സൂ​ക്ഷി​ക്കു​ക, ഹെ​ഡ്ഫോ​ൺ ഉ​പ​യോ​ഗം അ​മി​ത​മാ​ക​രു​ത്​

അ​ബൂ​ദ​ബി: ഉ​യ​ർ​ന്ന​ശ​ബ്ദ​ത്തി​ലു​ള്ള ഹെ​ഡ്ഫോ​ണി​ന്‍റെ അ​മി​ത ഉ​പ​യോ​ഗം കേ​ൾ​വി​ളി​യെ പ്ര​തി​കൂ​ല​മാ​യി ബാ​ധി​ക്കു​ന്ന സം​ഭ​വ​ങ്ങ​ൾ വ​ർ​ധി​ച്ചു​വ​രു​ന്ന​താ​യി യു.​എ.​ഇ​യി​ലെ ആ​രോ​ഗ്യ​വി​ദ​ഗ്ധ​ർ. മു​തി​ർ​ന്ന​വ​രും കു​ട്ടി​ക​ളും വ്യാ​പ​ക​മാ​യി ഹെ​ഡ്‌​ഫോ​ൺ ഉ​പ​യോ​ഗി​ക്കു​ന്നു​ണ്ട്. കോ​വി​ഡാ​ന​ന്ത​രം വ​ർ​ക് ഫ്രം ​ഹോം അ​ട​ക്ക​മു​ള്ള​രീ​തി​ക​ൾ വ്യാ​പ​ക​മാ​യ​തോ​ടെ ഹെ​ഡ് ഫോ​ൺ ഉ​പ​യോ​​ഗം മു​തി​ർ​ന്ന​വ​രി​ലും വ​ർ​ധി​ച്ചു. ഉ​യ​ർ​ന്ന​ശ​ബ്ദ​ത്തി​ലു​ള്ള ഹെ​ഡ്ഫോ​ണി​ന്‍റെ അ​മി​ത ഉ​പ​യോ​​ഗ​മാ​ണ് കേ​ൾ​വി​ത്ത​ക​രാ​റി​ന് കാ​ര​ണ​മാ​വു​ക.

സം​​ഗീ​ത​നി​ശ​ക​ൾ, കാ​യി​ക​പ​രി​പാ​ടി​ക​ൾ എ​ന്നി​വി​ട​ങ്ങ​ളി​ൽ​നി​ന്നു​ള്ള അ​മി​ത ശ​ബ്ദ​വും കേ​ൾ​വി​ത്ത​ക​രാ​റി​ന് കാ​ര​ണ​മാ​വും. 2050ഓ​ടെ ലോ​ക​ത്ത് 2.5 ബി​ല്യ​ൻ ആ​ളു​ക​ൾ​ക്ക് കേ​ൾ​വി​ത്ത​ക​രാ​ർ സം​ഭ​വി​ക്കു​മെ​ന്ന് ലോ​കാ​രോ​​ഗ്യ​സം​ഘ​ട​ന 2021ലെ ​റി​പ്പോ​ർ​ട്ടി​ൽ മു​ന്ന​റി​യി​പ്പ് ന​ൽ​കി​യി​രു​ന്നു. ഹെ​ഡ്‌​ഫോ​ണി​ന്‍റെ അ​മി​ത ഉ​പ​യോ​​ഗം കേ​ൾ​വി​യെ പ്ര​തി​കൂ​ല​മാ​യി ബാ​ധി​ക്കു​മെ​ന്ന് ആം​ബു​ലേ​റ്റ​റി ഹെ​ൽ​ത്ത് കെ​യ​ർ സ​ർ​വി​സ​സി​ലെ ഓ​ഡി​യോ​ള​ജി വി​ഭാ​​ഗം മേ​ധാ​വി ഡോ. ​സ്നി​തി​ൻ ശ​ശീ​ന്ദ്ര​ൻ വ്യ​ക്ത​മാ​ക്കി. കു​ട്ടി​ക​ൾ ഹെ​ഡ്ഫോ​ൺ ഉ​പ​യോ​​ഗി​ക്കു​ന്നു​ണ്ടെ​ങ്കി​ൽ അ​മി​ത​ശ​ബ്​​ദം അ​നു​വ​ദി​ക്ക​രു​ത്. നി​ര​വ​ധി കു​ട്ടി​ക​ൾ​ക്ക് കേ​ൾ​വി​ക്കു​റ​വു​ള്ള​തി​നാ​ലാ​ണ് സ്കൂ​ളി​ൽ മോ​ശം പ്ര​ക​ട​നം കാ​ഴ്ച​വെ​ക്കു​ന്ന​ത്. വി​ഡി​യോ​ ഗെ​യിം നി​ര​ന്ത​രം ക​ളി​ക്കു​ന്ന​തി​ലൂ​ടെ​യാ​ണ് അ​ധി​കം കു​ട്ടി​ക​ൾ​ക്കും കേ​ൾ​വി​ത്ത​ക​രാ​ർ സം​ഭ​വി​ക്കു​ന്ന​തെ​ന്നും ഡോ​ക്ട​ർ പ​റ​ഞ്ഞു.

കു​ട്ടി​ക​ളു​ടെ അ​മി​ത ഇ​ന്‍റ​ര്‍നെ​റ്റ് ഉ​പ​യോ​ഗം അ​വ​രെ മാ​ന​സി​ക​വും ശാ​രീ​രി​ക​വും വൈ​കാ​രി​ക​വു​മാ​യി ബാ​ധി​ക്കു​ന്ന​ത് വെ​ല്ലു​വി​ളി​യാ​കു​മെ​ന്ന് അ​ധി​കൃ​ത​ർ മു​ന്ന​റി​യി​പ്പ് ന​ൽ​കി​യി​രു​ന്നു. ഇ​ന്‍റ​ര്‍നെ​റ്റ് ഉ​പ​യോ​ഗം വീ​ട്ടു​കാ​ര്‍ നി​രീ​ക്ഷി​ക്ക​ണം. അ​നാ​വ​ശ്യ ഉ​ള്ള​ട​ക്ക​ങ്ങ​ള്‍ കു​ട്ടി​ക​ള്‍ കാ​ണു​ന്ന​ത് ത​ട​യാ​നും ഇ​ന്‍റ​ര്‍നെ​റ്റി​ല്‍ വ​ല​വി​രി​ക്കു​ന്ന ച​തി​യ​ന്‍മാ​രു​ടെ പി​ടി​യി​ല്‍പെ​ടു​ന്ന​ത് ഒ​ഴി​വാ​ക്കാ​നും ക​ഴി​യും. ദി​വ​സ​വും നാ​ലു മ​ണി​ക്കൂ​റോ​ളം സ​മ​യം കു​ട്ടി​ക​ള്‍ ഓ​ണ്‍ലൈ​നി​ല്‍ ചെ​ല​വ​ഴി​ക്കു​ന്നു​ണ്ടെ​ന്നും ഡോ​ക്ട​ർ​മാ​ർ മു​ന്ന​റി​യി​പ്പ്​ ന​ൽ​കി. ഇ​ത്​ കു​ട്ടി​ക​ളു​ടെ മാ​ന​സി​ക​നി​ല​യെ ബാ​ധി​ക്കും. ദേ​ഷ്യം, വെ​റു​പ്പ്, വി​ഷാ​ദം, ശാ​രീ​രി​ക​മാ​യ അ​സ്വ​സ്ഥ​ത​ക​ള്‍ തു​ട​ങ്ങി​യ​വ​യി​ലാ​ണ് ഇ​ത് എ​ത്തു​ക​യെ​ന്നും അ​വ​ർ മു​ന്ന​റി​യി​പ്പ്​ ന​ൽ​കി.