‘13കാരനെ ദുബൈ പൊലീസി​ലെടുത്തു’

ദു​ബൈ: പൊ​ലീ​സ്​ ഉ​ദ്യോ​ഗ​സ്ഥ​ൻ ആ​വ​ണ​മെ​ന്ന കൗ​മാ​ര​ക്കാ​ര​ന്‍റെ ​ആ​ഗ്ര​ഹം സാ​ധി​ച്ചു​ന​ൽ​കി ദു​ബൈ പൊ​ലീ​സ്. 13കാ​ര​ൻ ഹു​സൈ​ൻ യൂ​സു​ഫ്​ മെ​ർ​സ​ക്കാ​ണ്​ ഒ​രു​ദി​വ​സ​ത്തേ​ക്ക്​ ​ദു​ബൈ പൊ​ലീ​സി​ന്‍റെ യൂ​നി​ഫോം അ​ണി​യാ​ൻ അ​വ​സ​രം ല​ഭി​ച്ച​ത്. ദു​ബൈ​യി​ലെ പ​ര​മ്പ​രാ​ഗ​ത പൊ​ലീ​സ്​ സ്​​റ്റേ​ഷ​നു​ക​ളി​ലൊ​ന്നാ​യ അ​ൽ മു​റാ​ഖ​ബ​ത്ത്​ സ്​​റ്റേ​ഷ​നി​ലാ​ണ്​ കൗ​തു​കം നി​റ​ഞ്ഞ സം​ഭ​വ​ങ്ങ​ൾ അ​ര​ങ്ങേ​റി​യ​ത്. രാ​വി​ലെ​ ഹു​സൈ​ൻ യൂ​സു​ഫ്​ യൂ​നി​ഫോ​മ​ണി​ഞ്ഞാ​ണ്​ സ്​​റ്റേ​ഷ​ൻ ഡ്യൂ​ട്ടി​ക്കെ​ത്തി​യ​ത്​​. ​ആ​രും കൊ​തി​ക്കു​ന്ന ദു​ബൈ പൊ​ലീ​സി​ന്‍റെ ല​ക്ഷ്വ​റി പെ​ട്രോ​ൾ കാ​ർ ഓ​ടി​ക്കാ​നു​ള്ള സൗ​ഭാ​ഗ്യ​വും ഹു​സൈ​ൻ യൂ​സു​ഫി​ന്​ ല​ഭി​ച്ചു.

‘സ്​​കൂ​ൾ സു​ര​ക്ഷ’ സം​രം​ഭ​ത്തി​ന്‍റെ ഭാ​ഗ​മാ​യി ജ​ന​റ​ൽ ഡി​പാ​ർ​ട്ട്​​​മെ​ന്‍റ്​ ഓ​ഫ്​ ക​മ്യൂ​ണി​റ്റി​ ഹാ​പ്പി​ന​സി​ന്‍റെ സു​ര​ക്ഷ ബോ​ധ​വ​ത്​​ക​ര​ണ വ​കു​പ്പാ​ണ് വേ​റി​ട്ട പ​രി​പാ​ടി​യു​ടെ സം​ഘാ​ട​ക​ർ. അ​ൽ മു​റാ​ഖ​ബാ​ത്ത്​ സ്​​റ്റേ​ഷ​​ന്റെ​യും ജ​ന​റ​ൽ ഡി​പാ​ർ​ട്ട്​ ഓ​ഫ്​ ക്രി​മി​ന​ൽ ഇ​ൻ​വെ​സ്റ്റി​ഗേ​ഷ​നി​ലെ ടൂ​റി​സം പൊ​ലീ​സി​ന്‍റെ​യും സ​ഹ​ക​ര​ണ​ത്തോ​ടെ​യാ​യി​രു​ന്നു​ പ​ദ്ധ​തി ന​ട​പ്പി​ലാ​ക്കി​യ​ത്.

പൊ​തു​ജ​ന​ങ്ങ​ളി​ൽ സ​ന്തോ​ഷ​വും ​​​പൊ​ലീ​സ്​ വ​കു​പ്പി​നോ​ട്​ അ​നു​കൂ​ല മ​നോ​ഭാ​വ​വും പ്ര​ച​രി​പ്പി​ക്കു​ക​യെ​ന്ന​താ​ണ്​ ല​ക്ഷ്യം. അ​തോ​ടൊ​പ്പം ക​മ്യൂ​ണി​റ്റി പൊ​ലീ​സ്​ എ​ന്ന ആ​ശ​യം വി​ദ്യാ​ഭ്യാ​സ രം​ഗ​ത്ത്​ വ്യാ​പി​പ്പി​ക്കു​ക​യും വി​ദ്യാ​ർ​ഥി​ക​ളു​മാ​യി ബ​ന്ധ​പ്പെ​ട്ട നി​യ​മ​ങ്ങ​ളും നി​യ​ന്ത്ര​ണ​ങ്ങ​ളെ കു​റി​ച്ച്​ അ​ധ്യാ​പ​ക​രി​ലും ര​ക്ഷ​ക​ർ​ത്താ​ക്ക​ളി​ലും ബോ​ധ​വ​ത്​​ക​ര​ണം ഉ​ണ്ടാ​ക്കു​ക​യെ​ന്ന​തും പ​ദ്ധ​തി​യു​ടെ ല​ക്ഷ്യ​മാ​ണ്​.

വി​ദ്യാ​ർ​ഥി​ക​ൾ​ക്ക്​ പൊ​ലീ​സി​ന്‍റെ ന​ട​പ​ടി​ക്ര​മ​ങ്ങ​ൾ മ​ന​സ്സി​ലാ​ക്കു​ന്ന​തി​ന്​ ഇ​ത്ത​രം സം​രം​ഭ​ങ്ങ​ൾ സ​ഹാ​യി​ക്കു​മെ​ന്ന്​ അ​ൽ മു​റാ​ഖ​ബാ​ത്ത്​ പൊ​ലീ​സ്​ സ്​​റ്റേ​ഷ​നി​ലെ സ്കൂ​ൾ സു​ര​ക്ഷ പ​ദ്ധ​തി​യു​ടെ കോ​ഓ​ഡി​നേ​റ്റ​ർ സാ​ർ​ജ​ന്‍റ്​ മ​നാ​ൽ അ​ൽ ജു​ഹൈ​രി പ​റ​ഞ്ഞു. സ്മാ​ർ​ട്ട്​ പൊ​ലീ​സ്​ സ്​​റ്റേ​ഷ​നി​ലേ​ക്ക്​ മാ​റാ​ൻ ത​യാ​റെ​ടു​ക്കു​ന്ന ആ​ദ്യ പ​ര​മ്പ​രാ​ഗ​ത പൊ​ലീ​സ്​ സ്​​റ്റേ​ഷ​നാ​ണ്​ അ​ൽ മു​റാ​ഖ​ബ​ത്ത്​ സ്​​റ്റേ​ഷ​ൻ. മ​നു​ഷ്യ ഇ​ട​പെ​ട​ലി​ല്ലാ​തെ ആ​ഴ്ച​യി​ൽ എ​ല്ലാ ദി​വ​സ​വും പ്ര​വ​ർ​ത്തി​ക്കു​ന്ന സ്മാ​ർ​ട്ട്​ ഹ​ബ്ബാ​യി ഇ​തി​നെ മാ​റ്റാ​നാ​ണ്​ പ​ദ്ധ​തി. കു​ട്ടി​പ്പൊ​ലീ​സി​ന്​​ പ്ര​ത്യേ​ക പു​ര​സ്കാ​ര​വും വി​ജ​യാ​ശം​സ​ക​ളും നേ​ർ​ന്നാ​ണ്​ ദു​ബൈ പൊ​ലീ​സ്​ യാ​ത്ര​യാ​ക്കി​യ​ത്. ക​ഴി​ഞ്ഞ വ​ർ​ഷം സെ​പ്​​റ്റം​ബ​റി​ൽ നാ​ലു വ​യ​സ്സു​കാ​ര​നും ഒ​രു ദി​വ​സ​ത്തേ​ക്ക്​ ​പൊ​ലീ​സ്​ യൂ​നി​ഫോം അ​ണി​യാ​ൻ ദു​ബൈ പൊ​ലീ​സ്​ അ​വ​സ​രം ന​ൽ​കി​യി​രു​ന്നു.