ഷാർജയിൽ പൊലീസ്​ ബസ്​ അപകടത്തിൽപെട്ട്​ ഡ്രൈവർ മരിച്ചു

ഷാർജ: ഷാർജയിൽ പൊലീസ്​ ബസ്​ അപകടത്തിൽപെട്ട്​ ഡ്രൈവർ മരിച്ചു. ആറ്​ പേർക്ക്​ പരിക്കേറ്റു. ശൈഖ്​ മുഹമ്മദ്​ ബിൻ സായിദ്​ റോഡിൽ ലോറിയുമായി കൂട്ടിയിടിച്ചാണ്​ അപകടം.

പൊലീസ്​ വകുപ്പിലെ ജീവനക്കാരാണ്​ പരിക്കേറ്റവർ. ഇവരുടെ നില ഗുരുതരമല്ല. ഇവരെ ഷാർജയിലെ അൽ ഖാസിമി ആശുപത്രിയിലും കുവൈത്ത്​ ആശുപത്രിയിലും പ്രവേശിപ്പിച്ചു. ഇവരെ ഷാർജ പൊലീസ്​ ഉദ്യോഗസ്ഥർ സന്ദർശിച്ചു. മരിച്ചയാളുടെ കുടുംബാംഗങ്ങളെ ഷാർജ പൊലീസ്​ കമാൻഡർ ഇൻ ചീഫ്​ മേജർ ജനറൽ സെയ്​ഫ്​ അൽ സറി അൽ ഷംസി അനുശോചനം അറിയിച്ചു.