അമിതവേ​ഗം പാടില്ല; മുന്നറിയിപ്പുമായി അബൂദബി പെലീസ്

അ​ബൂ​ദ​ബി: അ​മി​ത വേ​​ഗ​ത്തി​ൽ വാ​ഹ​ന​മോ​ടി​ക്ക​രു​തെ​ന്ന്​ ഡ്രൈ​വ​ർ​മാ​രെ ഓ​ർ​മ​പ്പെ​ടു​ത്തി അ​ബൂ​ദ​ബി പൊ​ലീ​സ്. ഇ​തി​ന്‍റെ അ​പ​ക​ടം വ്യ​ക്ത​മാ​ക്കി സ​മൂ​ഹ​മാ​ധ്യ​മ​ത്തി​ൽ ബോ​ധ​വ​ത്ക​ര​ണം ന​ട​ത്തു​ന്നു​ണ്ട്. കാ​മ്പ​യി​നി​ൽ മ​റ്റു വാ​ഹ​ന​ങ്ങ​ളി​ൽ​നി​ന്ന് മ​തി​യാ​യ അ​ക​ലം പാ​ലി​ക്ക​ണ​മെ​ന്നും പൊ​ലീ​സ് നി​ർ​ദേ​ശി​ച്ചു. അ​മി​ത​വേ​ഗ​ത്തി​ലെ ഡ്രൈ​വി​ങ് അ​പ​ക​ട​മ​ര​ണ​ങ്ങ​ൾ​ക്ക്​ കാ​ര​ണ​മാ​കു​മെ​ന്നും പൊ​ലീ​സ് മു​ന്ന​റി​യി​പ്പ് ന​ൽ​കി. അ​മി​ത വേ​​ഗ​മാ​ണ് ലോ​ക​ത്തി​ലെ ഭൂ​രി​ഭാ​​ഗം അ​പ​ക​ട​മ​ര​ണ​ങ്ങ​ൾ​ക്കും കാ​ര​ണ​മെ​ന്നാ​ണ് ആ​​ഗോ​ള ക​ണ​ക്കു​ക​ൾ വ്യ​ക്ത​മാ​ക്കു​ന്ന​തെ​ന്നും പൊ​ലീ​സ് അ​റി​യി​ച്ചു.

അ​മി​ത വേ​​ഗ​ത്തി​ൽ വാ​ഹ​ന​മോ​ടി​ക്കു​ന്ന​തു​മൂ​ലം വാ​ഹ​നം നി​യ​ന്ത്ര​ണം വി​ടു​ക​യും യാ​ത്ര​ക്കാ​രു​ടെ ജീ​വ​ൻ അ​പ​ക​ട​ത്തി​ലാ​ക്കു​ക​യും ചെ​യ്യും. നി​യ​മ​പ​ര​മാ​യ വേ​​ഗ​പ​രി​ധി പാ​ലി​ക്കു​ക​യും മു​ന്നി​ൽ പോ​കു​ന്ന വാ​ഹ​ന​ങ്ങ​ളി​ൽ​നി​ന്ന് മ​തി​യാ​യ അ​ക​ലം പു​ല​ർ​ത്തു​ക​യും വേ​ണം -പൊ​ലീ​സ് ആ​വ​ശ്യ​പ്പെ​ട്ടു.

വാ​ഹ​ന​മോ​ടി​ക്കു​മ്പോ​ൾ മൊ​ബൈ​ൽ ഫോ​ൺ ഉ​പ​യോ​​ഗി​ക്കു​ന്ന​തി​നെ​തി​രെ​യും പൊ​ലീ​സ് മു​ന്ന​റി​യി​പ്പ് ന​ൽ​കി.

വേ​​ഗ​ത്തി​ൽ പോ​വു​ന്ന വാ​ഹ​നം നി​ർ​ത്താ​ൻ കൂ​ടു​ത​ൽ സ​മ​യം ആ​വ​ശ്യ​മാ​യി വ​രു​ന്ന​തി​നാ​ൽ അ​പ​ക​ട​മു​ണ്ടാ​യാ​ൽ ഇ​ടി​യു​ടെ ആ​ഘാ​തം വ​ർ​ധി​പ്പി​ക്കും.

സ്വ​ന്ത​ത്തി​ന്‍റെ​യും മ​റ്റ് റോ​ഡ് ഉ​പ​യോ​ക്താ​ക്ക​ളു​ടെ​യും സു​ര​ക്ഷ​ക്കു​ ​വേ​ണ്ടി ഗ​താ​​ഗ​ത​നി​യ​മം എ​പ്പോ​ഴും പാ​ലി​ക്ക​ണ​മെ​ന്ന് പൊ​ലീ​സ് ഡ്രൈ​വ​ർ​മാ​രോ​ട് ആ​വ​ശ്യ​പ്പെ​ട്ടു. നി​ർ​ദി​ഷ്ട വേ​​ഗ​പ​രി​ധി​യി​ൽ 10 കി​ലോ​മീ​റ്റ​റി​ൽ കൂ​ടി​യാ​ൽ ഡ്രൈ​വ​ർ​ക്ക് 400 ദി​ർ​ഹം പി​ഴ​യും 80 കി​ലോ​മീ​റ്റ​ർ വേ​​ഗം ലം​ഘി​ച്ചാ​ൽ 3000 ദി​ർ​ഹ​വും ലൈ​സ​ൻ​സി​ൽ 23 ബ്ലാ​ക്ക് പോ​യ​ന്‍റ്​ ചു​മ​ത്തു​ക​യും വാ​ഹ​നം 60 ദി​വ​സ​ത്തേ​ക്ക് ക​ണ്ടു​കെ​ട്ടു​ക​യും ചെ​യ്യും. മ​റ്റു വാ​ഹ​ന​ങ്ങ​ളി​ൽ​നി​ന്ന് സു​ര​ക്ഷി​ത​മാ​യ അ​ക​ലം പാ​ലി​ക്കാ​ത്ത വാ​ഹ​ന​ങ്ങ​ളു​ടെ ഡ്രൈ​വ​ർ​മാ​ർ​ക്ക് 400 ദി​ർ​ഹം പി​ഴ​യും നാ​ല് ബ്ലോ​ക്ക് പോ​യ​ന്റും ചു​മ​ത്തും.