Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightദുബൈ ബീച്ച്​...

ദുബൈ ബീച്ച്​ വികസനത്തിന്​ പുതിയ പദ്ധതി

text_fields
bookmark_border
ദുബൈ ബീച്ച്​ വികസനത്തിന്​ പുതിയ പദ്ധതി
cancel

ദുബൈ: ബീച്ച്​ ടൂറിസ്റ്റുകളെ ആകർഷിക്കുന്നതിന്‍റെ ഭാഗമായി 2040ഓടെ ദുബൈയിലെ ബീച്ച്​ വിസ്തൃതി 400 ശതമാനം വർധിപ്പിക്കാൻ പുതിയ പദ്ധതി. നിലവിൽ 21 കിലോമീറ്ററുള്ള ബീച്ചുകളുടെ നീളം 105 കിലോമീറ്ററായി ഉയർത്തുകയാണ്​ ലക്ഷ്യം. യു.​എ.ഇ വൈസ്​ പ്രസിഡന്‍റും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമാണ്​ ഇതു സംബന്ധിച്ച പ്രഖ്യാപനം നടത്തിയത്​​. ഇതിന്‍റെ ഭാഗമായി പാം ജബൽ അലി, പാം ജുമൈറ എന്നിവയ്ക്ക് ചുറ്റുമുള്ള 54 കിലോമീറ്റർ ബീച്ചുകളും ജബൽ അലിയിൽ പുതിയ എട്ട്​ കിലോമീറ്റർ ബീച്ചും വികസിപ്പിക്കും.

പുതിയ ബീച്ചുകളിൽ ലഭ്യമാവുന്ന വിവിധ സേവനങ്ങളുടെ പരിധി 2025 ഓടെ 300 ശതമാനമായും വർധിക്കുമെന്ന്​ അദ്ദേഹം അറിയിച്ചു. ജബൽ അലി ബീച്ചിലെത്തിയ ശൈഖ്​ മുഹമ്മദ്​ ദുബൈ അർബൻ പ്ലാൻ 2040ലെ ഉന്നത ഉദ്യോഗസ്ഥരുമായി കൂടിക്കാഴ്ച നടത്തിയ ശേഷമാണ് പുതിയ പദ്ധതി വെളിപ്പെടുത്തിയത്​. ബീച്ച്​ ഏരിയകൾ, നടപ്പാതകൾ, കഫേ, ഡൈനിങ്​ ഏരിയകൾ എന്നിവ വികസനത്തിന്‍റെ ഭാഗമായി ബീച്ചുകളിൽ നിർമിക്കും. എമിറേറ്റിലെ പുതിയ നഗര പദ്ധതികൾ ശ്രദ്ധേയമായി തുടരുകയും അടുത്ത ദശകത്തേക്ക് ഞങ്ങളുടെ സാമ്പത്തിക, ടൂറിസം അജണ്ടയെ പിന്തുണയ്ക്കുകയും ചെയ്യുമെന്ന്​ ശൈഖ്​ മുഹമ്മദ്​ പറഞ്ഞു. ദുബൈയുടെ സുസ്ഥിര നഗര വികസനത്തിന്‍റെ ഭാവി ലക്ഷ്യമിട്ടാണ്​ സമഗ്രമായ പുതയ നഗരവികസന പദ്ധതി അവതരിപ്പിച്ചിരിക്കുന്നത്​.

എമിറേറ്റിനെ രൂപാന്തരപ്പെടുത്തുകയും, വിനോദസഞ്ചാരവും ആധുനികതയെ പൈതൃകവും പ്രകൃതിയുമായി സന്തുലിതമാക്കുകയും ചെയ്യുന്ന ഒരു പരസ്പര ബന്ധിതമായ, ജനങ്ങളാൽ നയിക്കപ്പെടുന്ന ഒരു നഗരം സൃഷ്ടിക്കുക എന്നതാണ് ഇതിന്‍റെ ലക്ഷ്യമെന്നും അദ്ദേഹം പറഞ്ഞു. അടുത്ത പതിറ്റാണ്ടിനുള്ളിൽ ദുബൈയിൽ ജനസംഖ്യ 3.3 ദശലക്ഷത്തിൽ നിന്ന്​ 5.8 ദശലക്ഷമായി ഉയരുമെന്നാണ്​ പ്രതീക്ഷിക്കുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Dubai Beachdevelopmen project
News Summary - Dubai Beach developmen project
Next Story