കു​ടു​ങ്ങ​രു​ത്​; ത​ട്ടി​പ്പു​കാ​ർ നി​ങ്ങ​ളു​ടെ പി​ന്നാ​ലെ​യു​ണ്ട്​

ദു​ബൈ: സൈ​ബ​ർ ത​ട്ടി​പ്പ്​ പു​റം​ലോ​ക​ത്തെ അ​റി​യി​ക്കു​ന്ന​ത്​ തെ​റ്റാ​ണോ? അ​ല്ല എ​ന്നാ​യി​രി​ക്കും സാ​ധാ​ര​ണ​ക്കാ​രു​ടെ ഉ​ത്ത​രം. എ​ന്നാ​ൽ, ത​ട്ടി​പ്പു​കാ​രു​ടെ മു​ന്നി​ൽ ഇ​ത്​ വ​ലി​യൊ​രു തെ​റ്റാ​ണ്. ത​ട്ടി​പ്പ്​ ന​ട​ത്തു​ന്നു എ​ന്ന്​ വി​ളി​ച്ചു​പ​റ​ഞ്ഞ​തി​ന് തൊ​ട്ടു​പി​ന്നാ​ലെ ത​ട്ടി​പ്പു​വീ​ര​ന്മാ​ർ ത​ന്നെ​യും തേ​ടി​യെ​ത്തി​യ അ​നു​ഭ​വം വി​വ​രി​ക്കു​ക​യാ​ണ്​ യു.​എ.​ഇ​യി​ലെ റേ​ഡി​യോ അ​വ​താ​ര​ക​ൻ ഫ​സ്​​ലു.

ക​ഴി​ഞ്ഞ ദി​വ​സം ​ചി​ക്ക​ൻ ബ​ർ​ഗ​ർ വാ​ങ്ങി 8000 ദി​ർ​ഹം ന​ഷ്ട​മാ​യ​യാ​ളെ കു​റി​ച്ച്​ ഫ​സ്​​ലു ഇ​ൻ​സ്റ്റ​ഗ്രാ​മി​ൽ പോ​സ്റ്റ്​ ചെ​യ്തി​രു​ന്നു. അ​ൽ​ബെ​യ്കി​ന്‍റെ വ്യാ​ജ ഓ​ഫ​റി​ൽ കു​ടു​ങ്ങി​യാ​ണ്​ പ​ണം ന​ഷ്ട​മാ​യ​ത്. കെ.​എ​ഫ്.​സി, മ​ക്​​ഡൊ​ണാ​ൾ​ഡ്​​സ്, അ​ൽ​ബെ​യ്ക്​ പോ​ലു​ള്ള​വ​യു​ടെ വ്യാ​ജ​ന്മാ​ർ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ ന​ട​ത്തു​ന്ന ത​ട്ടി​പ്പി​നെ കു​റി​ച്ചും വി​ഡി​യോ​യി​ൽ മു​ന്ന​റി​യി​പ്പ്​ ന​ൽ​കി​യി​രു​ന്നു. ഈ ​വി​ഡി​യോ പോ​സ്റ്റ്​ ചെ​യ്ത്​ ര​ണ്ടാം ദി​വ​സ​മാ​ണ്​ യു.​എ.​ഇ സെ​ൻ​ട്ര​ൽ ബാ​ങ്കി​ന്‍റേ​ത്​ എ​ന്ന പേ​രി​ൽ വാ​ട്സ്ആ​പ് മെ​സേ​ജ്​ വ​രു​ന്ന​ത്. സു​ര​ക്ഷ കാ​ര​ണ​ങ്ങ​ളാ​ൽ താ​ങ്ക​ളു​ടെ അ​ക്കൗ​ണ്ടും എ.​ടി.​എം കാ​ർ​ഡും 24 മ​ണി​ക്കൂ​റി​നു​ള്ളി​ൽ മ​ര​വി​പ്പി​ക്കു​മെ​ന്നും വെ​രി​ഫി​ക്കേ​ഷ​ൻ പൂ​ർ​ത്തീ​ക​രി​ക്കാ​ൻ ഉ​ട​ൻ 0507057871 എ​ന്ന ന​മ്പ​റി​ൽ ബ​ന്ധ​പ്പെ​ട​ണ​മെ​ന്നു​മാ​യി​രു​ന്നു മെ​സേ​ജ്. ശൈ​ഖ്​ അ​ബ്​​ദു​ൽ റ​ഹ്​​മാ​ൻ എ​ന്ന ബാ​ങ്ക്​ മാ​നേ​ജ​റു​ടെ പേ​രും സെ​ൻ​ട്ര​ൽ ബാ​ങ്ക്​ ഗ​വ​ർ​ണ​റാ​യി അ​ബ്​​ദു​ൽ ഹാ​മി​ദ്​ സ​ഈ​ദി​ന്‍റെ പേ​രും ​ഈ ​ക​ത്തി​ൽ കാ​ണാം. ഒ​പ്പും സീ​ലു​മെ​ല്ലാ​മു​ള്ള ക​ത്ത്​ ഒ​റി​ജി​ന​ലാ​ണെ​ന്നേ തോ​ന്നൂ. ത​ട്ടി​പ്പാ​ണെ​ന്ന്​ സം​ശ​യ​മു​ണ്ടാ​യി​രു​ന്ന​തി​നാ​ൽ മ​റു​പ​ടി ന​ൽ​കി​യി​ല്ല. ഇ​തി​ന്​ പി​ന്നാ​ലെ​യാ​ണ്​ ദു​ബൈ പൊ​ലീ​സി​ന്‍റെ ന​മ്പ​റി​ൽ​നി​ന്ന്​ ഒ.​ടി.​പി സ​ന്ദേ​ശം വ​രു​ന്ന​ത്. മു​മ്പ് ദു​ബൈ പൊ​ലീ​സി​ൽ​നി​ന്ന്​ മെ​സേ​ജ്​ വ​ന്ന ​അ​തേ ന​മ്പ​റി​ൽ ത​ന്നെ​യാ​യി​രു​ന്നു ഈ ​മെ​സേ​ജും. ഈ ​ഒ.​ടി.​പി ആ​ർ​ക്കും ഷെ​യ​ർ ചെ​യ്യ​രു​തെ​ന്നും മെ​സേ​ജി​ലു​ണ്ടാ​യി​രു​ന്നു. അ​ൽ​പം ക​ഴി​ഞ്ഞ​പ്പോ​ൾ പൊ​ലീ​സ്​ എ​ന്ന പേ​രി​ൽ ഒ​രാ​ൾ വി​ളി​ച്ചു. ഒ.​ടി.​പി പ​റ​ഞ്ഞു​ന​ൽ​കാ​നാ​യി​രു​ന്നു ആ​വ​ശ്യം. എ​ന്നാ​ൽ, ഇ​ത്​ വി​സ​മ്മ​തി​​ച്ച​തോ​ടെ ഫോ​ൺ ക​ട്ട്​ ചെ​യ്യു​ക​യാ​യി​രു​ന്നു.

യു.​എ.​ഇ​യി​ൽ ഇ​ത്ത​ര​ത്തി​ലു​ള്ള സൈ​ബ​ർ ത​ട്ടി​പ്പു​ക​ൾ വ്യാ​പി​ക്കു​ന്നു​ണ്ട്. പ​ണം ന​ഷ്ട​മാ​കു​ന്ന​വ​രും കു​റ​വ​ല്ല. പ്ര​ധാ​ന സ്ഥാ​പ​ന​ങ്ങ​ളു​ടെ ഓ​ഫ​ർ എ​ന്ന പേ​രി​ൽ സ​മൂ​ഹ മാ​ധ്യ​മ​ങ്ങ​ളി​ൽ കാ​ണു​ന്ന ലി​ങ്കു​ക​ളി​ൽ ക്ലി​ക്ക്​ ചെ​യ്യു​ന്ന​വ​ർ​ക്കാ​ണ്​ കൂ​ടു​ത​ലും പ​ണം ന​ഷ്ട​മാ​കു​ന്ന​ത്. ഇ​തി​ൽ ക്ലി​ക്ക്​ ചെ​യ്ത്​ ക്രെ​ഡി​റ്റ്​ കാ​ർ​ഡ്​ വി​വ​ര​ങ്ങ​ളും ഒ.​ടി.​പി​യും ന​ൽ​കു​ന്ന​തോ​ടെ അ​ക്കൗ​ണ്ടി​ലെ പ​ണം പൂ​ർ​ണ​മാ​യും ന​ഷ്​​ട​പ്പെ​ടും. ക്രെ​ഡി​റ്റ്​ കാ​ർ​ഡി​ലെ തു​ക​യും ത​ട്ടി​പ്പു​കാ​ർ പി​ൻ​വ​ലി​ക്കും. പൊ​ലീ​സി​ലും ബാ​ങ്കി​ലും പ​രാ​തി ന​ൽ​കാ​മെ​ങ്കി​ലും ത​ട്ടി​പ്പു​കാ​ർ ഏ​തെ​ങ്കി​ലും വി​ദേ​ശ​രാ​ജ്യ​ത്താ​യ​തി​നാ​ൽ പ​ണം തി​രി​ച്ചു​കി​ട്ടാ​നു​ള്ള സാ​ധ്യ​ത കു​റ​വാ​ണ്.

ക​ഴി​ഞ്ഞ ദി​വ​സം യു.​എ.​ഇ​യി​ൽ സെ​യി​ൽ​സി​ൽ ജോ​ലി​ചെ​യ്യു​ന്ന മ​ല​യാ​ളി​യാ​യ ഷ​മീം ഇ​ത്ത​ര​മൊ​രു അ​നു​ഭ​വം പ​ങ്കു​വെ​ച്ചി​രു​ന്നു. അ​ബൂ​ദ​ബി പൊ​ലീ​സി​ൽ​നി​ന്ന്​ എ​ന്ന വ്യാ​ജേ​ന​യാ​ണ്​ ഷ​മീ​മി​ന്​ മെ​സേ​ജ്​ വ​ന്ന​ത്. ‘നി​ങ്ങ​ൾ ഈ ​രാ​ജ്യ​ത്തെ നി​യ​മ​ത്തി​ന് നി​ര​ക്കാ​ത്ത വ​ലി​യ കു​റ്റ​കൃ​ത്യ​ത്തി​ൽ അ​ക​പ്പെ​ട്ടി​ട്ടു​ണ്ടെ​ന്നും സെ​ക്സ് റാ​ക്ക​റ്റു​മാ​യി ബ​ന്ധ​മു​ള്ള കൃ​ത്യ​മാ​യ​തി​നാ​ൽ പി​ഴ​യാ​യി 16,500 ദി​ർ​ഹം ഉ​ട​ൻ അ​ട​ക്ക​ണ​മെ​ന്നും’ അ​റി​യി​ച്ചാ​യി​രു​ന്നു മെ​സേ​ജ്. പ്രൊ​ഫൈ​ൽ പി​ക്ച​റാ​യി അ​ബൂ​ദ​ബി പൊ​ലീ​സി​ന്‍റെ യൂ​നി​ഫോം ധ​രി​ച്ച ഉ​ദ്യോ​ഗ​സ്ഥ​ന്‍റെ ചി​ത്ര​വും.

സം​ഗ​തി ത​ട്ടി​പ്പാ​ണെ​ന്ന് ഉ​റ​പ്പു​ണ്ടാ​യ​തു​കൊ​ണ്ട് ഷ​മീം മ​റു​പ​ടി​യൊ​ന്നും അ​യ​ക്കാ​ൻ മെ​ന​ക്കെ​ട്ടി​ല്ല. ര​ണ്ടു മ​ണി​ക്കൂ​ർ ക​ഴി​ഞ്ഞ് ഫോ​ണി​ലേ​ക്ക് പൊ​ലീ​സ് ആ​ണെ​ന്നും പ​റ​ഞ്ഞ്​ വി​ളി വ​ന്നു. മെ​സേ​ജി​ൽ പ​റ​ഞ്ഞ​പോ​ലെ 16,500 ദി​ർ​ഹം ഉ​ട​ൻ അ​ട​ക്ക​ണ​മെ​ന്നും അ​ല്ലെ​ങ്കി​ൽ ലൊ​ക്കേ​ഷ​ൻ നോ​ക്കി ഉ​ട​ൻ പി​ടി​കൂ​ടി അ​ക​ത്തി​ടു​മെ​ന്നു​മാ​യി​രു​ന്നു ഭീ​ഷ​ണി. താ​ൻ ചെ​യ്ത തെ​റ്റ് എ​ന്താ​ണെ​ന്ന് അ​റി​യ​ണ​മെ​ന്നും നി​ങ്ങ​ൾ പി​ടി​കൂ​ടാ​തെ ത​ന്നെ പ​റ​യു​ന്ന പൊ​ലീ​സ് സ്റ്റേ​ഷ​നി​ൽ ഹാ​ജ​രാ​കാ​മെ​ന്നും ഷ​മീം അ​റി​യി​ച്ചു. താ​ൻ ദു​ബൈ​യി​ലാ​ണു​ള്ള​ത് എ​ന്ന് പ​റ​ഞ്ഞ​തു​കൊ​ണ്ടാ​വ​ണം ദു​ബൈ പൊ​ലീ​സ് ഹെ​ഡ് ക്വാ​ർ​ട്ടേ​ഴ്സി​ലേ​ക്ക് ഉ​ട​ൻ എ​ത്ത​ണം എ​ന്നു​പ​റ​ഞ്ഞു ഫോ​ൺ ക​ട്ട് ചെ​യ്തു. ഷ​മീം പൊ​ലീ​സ് ഹെ​ഡ് ക്വാ​ർ​ട്ടേ​ഴ്സി​ൽ നേ​രി​ട്ടു​ചെ​ന്ന് ഒ​റി​ജി​ന​ൽ പൊ​ലീ​സി​നോ​ട് കാ​ര്യ​ങ്ങ​ൾ വി​ശ​ദീ​ക​രി​ച്ചു. മെ​സേ​ജ് ക​ണ്ട മാ​ത്ര​യി​ൽ ഇ​ത് ത​ട്ടി​പ്പാ​ണെ​ന്ന് ഉ​റ​പ്പി​ച്ചു​പ​റ​ഞ്ഞ പൊ​ലീ​സ് ഉ​ദ്യോ​ഗ​സ്ഥ​ൻ ഇ​ത്ത​രം മെ​സേ​ജു​ക​ളോ​ട് പൊ​തു​ജ​ന​ങ്ങ​ൾ പ്ര​തി​ക​രി​ക്കാ​തി​രി​ക്ക​ലാ​ണ് ഏ​റ്റ​വും ഉ​ചി​ത​മെ​ന്ന് ഓ​ർ​മി​പ്പി​ച്ചു.