ഡോ.​നീ​തു മ​റി​യം ചാ​ക്കോ കു​വൈ​ത്തി​ലെ സ്വ​കാ​ര്യ മേ​ഖ​ല​യി​ലെ ആ​ദ്യ ഇ​ന്ത്യ​ൻ സൈ​ക്യാ​ട്രി​സ്റ്റ്

കു​വൈ​ത്ത് സി​റ്റി: കു​വൈ​ത്തി​ലെ സ്വ​കാ​ര്യ മേ​ഖ​ല​യി​ലെ ആ​ദ്യ​ത്തെ ഇ​ന്ത്യ​ൻ സൈ​ക്യാ​ട്രി​സ്റ്റാ​യി മ​ല​യാ​ളി​യാ​യ ഡോ.​നീ​തു മ​റി​യം ചാ​ക്കോ ചു​മ​ത​ല​യേ​റ്റു. സാ​ൽ​മി​യ​യി​ലെ ഫൗ​സി​യ സു​ൽ​ത്താ​ൻ ഹെ​ൽ​ത്ത് കെ​യ​ർ ക്ലി​നി​ക്കി​ലാ​ണ് സ്പെ​ഷ​ലി​സ്റ്റ് സൈ​ക്യാ​ട്രി​സ്റ്റാ​യി ഡോ. ​നീ​തു മ​റി​യം ചാ​ക്കോ ചു​മ​ത​ല​യേ​റ്റ​ത്.

വി​ഷാ​ദ​രോ​ഗം, ഉ​റ​ക്ക ത​ക​രാ​റു​ക​ൾ, മാ​ന​സി​ക വൈ​ക​ല്യ​ങ്ങ​ൾ എ​ന്നി​വ​യി​ൽ മി​ക​ച്ച ചി​കി​ത്സാ പ​രി​ച​യ​മു​ള്ള മ​നഃ​ശാ​സ്ത്ര​ജ്ഞ​യാ​ണ് ഡോ.​നീ​തു. കു​ട്ടി​ക​ളു​ടെ​യും കൗ​മാ​ര​ക്കാ​രു​ടെ​യും മ​നഃ​ശാ​സ്ത്രം, കൗ​ൺ​സലി​ങ്, പു​ക​വ​ലി നി​ർ​ത്ത​ൽ തെ​റാ​പ്പി എ​ന്നി​വ​യി​ൽ പ്ര​ത്യേ​ക പ​രി​ശീ​ല​നം നേ​ടി​യി​ട്ടു​ണ്ട്.

ഇ​ന്ത്യ​യി​ലെ പ്ര​മു​ഖ ആ​ശു​പ​ത്രി​ക​ളി​ൽ ക​ൺ​സ​ൽട്ട​ന്റ് സൈ​ക്യാ​ട്രി​സ്റ്റാ​യി സേ​വ​ന​മ​നു​ഷ്ഠി​ച്ചാ​ണ് കു​വൈ​ത്തി​ലെ​ത്തു​ന്ന​ത്. സ്കീ​സോ​ഫ്രീ​നി​യ, ഉ​ത്ക​ണ്ഠാ വൈ​ക​ല്യ​ങ്ങ​ൾ, ഒ​ബ്സ​സീ​വ്-​കം​പ​ൾ​സീ​വ് ഡി​സോ​ർ​ഡേ​ഴ്സ് എ​ന്നി​വ ചി​കി​ത്സി​ക്കു​ന്ന​തി​ൽ ദീ​ർ​ഘ​കാ​ല പ​രി​ച​യ​മു​ണ്ട്.

ചെ​ങ്ങ​ന്നൂ​ർ സ്വ​ദേ​ശി​യാ​യ ഡോ.​ നീ​തു മ​റി​യം ചാ​ക്കോ​യു​ടെ കൗ​ൺ​സലി​ങും ചി​കി​ത്സ​യും കു​വൈ​ത്തി​ലെ കൗ​ൺ​സ​ലി​ങ് ആ​വ​ശ്യ​മു​ള്ള മ​ല​യാ​ളി​ക​ൾ​ അ​ട​ക്ക​മു​ള്ള​വ​ർ​ക്ക് ആ​ശ്വാ​സ​മാ​കും. കു​വൈ​ത്തി​ൽ ഡോ​ക്ട​റാ​യ ഡോ.​ജി​ബി​ൻ ജോ​ൺ തോ​മ​സ് ആ​ണ് ഭ​ർ​ത്താ​വ്.