മു​ഖം മി​നു​ക്കി ദു​ബൈ​യി​ലെ ബീ​ച്ചു​ക​ൾ

ദു​ബൈ: ര​ണ്ട്​ വ​ർ​ഷം മു​മ്പ്​ ആ​രം​ഭി​ച്ച ദു​ബൈ​യി​ലെ നാ​ല് പ്ര​ധാ​ന​ ബീ​ച്ചു​ക​ളു​ടെ ന​വീ​ക​ര​ണം പൂ​ർ​ത്തി​യാ​യി. അ​ൽ മം​സ​ർ കോ​ർ​ണി​ഷ്, ജു​മൈ​റ 1, ജു​മൈ​റ 3, ഉ​മ്മു സു​ഖൈം എ​ന്നീ ബീ​ച്ചു​ക​ളു​ടെ ന​വീ​ക​ര​ണ​മാ​ണ്​ ദു​ബൈ മു​ൻ​സി​പ്പാ​ലി​റ്റി പൂ​ർ​ത്തീ​ക​രി​ച്ച​ത്. 93 ദ​ശ​ല​ക്ഷം ദി​ർ​ഹം​ ചെ​ല​വ്​ വ​ന്ന പ​ദ്ധ​തി 2022ൽ ​യു.​എ.​ഇ വൈ​സ്​ പ്ര​സി​ഡ​ന്‍റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ഷി​ദ്​ ആ​ൽ ന​ഹ്​​യാ​നാ​ണ്​ പ്ര​ഖ്യാ​പി​ച്ച​ത്.

വി​നോ​ദ പ്ര​വ​ർ​ത്ത​ന​ങ്ങ​ൾ​ക്കും പു​തി​യ സേ​വ​ന​ങ്ങ​ൾ​ക്കും വേ​ണ്ടി നാ​ലു ബീ​ച്ചു​ക​ളി​ലു​മാ​യി ആ​കെ 112,000 സ്ക്വ​യ​ർ മീ​റ്റ​ർ വി​സ്തൃ​തി​യാ​ണ്​​ ന​വീ​ക​ര​ണ​ത്തി​ന്‍റെ ഭാ​ഗ​മാ​യി കൂ​ട്ടി​ച്ചേ​ർ​ത്ത​ത്.. എ​മി​റേ​റ്റി​ൽ 12 പു​തി​യ പ​ബ്ലി​ക്​ ബീ​ച്ചു​ക​ളും ദ​ശ​ല​ക്ഷ​ക്ക​ണ​ക്കി​ന്​ വി​സ്തൃ​തി​യി​ൽ പ​ച്ച​പ്പും​ വ്യാ​പി​പ്പി​ക്കാ​ൻ പ​ദ്ധ​തി​യു​ണ്ടെ​ന്നും​ ശൈ​ഖ്​ മു​ഹ​മ്മ​ദ്​ പ്ര​ഖ്യാ​പി​ച്ചി​രു​ന്നു.

മ​ണ്ണൊ​ലി​പ്പി​ന്​ സാ​ധ്യ​ത​യു​ള്ള പ്ര​ദേ​ശ​ങ്ങ​ളി​ലെ പൊ​തു ബീ​ച്ചു​ക​ൾ സം​ര​ക്ഷി​ക്കു​ന്ന​തി​നും സ്ഥി​ര​ത​യും സു​സ്ഥി​ര​ത​യും ഉ​റ​പ്പു​വ​രു​ത്തു​ന്ന​തി​നു​ള്ള സം​ര​ക്ഷ​ണ ന​ട​പ​ടി​ക​ളും കൈ​കൊ​ള്ളു​ക​യാ​ണ്​ പ​ദ്ധ​തി​യു​ടെ ല​ക്ഷ്യം. കൂ​ടാ​തെ കൊ​ടു​ങ്കാ​റ്റി​ൽ പ്ര​ള​യം ഒ​ഴി​വാ​ക്കാ​ൻ ബീ​ച്ച്​ ലെ​വ​ൽ ഉ​യ​ർ​ത്താ​നും പ​ദ്ധ​തി​യു​ണ്ട്.

100 മീ​റ്റ​ർ നീ​ള​ത്തി​ൽ ക​രി​ങ്ക​ൽ ഭി​ത്തി കെ​ട്ടു​ന്ന​തു​ൾ​പ്പെ​ടെ​യു​ള്ള പ​ദ്ധ​തി​ക​ളാ​ണ്​ അ​ൽ മം​സ​ർ കോ​ർ​ണി​ഷ്​ ബീ​ച്ചി​ൽ പൂ​ർ​ത്തീ​ക​രി​ച്ച​ത്. 9000 ച​തു​ര​ശ്ര മീ​റ്റി​ലാ​ണ്​ ഇ​വി​ടെ ന​വീ​ക​ര​ണം പൂ​ർ​ത്തീ​യാ​ക്കി​യ​ത്. ജു​മൈ​റ 1ൽ 125,000 ​ക്യു​ബി​ക്​ മീ​റ്റ​ർ ബീ​ച്ചാ​ണു​ള്ള​ത്. അ​തി​ന്‍റെ തീ​ര​ദേ​ശ ബ​ഫ​റു​ക​ൾ ലോ​ഹ​വും മ​ര​വും ഉ​പ​യോ​ഗി​ച്ച്​ 160 മീ​റ്റ​ർ വ​ർ​ധി​പ്പി​ച്ചു. ജു​മൈ​റ 3ൽ ​ബീ​ച്ചി​ന്‍റെ വി​സ്തൃ​തി 580,000 ക്യു​ബി​ക്​ മീ​റ്റ​റാ​യി ഉ​യ​ർ​ത്തി​യി​ട്ടു​ണ്ട്.​

ഇ​തി​ന്​ 30,400 ക്യു​ബി​ക്​ മീ​റ്റ​റി​ൽ ക​രി​ങ്ക​ൽ സം​ര​ക്ഷ​ണ​വും തീ​ർ​ത്തു. ഉ​മ്മു സു​ഖൈ​മി​ൽ 30,000 ച​തു​ര​ശ്ര മീ​റ്റ​ർ ഭൂ​മി വി​ക​സ​ന​മാ​ണ്​ ന​ട​ന്ന​ത്. കൂ​ടാ​തെ 325 മീ​റ്റ​ർ ബ്രേ​ക്​​വാ​ട്ട​റും നി​ർ​മി​ച്ചു. ബീ​ച്ച്​ സം​ര​ക്ഷ​ണ​ത്തി​നാ​യി പ്ര​തി​വ​ർ​ഷം 15 ദ​ശ​ല​ക്ഷം ദി​ർ​ഹ​വും 4.5 ല​ക്ഷം തൊ​ഴി​ൽ സ​മ​യ​വു​മാ​ണ് മു​ൻ​സി​പ്പാ​ലി​റ്റി​ ചെ​ല​വി​ടു​ന്ന​ത്. ക​ഴി​ഞ്ഞ മാ​സം പാം ​ജ​ബ​ൽ അ​ലി​ക്ക്​ ചു​റ്റം 54 കി​ലോ​മീ​റ്റ​റി​ൽ ബീ​ച്ച്​ വി​ക​സി​പ്പി​ക്കാ​നു​ള്ള പ​ദ്ധ​തി​ ശൈ​ഖ്​ മു​ഹ​മ്മ​ദ്​ പ്ര​ഖ്യാ​പി​ച്ചി​രു​ന്നു.

എ​മി​റേ​റ്റി​ലെ ബീ​ച്ചു​ക​ൾ വി​ക​സി​പ്പി​ക്കാ​നും മ​നോ​ഹ​ര​മാ​ക്കാ​നും ല​ക്ഷ്യ​മി​ടു​ന്ന പ​ദ്ധ​തി ലോ​കോ​ത്ത​ര നി​ല​വാ​ര​മു​ള്ള ടൂ​റി​സം, ക​മ്യൂ​ണി​റ്റി അ​ടി​സ്ഥാ​ന സൗ​ക​ര്യ​ങ്ങ​ൾ എ​ന്നി​വ സൃ​ഷ്ടി​ക്കു​ന്ന​തി​നും സു​സ്ഥി​ര സാ​മ്പ​ത്തി​ക വി​ക​സ​നം മെ​ച്ച​പ്പെ​ടു​ത്തു​ന്ന​തി​നും വി​നോ​ദ സൗ​ക​ര്യ​ങ്ങ​ളും നി​ക്ഷേ​പ അ​വ​സ​ര​ങ്ങ​ളും വി​പു​ലീ​ക​രി​ക്കു​ന്ന​തി​നു​മു​ള്ള ശ്ര​മ​ങ്ങ​ൾ​ക്ക്​ സം​ഭാ​വ​ന ന​ൽ​കു​മെ​ന്ന്​ മു​ൻ​സി​പ്പാ​ലി​റ്റി ഡ​യ​റ​ക്ട​ർ ജ​ന​റ​ൽ ദാ​വൂ​ദ്​ അ​ൽ ഹ​ജി​രി പ​റ​ഞ്ഞു.

കാ​ലാ​വ​സ്ഥ വ്യ​തി​യാ​ന​വും സ​മു​ദ്ര നി​ര​പ്പ്​ ഉ​യ​രു​ന്ന​തും മൂ​ല​മു​ണ്ടാ​കു​ന്ന വെ​ല്ലു​വി​ളി​ക​ൾ നേ​രി​ടാ​ൻ നി​ര​വ​ധി ന​ട​പ​ടി​ക​ളും മു​ൻ​സി​പ്പാ​ലി​റ്റി ന​ട​പ്പി​ലാ​ക്കു​ന്നു​ണ്ട്. ക​ട​ൽ​തീ​ര​ങ്ങ​ളു​ടെ മാ​റ്റ​ങ്ങ​ളെ നി​രീ​ക്ഷി​ക്കു​ന്ന​താ​യും അ​ദ്ദേ​ഹം പ​റ​ഞ്ഞു.