ദുബൈയിൽ നായ്​ക്കൾ മണത്തു പിടിച്ചത്​ 50 ലക്ഷം മയക്കുമരുന്ന്​ ഗുളികകൾ

ദുബൈ: നായ്​ക്കളുടെ സഹായത്തോടെ ദുബൈ കസ്​റ്റംസ്​ പിടികൂടിയത്​ 50 ലക്ഷം മയക്കുമരുന്ന്​ ഗുളികകൾ. ജബൽ അലി ഫ്രീസോ ണിൽ നിന്നാണ്​ ഇത്രയും മയക്കുമരുന്ന്​ പിടികൂടിയത്​. വാഹനഘടകങ്ങൾ നിറച്ച കണ്ടെയ്​നറിൽ സൂക്ഷിച്ചിരിക്കുകയായിരുന്നു ഇവ. ഇതോടെ 2018 ജനുവരി മുതൽ ഇതുവരെ കെ 9 സ്​നിഫിങ്​ നായ്​ക്കളുടെ യൂണിറ്റ്​ പിടികൂടിയ മയക്കുഗുളികകളുടെ എണ്ണം​ 1.5 കോടിയായി. ഇൻറലിജൻറ്​സ്​ ഉദ്യോഗസ്​ഥർ​ റീജനൽ ഇൻറലിജൻറ്​സ്​ ലൈസൺ ഒാഫീസ്​ വഴിയാണ്​ നടപടികൾ സ്വീകരിച്ചത്​. മുൻകൂട്ടി വിവരം ലഭിച്ചതനുസരിച്ച്​ ഇൗ കണ്ടെയ്​നർ കസ്​റ്റംസ്​ ഇൻറലിജൻറ്​സി​​​െൻറ നിരീക്ഷണത്തിലായിരുന്നു. ഒളിപ്പുവെച്ചിരുന്ന മയക്കുമരുന്ന്​ എവിടെന്ന്​ കണ്ടെത്താനാണ്​ നായ്​ക്കളെ ഉപയോഗിച്ചത്​. കണ്ടെടുത്ത മയക്കുമരുന്നിന്​ 500 കിലോ ഭാരം വരും. 2016 മുതൽ 2019 വരെ കാലഘട്ടത്തിൽ 19 തവണയാണ്​ ജബൽഅലി കസ്​റ്റംസ്​ മയക്കുമരുന്ന്​ പിടികൂടുന്നത്​. ഇതിലൂടെ കണ്ടെടുത്തത്​ ഏകദേശം 22.5 കോടി മയക്കുമരുന്ന്​ ഗുളികകളും 51 കിലോ മറ്റ്​ മയക്കുമരുന്നുകളുമാണെന്ന്​ ദുബൈ കസ്​റ്റംസ്​ ഡയറക്​ടർ അഹ്​മദ്​ മഹ്​ബൂബ്​ മുസാബിഹ്​ പറഞ്ഞു. ദുബൈയിലേക്ക്​ കടക്കു​േമ്പാൾ തന്നെ കണ്ടെയ്​നർ നിരീക്ഷണത്തിലായിരുന്നുവെന്ന്​ കസ്​റ്റംസ്​ ഇൻറലിജൻറ്​സ്​ ഡയറക്​ടർ സുഹൈബ്​ അൽ സുവൈദി പറഞ്ഞു.