ദുബൈയിലെ ടാക്​സികൾക്ക്​  മീറ്ററും സ്​മാർട്ട്​

ദുബൈ: നഗരത്തിലെ ടാക്​സി കാറുകളിൽ സ്​മാർട്ട്​ മീറ്ററുകൾ സ്​ഥാപിക്കുന്ന പ്രവർത്തനം അടുത്ത ജൂണിൽ പൂർത്തിയാവും. 
ഒപ്​റ്റിക്കൽ ​െസൻസർ, മാപ്പുകൾ എന്നിവക്കു പുറമെ സുരക്ഷാ ക്രമീകരണങ്ങൾ നിരീക്ഷിക്കാനുള്ള അമൻ സംവിധാനവും റോഡ്​ ഗതാഗത അതോറിറ്റി (ആർ.ടി.എ) നിഷ്​കർഷിക്കുന്ന പുതിയ മീറ്ററിലുണ്ടാവും. ഇതിനകം 4,850 വാഹനങ്ങളിൽ ഇവ ഘടിപ്പിച്ചതായി ആർ.ടി.എ  ഡയറക്​ടർ ജനറൽ മതാർ അൽ തായിർ പറഞ്ഞു. ഡിസംബർ ആകു​േമ്പാഴേക്കും 7,850 വാഹനങ്ങളിലും ഘടിപ്പിക്കും. അടുത്ത ജൂൺ അവസാനത്തോടെ  ദുബൈയിലെ 10,550 ടാക്​സി വാഹനങ്ങളിലും ഇവ സ്​ഥാപിക്കാനാവും. 6.88 കോടി ദിർഹമാണ്​ ഇതിനായി ചെലവു വരുന്നത്​.

ദുബൈയിയെ സ്​മാർട്ട്​ നഗരമാക്കി പരിവർത്തിപ്പിക്കുന്നതി​​െൻറ ഭാഗമായാണ്​ സ്​മാർട്ട്​ സ​ാ​േങ്കതിക വിദ്യകൾ ഗതാഗത മേഖലയിൽ വ്യാപകമാക്കുന്നതെന്ന്​ അൽ തായിർ പറഞ്ഞു.  ഒപ്​റ്റിക്കൽ സെൻസർ ഉള്ളതിനാൽ ഡ്രൈവർ ഒാൺ ചെയ്​തില്ലെങ്കിലും യാത്രക്കാർ വാഹനത്തിൽ കയറിയാലുടൻ മീറ്റർ പ്രവർത്തിച്ചു തുടങ്ങും.സ്​മാർട്ട്​ ടാക്​സി മീറ്ററിൽ ദുബൈയിലെ സ്​ഥാപനങ്ങളെ അടയാളപ്പെടുത്തുന്ന മക്കാനി സിസ്​റ്റവും ​േടാൾ നിരക്ക്​ ഇൗടാക്കാനുള്ള സാലിക്കും ഉൾക്കൊള്ളിക്കും. നഗരത്തി​​െൻറ എല്ലാ മേഖലകളും അടയാളപ്പെടുത്തിയ മാപ്പ്​ ഉൾപ്പെടുത്തിയതോടെ സ്​ഥലങ്ങൾ കണ്ടെത്തലും യാത്രയും എളുപ്പമാവും. ഡ്യുട്ടിക്കിടയിൽ ഡ്രൈവർമാർക്ക്​  ഇടവേള എടുക്കണമെങ്കിൽ ഉപയോഗിക്കാൻ ഒൗട്ട്​ ഒഫ്​ സർവീസ്​ സ്​ക്രീനും ഡ്യൂട്ടി അവസാനിച്ചത്​ അറിയിക്കുന്ന സ്​ക്രീനും സ്​മാർട്ട്​ മീറ്ററിലുണ്ടാവും.