ദുബൈ സൈക്കിൾ ട്രാക്ക്​ ശൃംഖല വിപുലീകരിക്കുന്നു

ദുബൈ: ദുബൈയിലെ സൈക്ലിങ്​ ട്രാക്ക്​ ശൃംഖല വിപുലീകരിക്കുമെന്ന്​ റോഡ്​സ്​ ആൻറ്​ ട്രാൻസ്​പോർട്ട്​ അതോറിറ്റി. നിലവിലുള്ള 316 കിലോമീറ്ററിൽ നിന്ന്​ 850 കിലോമീറ്ററായി ദീർഘിപ്പിക്കാനാണ്​ ഉദ്ദേശിക്കുന്നത്​. 2030 ഒാടെ വിപുലീകരണം പൂർത്തിയാകും. കാൽനടയും യന്ത്രവൽകൃതമല്ലാത്ത യാത്രകളും പ്രോൽസാഹിപ്പിക്കുന്നതിനെക്കുറിച്ച്​ മീന ട്രാൻസ്​പോർട്ട്​ കോൺഗ്രസിൽ സംസാരിക്കവെ ആർ.ടി.എയുടെ സ്​ട്രാറ്റജിക്​ പ്ലാനിങ്​ ഡയറക്​ടർ മോന അൽ ഉസൈമി യാണ്​ ഇക്കാര്യം പ്രഖ്യാപിച്ചത്​.

സൈക്കിളിങിന്​ യോജിച്ച ഏറ്റവും മികച്ച നഗരമായി ദുബൈയെ മാറ്റുമെന്നും പ്രഖ്യാപനമുണ്ട്​. രാവി​െല സംസാരിച്ച കനേഡിയൻ നഗരാസൂത്രണ വിദഗ്​ധൻ ​ബ്ര​​െൻറ്​ ടൊഡേറിയൻ സൈക്കിൾ യാത്രക്ക്​ ഏറ്റവും പറ്റിയ നഗരമായി ദുബൈയെ വിശേഷിപ്പിച്ചിരുന്നു. വിനോദം എന്നതിലുപരി യാത്രാമാർഗം എന്ന നിലയിലേക്ക്​ സൈക്ലിങിനെ ഉയർത്തണമെന്നായിരുന്നു അദ്ദേഹത്തി​​​െൻറ നിർദേശം.