ഒമ്പത്​ ദിവസത്തെ ലോഞ്ച്​ യാത്രക്കൊടുവിൽ ദിബ്ബയിൽ; പിന്നെ 46 വർഷത്തെ പ്രവാസം

അബൂദബി: ചാവക്കാട്​ ഒരുമനയൂർ തൈക്കടവ്​ സ്വദേശി വി.കെ. ശംസുദ്ദീൻ ഗൾഫിലേക്ക്​ പുറപ്പെടു​േമ്പാൾ വെറും 16 വയസ്സ്​. 1971ൽ മുംബൈയിൽനിന്ന്​ ലോഞ്ചിലായിരുന്നു യാത്ര. യാത്രക്കൂലിയായി നൽകിയത്​ 400 രൂപ. കാറ്റും കോളും കാരണം പ്രക്ഷുബ്​ധമായ കടലിൽ ജീവിതത്തിനും മരണത്തിനുമിടയിൽ ലോഞ്ച്​ ആടിയുലഞ്ഞത്​ അദ്ദേഹത്തിന്​ നടുക്കം വിടാത്തൊരു ഒാർമയാണ്​. ​96 പേരാണ്​ ലോഞ്ചിലുണ്ടായിരുന്നത്​. അതിൽ എത്ര പേർ കരയിലെത്തിയെന്നും എത്ര പേർ മരിച്ചുവെന്നും അറിയില്ല. ദിവസം ഒരു നേരം മാത്രമാണ്​ ഭക്ഷണം ലഭിച്ചിരുന്നത്​. വലിയ പാത്രത്തിൽ വിളമ്പിയിരുന്ന ഭക്ഷണത്തിന്​ വേണ്ടി ആളുകൾ തിക്കും തിരക്കും കൂട്ടും. വിശപ്പി​​​െൻറ വെപ്രാളത്തിൽ ചിലർക്ക്​ ഭക്ഷണം കിട്ടും. ഒന്നും ലഭിക്കാത്തവർ വെള്ളം കുടിച്ച്​ വിശപ്പടക്കും.

ദുരിതപൂർണമായ ഒമ്പത്​ ദിവസത്തെ യാത്രക്കൊടുവിൽ 1971 നവംബർ പത്തിനാണ്​ യു.എ.ഇയിലെ ദിബ്ബയിൽ ലോഞ്ച്​ കരക്കടിഞ്ഞത്​. പാതിരാത്രിയുടെ കൂരിരുട്ടിൽ മരുഭൂമിയുടെ വന്യതയിലേക്കാണ്​ ഇറക്കിവിട്ടത്​. ലക്ഷ്യമറിയാതെ മരുഭൂമിയിലൂടെ കുറെ നടന്നു. ഒടുവിൽ ദൂരെ ദിക്കിൽ നേർത്ത പ്രകാശം തെളിഞ്ഞു കണ്ടു. അതിനെ ലക്ഷ്യമാക്കി വീണ്ടും നടത്തം.

ചായക്കടയുടെ മുന്നിലെ വിളക്ക്​ മാടമായിരുന്നു ആ പ്രകാശം. ചായക്കടയിലെത്തിയപ്പോൾ സ​ന്തോഷം കൊണ്ട്​ കരഞ്ഞു. അവിടെനിന്ന്​ ചായയും പൊറോട്ടയും വയർ നിറയെ കഴിച്ചു. പിന്നെ ഷാർജയിലും ദുബൈയിലുമായി പലയിടത്തും ജോലി നോക്കി. 1974ൽ പാസ്​പോർട്ട്​ ലഭിച്ചു. 1976ൽ അബൂദബിയിലെത്തുകയും വിസ കരസ്​ഥമാക്കുകയും ചെയ്​തു. പിന്നീട്​ അബൂദബിയിലെ സർക്കാർ സ്​ഥാപനത്തിൽ ജോലി ലഭിച്ചു. 41വർഷം നീണ്ട ഇവിടുത്തെ ജോലിയിൽനിന്ന്​ വിരമിച്ചാണ്​ നാലര പതിറ്റാണ്ടിലേറെ കാലത്തെ പ്രവാസ ജീവിതത്തോട്​ വിട പറയുന്നത്​. സഹപ്രവർത്തകർ സ്​നേഹ ഉൗഷ്​മളമായ യാത്രയയപ്പാണ്​ ശസുദ്ദീന്​ ഒരുക്കിയത്​.