അല്‍നഹ്ദ സെൻററിൽ ഡ്രൈവ് ത്രൂ പി.സി.ആർ ​പരിശോധന സൗകര്യം

ദുബൈ: ഖിസൈസ് അല്‍നഹ്ദ സെൻററിൽ 24 മണിക്കൂറും പ്രവർത്തിക്കുന്ന ഡ്രൈവ് ത്രൂ പി.സി.ആർ കോവിഡ് പരിശോധന കേന്ദ്രത്തിന്​ തുടക്കമായി. ദുബൈ ആരോഗ്യ വകുപ്പി​െൻറ അംഗീകാരത്തോടെയാണ്​ കോവിഡ് പരിശോധന കേന്ദ്രം പ്രവർത്തനമാരംഭിച്ചത്​.

വാഹനത്തിൽ നിന്നിറങ്ങാതെ പരിശോധന നടത്താമെന്നതാണ് സെൻററി​െൻറ പ്രത്യേകത. കുടുംബവുമായി വന്ന്​ യാത്രക്കും മറ്റുമായി പി.സി.ആർ പരിശോധന നടത്തുന്നവർക്ക് കേന്ദ്രം വലിയ ആശ്വാസമാകും. 110 ദിർഹമാണ്​ ഫീസ്​. സാമ്പിൾ എടുത്ത്​ 12 മുതല്‍ 24 മണിക്കൂറിനകം ഫലം ലഭ്യമാക്കും.

കോവിഡ് പരിശോധന കേന്ദ്രങ്ങള്‍ വര്‍ധിപ്പിക്കാനുള്ള യു.എ.ഇ സർക്കാർ നിര്‍ദേശമനുസരിച്ച്​ പുതിയ കേന്ദ്രങ്ങള്‍ സ്ഥാപിക്കുന്നതി​െൻറ ഭാഗമായാണ് ഡ്രൈവ്​ ത്രൂ സെൻറർ ആരംഭിക്കുന്നതെന്ന്​​ അല്‍നഹ്ദ സെൻറർ ഭാരവാഹികൾ വാർത്തസമ്മേളനത്തിൽ പറഞ്ഞു. ഡോൾഡൻ വിസയുമായി ബന്ധപ്പെട്ട സേവനങ്ങളും അൽ നഹ്​ദ സെൻററിൽ ആരംഭിക്കുമെന്നും അറിയിച്ചു.

അൽനഹ്ദ സെൻററിൽ ദുബൈ ഇക്കണോമിക് ഡെവലപ്മെൻറ്, ദുബൈ ഹെൽത്ത് അതോറിറ്റി, ദുബൈ സിവിൽ ഡിഫൻസ്, ഇമിഗ്രേഷൻ കൗണ്ടർ, ദുബൈ പബ്ലിക് നോട്ടറി, ദുബൈ കോർട്ട് തുടങ്ങിയ സർക്കാർ സേവനങ്ങൾ നിലവിലുണ്ട്​. കോവിഡ് പരിശോധന കൂടി ആരംഭിച്ചതിലൂടെ കൂടുതൽ സേവനങ്ങൾ ജനങ്ങളിലേക്ക് എത്തിക്കാൻ കഴിയുമെന്ന്​ അൽനഹ്ദ സെൻറർ മാനേജ്മെൻറ് അംഗങ്ങൾ അറിയിച്ചു.

വാർത്തസമ്മേളനത്തിൽ ചെയർമാൻ ശംസുദ്ദീൻ ബിൻ മുഹ്​യിദ്ദീൻ, എം.ഡി റിസാബ്​ അബ്​ദുല്ല, സി.ഇ.ഒ നബീൽ അഹമ്മദ്​ മുഹമ്മദ്​, എക്​സി. ഡയറക്​ടർ റാശിദ്​ ബിൻ അസ്​ലം, ജി.എം. ഷമീം യൂസഫ്​,എസ്​.ആർ.എൽ ലബോറട്ടറി ഡയറക്​ടർ ഡോ. ഉദയ്​ സുദാൽകർ, മാർക്കറ്റിങ്​ മാനേജർ ടി. പ്രസാദ്​ എന്നിവർ പ​ങ്കെടുത്തു.