ദു​ബൈ​യി​ലെ സ്കൂ​ളു​ക​ളി​ൽ സൗ​ജ​ന്യ നേ​ത്ര​പ​രി​ശോ​ധ​ന​യു​മാ​യി ഡി.​എ​ച്ച്.​എ​യും ആ​സ്റ്റ​റും

ദു​ബൈ: ദു​ബൈ​യി​ലെ സ്‌​കൂ​ളു​ക​ളി​ലു​ട​നീ​ളം സൗ​ജ​ന്യ നേ​ത്ര​പ​രി​ശോ​ധ​ന ന​ട​ത്തു​ന്ന​തി​ന് ആ​സ്റ്റ​ര്‍ ഡി.​എം ഹെ​ല്‍ത്ത് കെ​യ​റി​ന്‍റെ നേ​ത്ര​സം​ര​ക്ഷ​ണ വി​ഭാ​ഗ​മാ​യ ആ​സ്റ്റ​ര്‍ ഒ​പ്റ്റി​ക്ക​ല്‍സു​മാ​യി സ​ഹ​ക​രി​ച്ച് ദു​ബൈ ഹെ​ൽ​ത്ത്​ അ​തോ​റി​റ്റി സം​യു​ക്ത ബോ​ധ​വ​ത്ക​ര​ണ, പ്ര​തി​രോ​ധ കാ​മ്പ​യി​ന്‍ ആ​രം​ഭി​ച്ചു.

നേ​ത്ര​പ​രി​ശോ​ധ​ന ക്യാ​മ്പു​ക​ളി​ലൂ​ടെ കു​ട്ടി​ക​ളി​ലെ കാ​ഴ്ച പ്ര​ശ്ന​ങ്ങ​ള്‍ ക​ണ്ടെ​ത്തു​ക​യും നേ​ര​ത്തേ ചി​കി​ത്സ ല​ഭ്യ​മാ​ക്കു​ക​യു​മാ​ണ്​ ല​ക്ഷ്യം.

പ്ര​തി​രോ​ധ സ്‌​ക്രീ​നി​ങ് പ്രോ​ഗ്രാ​മു​ക​ള്‍ രോ​ഗം നേ​ര​ത്തേ ക​ണ്ടെ​ത്തു​ന്ന​തി​നും ഇ​ട​പെ​ടു​ന്ന​തി​നും സ​ഹാ​യി​ക്കു​മെ​ന്ന് ദു​ബൈ ഹെ​ല്‍ത്ത് അ​തോ​റി​റ്റി​യി​ലെ പ​ബ്ലി​ക് ഹെ​ല്‍ത്ത് ആ​ൻ​ഡ് പ്രൊ​ട്ട​ക്ഷ​ന്‍ ഡി​പാ​ര്‍ട്‌​മെ​ന്‍റ് ആ​ക്റ്റി​ങ് ഡ​യ​റ​ക്ട​ര്‍ ഡോ. ​റ​മ​ദാ​ന്‍ ഇ​ബ്രാ​ഹിം അ​ല്‍ ബ​ലൂ​ഷി പ​റ​ഞ്ഞു. സ്‌​കൂ​ള്‍ കു​ട്ടി​ക​ളി​ല്‍, പ്ര​ത്യേ​കി​ച്ച് കൗ​മാ​ര​ക്കാ​ര്‍ക്കി​ട​യി​ല്‍ ആ​രോ​ഗ്യ​ക​ര​മാ​യ ജീ​വി​ത​രീ​തി​യു​ടെ​യും പെ​രു​മാ​റ്റ​ത്തി​ന്‍റെ​യും പ്രാ​ധാ​ന്യം വ​ള​ര്‍ത്തി​യെ​ടു​ക്കു​ന്ന​തി​ന് ആ​രോ​ഗ്യ കാ​മ്പ​യി​നു​ക​ൾ അ​ത്യ​ന്താ​പേ​ക്ഷി​ത​മാ​ണെ​ന്ന്​ ഡി.​എ​ച്ച്.​എ പ​ബ്ലി​ക് ഹെ​ല്‍ത്ത് ആ​ൻ​ഡ് പ്രൊ​ട്ട​ക്ഷ​ന്‍ ഡി​പാ​ര്‍ട്‌​മെ​ന്‍റ് സ്‌​കൂ​ള്‍ ഹെ​ല്‍ത്ത് സെ​ക്ട​റി​ലെ ആ​ക്റ്റി​ങ് ഹെ​ല്‍ത്താ​യ സ​ന നാ​സ​ര്‍ പ​റ​ഞ്ഞു.

ചെ​റി​യ കു​ട്ടി​ക​ളു​ടെ കാ​ഴ്ച​ശ​ക്തി​യി​ല്‍ കു​റ​വു​വ​ന്നു​വെ​ന്ന് പ​ല​പ്പോ​ഴും മ​ന​സ്സി​ലാ​ക്കാ​ന്‍ സാ​ധി​ക്കു​ന്നി​​ല്ലെ​ന്നും ഈ ​പ്ര​തി​സ​ന്ധി പ​രി​ഹ​രി​ക്കാ​ൻ കാ​മ്പ​യി​ൻ ഉ​പ​ക​രി​ക്കു​മെ​ന്നും ആ​സ്റ്റ​ര്‍ ഡി.​എം ഹെ​ല്‍ത്ത് കെ​യ​ര്‍ ഡെ​പ്യൂ​ട്ടി മാ​നേ​ജി​ങ് ഡ​യ​റ​ക്ട​ര്‍ അ​ലീ​ഷ മൂ​പ്പ​ന്‍ പ​റ​ഞ്ഞു.

ക​ണ്ണു​ക​ളെ അ​തീ​വ ശ്ര​ദ്ധ​യോ​ടെ കൈ​കാ​ര്യം ചെ​യ്യാ​ന്‍ മാ​താ​പി​താ​ക്ക​ളെ​യും കു​ട്ടി​ക​ളെ​യും ബോ​ധ​വ​ത്ക​രി​ക്കാ​നാ​ണ് കാ​മ്പ​യി​നി​ലൂ​ടെ ശ്ര​മി​ക്കു​ന്ന​തെ​ന്നും അ​ലീ​ഷ മൂ​പ്പ​ന്‍ വ്യ​ക്ത​മാ​ക്കി. വി​ശ​ദ പ​രി​ശോ​ധ​ന​യി​ലൂ​ടെ​യും ചി​കി​ത്സ​യി​ലൂ​ടെ​യും നേ​ര​ത്തേ ത​ന്നെ രോ​ഗ​നി​ര്‍ണ​യം ന​ട​ത്താ​നും കു​ട്ടി​യു​ടെ കാ​ഴ്ച​യി​ല്‍ അ​നു​ഭ​വ​പ്പെ​ടു​ന്ന ദീ​ര്‍ഘ​കാ​ല പ്ര​ശ്‌​ന​ങ്ങ​ള്‍ ത​ട​യാ​നും സാ​ധി​ക്കു​മെ​ന്ന് ക​രാ​മ​യി​ലെ യൂ​നി​യ​ന്‍ മെ​ഡി​ക്ക​ല്‍ സെ​ന്‍റ​റി​ലെ ആ​സ്റ്റ​ര്‍ ക്ലി​നി​ക് സ്‌​പെ​ഷ​ല്‍ ഒ​ഫ്താ​ല്‍മോ​ള​ജി​സ്റ്റ് ഡോ​ക്ട​ര്‍ കൃ​ഷ്ണ മൂ​ര്‍ത്തി ജ​നാ​ർ​ദ​ന​ന്‍ പ​റ​ഞ്ഞു.