.