മലയാള സിനിമയിലെ നവതരംഗം  ആരോഗ്യകരം – സംവിധായകൻ സിദ്ദീഖ്​

ദുബൈ: മലയാള സിനിമയിലെ നവതരംഗം സൃഷ്​ടിക്കുന്ന മാറ്റങ്ങൾ ഏറെ ആഹ്ലാദകരവും ആരോഗ്യകരവുമാണെന്ന്​ സംവിധായകൻ സിദ്ദീഖ്​. ഏറെ കഴിവുകളുള്ള നിരവധി പേരാണ്​ സിനിമാ മേഖലയിൽ എത്തുന്നത്​. സാ​േങ്കതിക വിദ്യയുടെ മികവും കൂടി ചേരു​േമ്പാൾ മനോഹരമായ ​ഫ്രെയിമുകളും കാഴ്​ച അനുഭവവും പകരാൻ സമകാലിക സിനിമകൾക്ക്​ കഴിയുന്നുണ്ട്​.  

തുടർന്നു പോരുന്ന രീതികൾ മാത്രം  മുറുകെപ്പിടിച്ച്​ ഞാനാണ്​ ശരി എന്ന്​ സഥാപിക്കാനല്ല നല്ല മാറ്റങ്ങളെ ഉൾക്കൊണ്ട്​ സിനിമകളെ കൂടുതൽ മികച്ചതാക്കാനാണ്​ ശ്രദ്ധിക്കുന്നതെന്നും ദുബൈയിൽ വാർത്താ സമ്മേളനത്തിൽ സംസാരിക്കവെ സിദ്ദീഖ്​ പറഞ്ഞു. ആരോഗ്യമേഖലയിലെ സ്​ഥാപനങ്ങളുടെ സർവീസും മെയിൻറനൻസും ചെയ്യുന്ന ‘വൈറ്റൽ മെഡിക്കൽ എക്യുപ്​മ​​െൻറ്​സ്​’ ബ്രാൻറ്​ അംബാസഡറായാണ്​ സിദ്ദീഖ്​ ദുബൈയിൽ എത്തിയത്​. വർഷങ്ങൾക്ക്​ മുൻപ്​ നിലനിന്നിരുന്ന സിനിമാ ശൈലിയിൽ നിന്ന്​ വിഭിന്നമായി നവ്യാനുഭവം പകർന്നാണ്​ റാംജി റാവ്​ സ്​പീക്കിങും അതിനും വർഷങ്ങൾക്കും മുൻപ്​ മഞ്ഞിൽ വിരിഞ്ഞ പൂക്കളും തീയററ്ററിലെത്തിയത്​. പുതിയ തലമുറ ചെയ്യുന്ന ചിത്രങ്ങളുടെ അതേ പാറ്റേൺ പിൻതുടരാൻ കഴിഞ്ഞു കൊള്ളണമെന്നില്ല. അഭിരുചികളുടെയും ചിന്താരീതിയുടെയും വ്യത്യാസങ്ങളും പ്രേക്ഷകരുടെ മുൻവിധികളും പ്രതീക്ഷകളുമെല്ലാം ഇതിനു കാരണമാണ്​. ത​​​െൻറ ചിത്രത്തിൽ വലിയ ഉള്ളടക്കം, ട്വിസ്​റ്റുകൾ എന്നിവയെല്ലാം പ്രേക്ഷകർ പ്രതീക്ഷിക്കുന്നുണ്ട്​. 

പുതിയ തലമുറയിലെ മിക്ക നടീനടൻമാരും ചലചിത്രപ്രവർത്തകരുമായി വർക്ക്​ ചെയ്യാൻ ഇഷ്​ടമാണ്​. കഴിവില്ലാത്തവരെ ഫീൽഡിൽ തുടരാൻ മലയാളി സമ്മതിക്കില്ല എന്നതിനാൽ തന്നെ കുറ്റക്കുറവുകൾ തീർത്താണ്​ ഒാരോരുത്തരും ഇൗ മേഖലയിൽ തുടരുന്നത്​.  അഭിനയപാടവത്തിനും അനുഭവ സമ്പത്തിനും പുറമെ കാലത്തിനും തലമുറക്കുമൊപ്പം നവീകരിക്കാനുള്ള സന്നദ്ധതയാണ്​  മമ്മൂട്ടിയുടെയും  മോഹൻലാലി​​​െൻറയും മികവ്​. മോഹൻലാൽ  നായകനായി എത്തുന്ന കുടുംബ^ആക്​ഷൻ ചിത്രമാണ്​ ത​​​െൻറ അടുത്ത പ്രോജക്​ട്​ എന്നും അദ്ദേഹം വെളിപ്പെടുത്തി. 

അഞ്ചു വർഷമായി അബൂദബി കേന്ദ്രീകരിച്ച്​ സർക്കാർ^സ്വകാര്യ ആരോഗ്യ സ്​ഥാപനങ്ങളുടെ ഉപകരണ മെയിൻറനൻസ്​ നടത്തി വരുന്ന തങ്ങൾ സേവനം ദുബൈയിലേക്കും വ്യാപിപ്പിക്കുകയാണെന്ന്​ വൈറ്റൽ മെഡിക്കൽ എക്യുപ്​മ​​െൻറ്​സ്​ സംഘാടകർ പറഞ്ഞു. സിദ്ദീഖിനു പുറമെ ബിസിനസ്​ ഡവലപ്​മ​​െൻറ്​ മാനേജർ ഫൈസൽ മഹ്​മൂദ്​, മീഡിയാ മാർക്കറ്റിങ്​ മാനേജർ സിദ്ദീഖ്​ മഠത്തിപ്പറമ്പിൽ എന്നിവരും സംസാരിച്ചു.