ദുബൈയിൽ ‘സ്വയം നിയന്ത്രിത വാഹനങ്ങൾ’ ഒാടിത്തുടങ്ങി

ദുബൈ: ലോകത്തെ ആദ്യത്തെ സ്വയം നിയന്ത്രിത വാഹനങ്ങൾ ദുബൈയിൽ ഒാടിത്തുടങ്ങി. വാഹനം എന്നൊക്കെ വിളിക്കാമെങ്കിലും കണ്ടുപഴകിയ വാഹനങ്ങളുമായി ഒരു തരത്തിലുള്ള സാമ്യവും ഇതിനില്ല. ‘ഒാ​േട്ടാണമസ്​ പോഡ്​’ എന്ന്​ പേരിട്ടിരിക്കുന്ന ഇവ കൂറ്റൻ പെട്ടിപോലയാണിരിക്കുന്നത്​. വേൾഡ്​ ഗവൺമ​​െൻറ്​ സമ്മിറ്റിനോടനുബന്ധിച്ച്​ മദീനത്ത്​ ജുമൈറയിലാണ്​ ഇവ പ്രവർത്തിക്കുന്നത്​. ആർ.ടി.എയുടെ നിയന്ത്രണത്തിൽ പ്രവർത്തിക്കുന്ന ഇവ നെക്​സ്​റ്റ്​ ഫ്യുച്ചർ ട്രാൻസ്​പോർ​േട്ടഷനാണ്​ രൂപകൽപ്പന ചെയ്​ത്​ നിർമിച്ചിരിക്കുന്നത്​.

നിലവിൽ വളരെ കുറഞ്ഞ ദൂരം മുൻകൂട്ടി തയാറാക്കിയ വഴികളിലൂടെ സഞ്ചരിക്കാനാണ്​ ഇവക്ക്​ സാധിക്കുക. 2.87 മീറ്റർ നീളവും 2.24 മീറ്റർ വീതിയും 2.82 മീറ്റർ ഉയരവുമാണ്​ ഇതിനുള്ളത്​. 1500 കിലോഗ്രാം ഭാരമുള്ള ഇതിൽ ആറ്​ യാത്രികർക്ക്​ ഇരുന്നും നാല്​ പേർക്ക്​ നിന്നും യാത്ര ചെയ്യാം. മണിക്കൂറിൽ 20 കിലോമീറ്റർ വേഗത്തിൽ സഞ്ചരിക്കുന്ന ഒാ​േട്ടാണമസ്​ പോഡിലെ ബാറ്ററിക്ക്​ മുന്ന്​ മണിക്കൂർ പ്രവർത്തിക്കാനുള്ള ശേഷയാണുള്ളത്​. ഇവ വീണ്ടും ചാർജ്​ ചെയ്യാൻ ആറ്​ മണിക്കൂർ എടുക്കും. ത്രിമാന ചിത്രങ്ങൾ എടുക്കാൻ ശേഷിയുള്ള കാമറ ഉപയോഗിച്ച്​ പ്രവർത്തിപ്പിക്കുന്ന ഇവയിൽ​ അപകടങ്ങൾ ഉണ്ടാകാതിരിക്കാനുള്ള സംവിധാനങ്ങൾ ഏർപ്പെടുത്തിയിട്ടുണ്ട്​. അത്യാവശ്യ ഘട്ടങ്ങളിൽ ഒാപറേറ്റർക്ക്​ നിയന്ത്രിക്കാവുന്ന രീതിയിലാണ്​ ഇവയുടെ നിർമാണം.