ഇഫ്താർ കിറ്റ്​ വിതരണം

ദുബൈ: റമദാനോടനുബന്ധിച്ച് ഒരു മാസത്തേക്കുള്ള പ്രൊവിഷൻ കിറ്റുകൾ തിരുവനന്തപുരം എൻജിനീയറിങ്​ കോളജ് അലുംനി യു.എ.ഇ ചാപ്റ്റർ വിതരണം ചെയ്​തു. മലബാർ ഗോൾഡുമായി ചേർന്ന് മരുഭൂമിയിലെ ആട്ടിടയന്മാർക്കും ഒട്ടകത്തെ മേയ്ക്കു​ന്നവർക്കുമാണ്​ കിറ്റ്​ എത്തിച്ചത്​. മണലാരണ്യങ്ങളിലെ ആടുജീവിതങ്ങളെ നേരിട്ട് അറിയാൻ കോളജ് അലുംനി നടത്തിയ ഒരു ദിവസത്തെ യാത്രയിൽ കഷ്​ടപ്പെടുന്നവർക്ക് കൈത്താങ്ങായി ഒരു മാസം അവർക്കുള്ള ഭക്ഷ്യ സാധനങ്ങൾ വിതരണം ചെയ്യുകയായിരുന്നു. എ.എസ്​. ദീപു, നസറുൽ ഇസ്​ലാം, താജുദ്ദീൻ, സന്തോഷ്‌ സക്കറിയ, പി.ആർ. ആദർശ്, മുനീർ, സുറുമി രസിയ, അൻഷാദ്, ആദിൽ, റസീബ്, അനസ്​ എന്നിവർ നേതൃത്വം നൽകി.