ലോകമൊട്ടുക്കും വിദ്യാലയങ്ങളിൽ അറിവി​െൻറ പ്രകാശം പരത്താൻ ഷാർജ ലൈബ്രറി  

ഷാർജ: ലോകമെമ്പാടുമുള്ള  38,000 സ്​കൂളുകളിലെ വിദ്യാർഥികൾക്ക്​ ഉപയോഗിക്കാവുന്ന രീതിയിൽ ഡിജിറ്റൽ ലൈബ്രറി ശേഖരം വിപുലീകരിച്ച്​ ഷാർജ പബ്ലിക്​ ലൈബ്രറി. ഒാവർ ഡ്രൈവ്​ എന്ന ഇ വായന പ്ലാറ്റ്​ഫോമുമായി സഹകരിച്ചാണ്​ 1200 ഇ പുസ്​തകങ്ങളും ഒാഡിയോ പുസ്​തകങ്ങളും പങ്കുവെക്കുന്നത്​.  അക്കാദമിക്​ പുസ്​തകങ്ങൾ, ഭാഷ, ശാസ്​​ത്രം, വൈദ്യശാസ്​ത്രം മുതൽ വിനോദ പുസ്​തകങ്ങൾ വരെ ഇതിൽ ഉൾക്കൊള്ളുന്നു. 

മൊബൈൽ ഫോണുകളും കമ്പ്യൂട്ടറും വഴി ലോകത്ത്​ എവിടെയിരുന്നും ഷാർജ ലൈബ്രറിയിലെ അറിവിൻ ഖനികൾ പരതാൻ കുട്ടികൾക്ക്​ അവസരം ലഭിക്കും. 
അസംഖ്യം വിദ്യാർഥികളിലേക്കും ഗവേഷകരിലേക്കും വിജ്​ഞാന ശേഖരം തുറന്നുവെക്കാൻ കഴിഞ്ഞത്​ അഭിമാനകരവും സന്തോഷം പകരുന്നതുമാണെന്ന്​ ഷാർജ പബ്ലിക്​ ലൈബ്രറി മാനേജർ സാറ അൽ മർസൂഖി പറഞ്ഞു. വിർച്വൽ ലൈബ്രറി കാർഡ്​ ഉപയോഗിച്ച്​ ഡിജിറ്റൽ ലൈബ്രറിയിലെ ഇ പുസ്​തകങ്ങൾ 14 ദിവസത്തേക്കും ഒാഡിയോ പുസ്​തകങ്ങൾ ഏഴു ദിവസത്തേക്കും ഉപയോഗിക്കാം.  യു.എ.ഇയിലെ ആദ്യ ഡിജിറ്റൽ ലൈബ്രറിശേഖരത്തിനൊപ്പം പ്രവർത്തിക്കാനായത്​ ആവേശകരമാണെന്ന്​ റാകുടെൻ ഒാവർഡ്രൈവ്​ പ്രസിഡൻറും സി.ഇ.ഒയുമായ സ്​റ്റീവ്​ പൊട്ടാഷ്​ പറഞ്ഞു.  ഷാർജ ലൈബ്രറിയുടെ സേവനങ്ങൾക്കും വിവരങ്ങൾക്കും www.shjlibrary.ae എന്ന സൈറ്റ്​ സന്ദർ​ശിക്കാം.