ഫിലിപ്പിനോ യുവതിക്ക്​ അതിശയ സമ്മാനമൊരുക്കി ദുബൈ സിവിൽ ഡിഫൻസ്​

ദുബൈ: മുഖ്യ ഒാഫിസിലേക്ക്​ എത്താൻ ദുബൈ സിവിൽ ഡിഫൻസിൽ നിന്ന്​ വിളിച്ചു പറഞ്ഞപ്പോൾ കഴ​ിഞ്ഞയാഴ്​ച തീ പിടിത്തമുണ്ടായ മുറഖബാത്തിലെ ഫ്ലാറ്റിൽ താമസിക്കുന്ന ഫിലിപൈൻസ്​ സ്വദേശി ആഞ്ചലി മാങ്കലിൻറാന്​ കാര്യമെന്തെന്നറിയില്ലായിരുന്നു. അവിടെ സിവിൽ ഡിഫൻസ്​ ഡയറക്​ടർ ജനറൽ മേജർ ജനറൽ റാശിദ്​ താനി അൽ മത്​റൂശി ഉൾപ്പെടെ ഉന്നത ഉദ്യോഗസ്​ഥരെല്ലാം അവരെ കാത്ത്​ നിന്നിരുന്നു.

മേജർ ജനറൽ  അൽ മത്​റൂശി തന്നെ ഒരു കുട്ട അവർക്കു നേരെ നീട്ടിയപ്പോഴും എ​ന്താണ്​ ഉള്ളിലെന്ന്​ പിടിയില്ലായിരുന്നു. മൂടി തുറന്നതും ആഞ്ചലിയുടെ മുഖം വിടർന്നു. അവിടെ കൂടി നിന്ന ഒാരോരുത്തരുടെയും.ഏറെ ഭംഗിയുള്ള ഒരു പൂച്ച കുഞ്ഞായിരുന്നു ആ കൂടയുടെ ഉള്ളിൽ. എന്തിനാവും അങ്ങിനെ ഒരു വിചിത്ര സമ്മാനം  ? 

ഫ്ലാറ്റിനു തീ പിടിച്ചപ്പോൾ യുവതിക്ക്​ അവരുടെ ചിക്കോ എന്ന അരുമ പൂച്ചയെ നഷ്​ടപ്പെട്ടിരുന്നു. ഒാമന മൃഗത്തെ നഷ്​ടപ്പെട്ട അവരുടെ സങ്കടം വായിച്ചറിഞ്ഞാണ്​ മുൻപുണ്ടായിരുന്ന ഇനത്തിൽപ്പെട്ട പൂച്ചയെ സമ്മാനിക്കാൻ സിവിൽ ഡിഫൻസ്​ തീരുമാനിച്ചത്​. യു.എ.ഇ ദാനവർ  സന്തോഷം വർധിപ്പിക്കാൻ ലക്ഷ്യമിട്ടാണ്​ ഇൗ സമ്മാ  നമൊരുക്കിയത്​. പുതിയ പൂച്ചയെ കിട്ടിയതിൽ ആഹ്ലാദവതിയായ യുവതി അതിന്​ ചീനോ എന്നാണ്​ പേരു നൽകിയത്​. ജൂലൈ ഒമ്പതിനുണ്ടായ തീ പിടിത്തത്തിൽ ​​രണ്ട്​ കുഞ്ഞുങ്ങൾ ഉൾപ്പെടെ 23 പേരെ അഗ്​നിശമന സേന രക്ഷപ്പെടുത്തിയിരുന്നു.