എമർജൻസി കാളുകൾ സ്വീകരിച്ച് പൊലീസ് ഡയറക്ടർ ജനറൽ

അബൂദബി: 999 എന്ന എമർജൻസി നമ്പറിൽ എത്തിയ കാളുകൾ പൊതുജനങ്ങളിൽനിന്ന് നേരിട്ട് സ്വീകരിച്ച് അബൂദബി പൊലീസ് ഡയറക്ടർ ജനറൽ മേജർ ജനറൽ മക്തൂം അലി അൽ ഷെരീഫി. കാര്യക്ഷമത, ഫലപ്രാപ്തി, അപകടം റിപ്പോർട്ട് ചെയ്ത സ്ഥലങ്ങളിൽ പൊലീസ്​ എത്തുന്ന സമയം എന്നിവ വിലയിരുത്താനാണ്​ അദ്ദേഹം നേരി​ട്ടെത്തിയത്​.

സെൻട്രൽ ഓപറേഷൻ സെക്ടറിലെ ഓപറേഷൻസ് ഡിപ്പാർട്ട്മെൻറി​െൻറ കമാൻഡ് ആൻഡ് കൺട്രോൾ സെൻററിലെ അടിയന്തര നമ്പറിൽ എത്തിയ കാളുകളാണ്​ അദ്ദേഹം സ്വീകരിച്ചത്​. ജനങ്ങളുടെ ആവശ്യങ്ങൾ, പ്രതീക്ഷകൾ, അഭിപ്രായം, വെല്ലുവിളികൾ, നിർദേശങ്ങൾ എന്നിവ അദ്ദേഹം പൊതുജനങ്ങളിൽനിന്ന് സ്വീകരിച്ചു. സെൻററി​െൻറ പ്രവർത്തനങ്ങളിൽ അദ്ദേഹം സന്തോഷം പ്രകടിപ്പിച്ചു.