അഷ്‌റഫ്‌ താമരശേരിക്ക്‌ ഡിലിറ്റ്‌

അജ്​മാൻ: യു.എ.ഇ യിലെ പ്രമുഖ സാമൂഹിക പ്രവർത്തകനും പ്രവാസി ഭാരതി അവാർഡ്‌ ജേതാവുമായ അഷറഫ്‌ താമരശേരിക്ക്‌ അമേരിക്കയിലെ ഹവായിൽ പ്രവർത്തിക്കുന്ന കിംഗ്‌സ്‌ യൂണിവേഴ്‌സിറ്റി ഡിലിറ്റ്‌ നൽകി ആദരിച്ചു. പതിനാലു വർഷത്തിലേറെയായി യു.എ.ഇ യിൽ നിന്നും മരണപ്പെട്ട  നാലായിരത്തോളം പ്രവാസികളുടെ മൃതദേഹങ്ങൾ സ്വദേശത്തേക്ക്‌  കയറ്റി അയക്കുന്നതിന്​ നൽകിയ സേവനം മുൻ നിർത്തിയാണ്‌ ഡിലിറ്റ്‌ നൽകിയത്‌. കിംഗ്‌സ്‌ യൂനിവേഴ്‌സിറ്റി ചെ​​െന്നയിൽ സംഘടിപ്പിച്ച ചടങ്ങിൽ കിംഗ്‌സ്‌ യൂനിവേഴ്‌സിറ്റി പ്രസിഡൻറ്​ ഡോ. സെൽവിൻ കുമാർ സർട്ടിഫിക്കറ്റ്‌ കൈമാറി.

യു.എ.ഇ യിൽ നിന്നു തന്നെയുള്ള പ്രശസ്​ത മാപ്പിളപ്പാട്ട്‌ ഗായകൻ യൂസഫ്‌ കാരക്കാട്‌, സിനിമാ താരങ്ങളായ സിതാര, വി.എം. റിയാസ്‌, റിയാദിലെ അൽ യാസ്​മീൻ ഇൻറർനാഷ്​ണൽ സ്​കൂൾ പ്രിൻസിപ്പാൾ റഹ്​മത്തുള്ള, അടക്കം സമൂഹത്തിൽ പ്രവർത്തന മികവ്‌ തെളിയിച്ച മറ്റു പതിമൂന്ന്‌ പേർക്കും ചടങ്ങിനോടനുബന്ധിച്ച്‌ ഡിലിറ്റ്‌ ബിരുദം നൽകി. മുപ്പത്തഞ്ചോളം രാജ്യങ്ങളിലെ പ്രവാസികളുടെ നാലായിരത്തോളം മൃതദേഹം ഈ കാലയളവിൽ അഷ്​റഫ്‌ താമരശേരിയുടെ ശ്രമഫലമായി യു.എ.ഇ യിൽ നിന്നും നാട്ടിലേക്ക്​ അയച്ചിട്ടുണ്ട്‌. വി.എം. സേവ്യർ ഐ.എ.എസ്‌  ചടങ്ങിൽ മുഖ്യാതിഥിയായിരുന്നു. മിഡിൽ ഇൗസ്​റ്റ്​ കോഡിനേറ്റർ അമാനുള്ള വടക്കാങ്ങര സ്വാഗതവും ഉബൈദ്‌ എടവണ്ണ നന്ദിയും പറഞ്ഞു.