മാനേജ്​മെൻറ്​ പരിശീലനം പൂർത്തിയാക്കിയ  നഴ്​സുമാർക്ക്​ ഡി.എച്ച്​.എയുടെ ആദരം 

ദുബൈ: ദുബൈ ആരോഗ്യ അതോറിറ്റി (ഡി.എച്ച്​.എ)ക്കു കീഴിൽ ജോലി ചെയ്യുന്ന നൂറിലേറെ നഴ്​സുമാർ കൂടി മാനേജ്​മ​​െൻറ്​^നേതൃ പരിശീലനം പൂർത്തിയാക്കി. ഒര​ു സ്​ഥാപനത്തി​​​െൻറ മേൽനോട്ടവും നേതൃത്വവും ഒറ്റ വ്യക്​തിയിൽ ഒതുക്കാതെ നേതൃഗുണമുള്ള ഒരുപാടു പേരെ വാർത്തെടുക്കണമെന്ന യു.എ.ഇ വൈസ്​ പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂമി​​​െൻറ ദർശനമാണ്​ പദ്ധതിക്ക്​ വഴിയൊരുക്കിയതെന്ന്​ സി.ഇ.ഒ ഡോ. അഹ്​മദ്​ ബിൻ കൽബാൻ പറഞ്ഞു.

നഴ്​സുമാർക്ക്​ കൂടുതൽ ഉത്തരവാദിത്വങ്ങൾ നൽകാനും നേതൃത്വ മികവുകൾ പകർന്നു നൽകാനുമുള്ള ഇൗ പദ്ധതിയിൽ ഇതിനകം നാനൂറിലേ​െറ പേർ വിജയകരമായി പരിശീലനം പൂർത്തിയാക്കി. അവസാന ബാച്ചിന്​ സംഘടിപ്പിച്ച അനുമോദന ചടങ്ങിൽ ദുബൈ ഹോസ്​പിറ്റൽ ഡയറക്​ടർ ഫരീദ അൽ ഖാജ, ഫുആദ്​ ഷിഹാബ്​ തുടങ്ങിയവർ സംബന്ധിച്ചു.