വീണ്ടും ഡ്രോൺ ആക്രമണങ്ങൾ; ദുബൈയിൽ കെട്ടിടത്തിൽ തീപിടുത്തം

ദുബൈ: മേഖലയിൽ സംഘർഷം ആരംഭിച്ച്​ 13ദിനത്തിലും നഗരത്തിലെ ചില ഭാഗങ്ങളിൽ ഡ്രോൺ ആക്രമണങ്ങൾ റിപ്പോർട്ട്​ ചെയ്തു. വ്യാഴാഴ്ച പുലർച്ചെ ദുബൈ ക്രീക്ക്​ ഹാർബറിൽ ​കെട്ടിടത്തിൽ ഡ്രോൺ പതിച്ച്​ തീപ്പിടിച്ചതാണ്​ ആദ്യ സംഭവം. കെട്ടിടത്തിലെ എല്ലാ താമസക്കാരും സുരക്ഷിതരാണെന്നും തീ പൂർണമായും അണച്ചതായും ദുബൈ മീഡിയ ഓഫീസ്​ അറിയിച്ചു. പകൽ ഉച്ചയോടെ അൽ ബദാഅ്​ പ്രദേശത്തും ഡ്രോൺ ആക്രമണത്തെ അധികൃതർ നേരിടുന്നതായി അധികൃതർ അറിയിച്ചു. പിന്നീട്​ നഗരത്തിൽ ശൈഖ്​ സായിദ്​ റോഡിലെ കെട്ടിടത്തിൻറെ പുറംഭാഗത്ത്​ വ്യോമ പ്രതിരോധത്തിനിടെ കെട്ടിടത്തിൽ ചീളുകൾ വീണു. ചെറിയ സംഭവമാണുണ്ടായതെന്നും ഇതിലൊന്നും ആർക്കും പരിക്കേറ്റിട്ടില്ലെന്നും അധികൃതർ സ്ഥിരീകരിച്ചു.