മെഹ്​ഫിൽ ചെറുകഥാ മത്സരം അവാർഡ്‌ ദാനം

ദുബൈ: മെഹ്​ഫിൽ ചെറുകഥാ മത്സര വിജയികൾക്കുള്ള അവാർഡ്‌ ദാന ചടങ്ങ് നടന്നു. സംവിധായകൻ സുഗീത്​, എഴുത്തുകാരിയും മാധ്യമപ്രവർത്തകയുമായ സോണിയ ഷിനോയി, ജൂറിയായ രമേശ് പെരുമ്പിലാവ്​ എന്നിവർ ചേർന്ന് അവാർഡ്‌ ദാനം നിർവഹിച്ചു. അൻസർ കൊയിലാണ്ടി, അഷ്‌റഫ് പിലാക്കൽ, ബാബു ഖാൻ തുടങ്ങിയവർ സംബന്ധിച്ചു.

സി.പി. അനിൽകുമാറി​െൻറ 'ഡമാസ്കസ്​' ഒന്നാം സ്‌ഥാനം നേടി. സലിം അയ്യനത്തി​െൻറ 'അനാമിക', സർഗ റോയിയുടെ 'ആത്മഹത്യ' എന്നിവ രണ്ടാം സ്ഥാനം പങ്കിട്ടു. അജീഷ് മാത്യുവി​െൻറ 'പൊതുമാപ്പ്', മനോജ് കോടിയത്തി​െൻറ 'അയിഷ' എന്നിവക്കാണ്​ മൂന്നാം സ്​ഥാനം. ഷാജി ഹനീഫി​െൻറ 'ഹൃദയത്തിനു കുറുകെ ഒരു മുഖാവരണം', ജിഷ സന്ദീപി​െൻറ 'സാവേരി', പ്രവീൺ പാലക്കീലി​െൻറ 'മറിയച്ചേടത്തിയുടെ വീട്', ഹുസ്ന റാഫിയുടെ 'സ്വപ്നങ്ങൾ വിൽക്കുന്നവർ', ഗണേഷ് ആലുങ്കലി​െൻറ 'രണ്ട് തീർഥാടകർ' എന്നീ കഥകൾക്ക്‌ സ്പെഷൽ ജൂറി പുരസ്‌കാരം ലഭിച്ചു. ബഷീർ സിൽസില അധ്യക്ഷത വഹിച്ചു. പോൾസൺ പാവറട്ടി സ്വാഗതവും ബിനു ഹൈസ്സൈൻ നന്ദിയും പറഞ്ഞു.