ദുബൈ ൈ​ഡ്രവിംഗ്​ ലൈസൻസിന്​ മാനസികാരോഗ്യ, ഭാഷാ പരീക്ഷകളും

ദുബൈ: യാത്രാ വാഹനങ്ങൾ ഒാടിക്കുന്നതിനുള്ള ലൈസൻ കിട്ടണമെങ്കിൽ മാനസികാരോഗ്യ, ഭാഷാ പരീക്ഷകൾ പാസാകണമെന്ന്​ ദുബൈ ആർടിഎ. ഇതിന്​ വേണ്ടി തയാറാക്കിയ മാന്വലുകൾ ഡ്രൈവിംഗ്​ പരിശീലന സ്​ഥാപനങ്ങൾക്ക്​​ നൽകും. ഒക്​ടോബറോടെ സ്​ഥാപനങ്ങൾ പരിശീലനം ഇൗ രീതിയിലേക്ക്​ മാറ്റണം. സുരക്ഷിതവും സുഗമവുമായ ഗതാഗതത്തിനൊപ്പം വിനോദ സഞ്ചാരികൾ ഉൾപ്പെടെയുള്ള യാത്രക്കർക്ക്​ തൃപ്​തികരമായ സേവനം ഉറപ്പാക്കുകയെന്നതും പദ്ധതിയുടെ ലക്ഷ്യമാണെന്ന്​ ആർ.ടി.എയിൽ ഡ്രൈവർമാരുമായി ബന്ധപ്പെട്ട കാര്യങ്ങൾ നോക്കുന്ന വിഭാഗത്തി​​െൻറ ഡയറക്​ടർ അബ്​ദുല്ല ഇബ്രാഹിം അൽ മീർ പറഞ്ഞു. 
ലേണേഴ്​സ്​ ലൈസൻസിന്​ അപേക്ഷിക്കുന്നവർക്കുള്ള പ്രാഥമിക പരീക്ഷയിലെ ചോദ്യങ്ങൾ 192 ഭാഷകളിലേക്ക്​ വിവർത്തനം ചെയ്യാനുള്ള സംവിധാനവും ആർ.ടി.എ. ഒരുക്കിയിട്ടുണ്ട്​. ഇംഗ്ലീഷും അറബിയും അറിയാത്തവർക്കും ലൈസൻസ്​ ലഭിക്കുന്നത്​ എളുപ്പമാക്കാനാണ്​ ഇൗ നടപടി. സ്​കൈപ്പ്​ വഴിയാണ്​ ഇൗ സംവിധാനം പ്രവർത്തിക്കുക. നിലവിൽ 10ഭാഷകളിൽ മാത്രമാണ്​ ഇൗ സൗകര്യം ഉണ്ടായിരുന്നത്​.

ലോകത്തി​​െൻറ വിവിധ ഭാഗങ്ങളിലുള്ള പരിഭാഷകരാണ്​ ചോദ്യങ്ങൾ പരിഭാഷപ്പെടുത്തി നൽകുന്നത്​. 500പേരാണ്​ ഇ​േപ്പാൾ ഇതുമായി ബന്ധപ്പെട്ട്​ പ്രവർത്തിക്കുന്നത്​. കൂടുതൽ ആളുകളെ ഇതുമായി സഹകരിപ്പിക്കാനും ലക്ഷ്യമിടുന്നുണ്ട്​. ഇതുവരെ 300 അപേക്ഷകർ 33 ഭാഷകൾ തെരഞ്ഞെടുത്തിട്ടുണ്ട്​. അ​േപക്ഷകന്​ ആവശ്യമുള്ളതിൽ കൂടുതൽ സഹായം കിട്ടുന്നില്ലെന്ന്​ ഉറപ്പാക്കാൻ ഇവ റിക്കോർഡ്​ ചെയ്യുകയും ചെയ്യും. പരീക്ഷക്കുള്ള തീയതി കിട്ടിയവരിൽ ഇൗ സഹായം ആവശ്യമുള്ളവർ ഒരാഴ്​ച മുമ്പ്​ ബുക്ക്​ ചെയ്യണം. 400 ദിർഹമാണ്​ ഫീസ്​.