മാധവൻ പാടിയുടെ ഓർമക്കായി സൗജന്യ കോവിഡ് വാക്സിന്‍ വിതരണം

ഷാര്‍ജ: കോവിഡ് കവർന്നെടുത്ത സാമൂഹിക-രാഷ്​ട്രീയ-ജീവകാരുണ്യ പ്രവര്‍ത്തകന്‍ മാധവൻ പാടിയുടെ ഓർമക്കായി മാസ് ഷാർജയും ഇന്ത്യൻ സോഷ്യൽ സെൻറർ അജ്മാനും സംയുക്തമായി സംഘടിപ്പിക്കുന്ന സൗജന്യ കോവിഡ് വാക്സിന്‍ കുത്തിവെപ്പ് ശനിയാഴ്ച ഉച്ചക്ക് ഒന്നു​ മുതൽ രാത്രി എട്ടുവരെ അജ്മാൻ ഇന്ത്യൻ സോഷ്യൽ സെൻററിൽ നടക്കുമെന്ന് സംഘാടകര്‍ പറഞ്ഞു. കോവിഡ്‌ വാക്സി​െൻറ ആദ്യ ഡോസ് കുത്തിവെപ്പാണ് നൽകുന്നത്.

താഴെ പറയുന്ന നിബന്ധനകൾക്ക് വിധേയമായായിരിക്കും വാക്സിനേഷൻ നൽകുക. വാക്സിൻ എടുക്കാൻ താൽപര്യപ്പെടുന്നവർ www.iscajman.online/vaccine എന്ന ലിങ്കിൽ മുൻകൂട്ടി രജിസ്​റ്റർ ചെയ്യണം. കുടുംബത്തിലെ ഒന്നിലധികം പേർക്ക് വാക്സിൻ വേണമെങ്കിൽ വെവ്വേറെ രജിസ്​റ്റർ ചെയ്യണം. തിരഞ്ഞെടുക്കപ്പെടുന്നവർക്ക് മൊബൈലില്‍ എസ്.എം.എസ് ലഭിക്കും. ഇവർക്ക് മാത്രമേ കുത്തി​െവപ്പ് നൽകൂ. വാക്സിനേഷനു വരുമ്പോൾ കാലാവധിയുള്ള എമിറേറ്റ്സ് ഐഡിയും കോപ്പിയും കൊണ്ടുവരണം. തിരിച്ചറിയല്‍ കാര്‍ഡി​െൻറ കാലാവധി കഴിഞ്ഞവർക്കും സന്ദർശക വിസക്കാർക്കും വാക്സിന്‍ ലഭിക്കില്ല. വാക്സിനേഷന് വരുമ്പോൾ എസ്.എം.എസ് സന്ദേശം കാണിക്കണം.