അഞ്ചിലൊന്ന്​ ഡെലിവറി ഡ്രൈവർമാരും അപകടത്തിൽപെടുന്നുവെന്ന്​ റിപ്പോർട്ട്​

അബൂദബി: രാജ്യത്ത്​ അഞ്ച്​ ഡെലിവറി ബൈക്ക്​ ഡ്രൈവർമാരിൽ ഒരാൾ വീതം അപകടത്തിൽപെടുന്നുവെന്ന്​ റിപ്പോർട്ട്​. ബൈക്കുകളിൽ സാധനങ്ങൾ എത്തിക്കാൻ നിയോഗിക്കപ്പെട്ടവർക്കിടയിൽ റോഡ്​സേഫ്​റ്റിയു.എ.ഇ എന്ന സ്​ഥാപനം നടത്തിയ സർവെയിലാണ്​ കണ്ടെത്തൽ. കാറുകളും മറ്റ്​ വാഹനങ്ങളും ഇൻഡിക്കേറ്റർ ഇടാതെ അപ്രതീക്ഷിതമായി തിരിയുന്നതിനാൽ ആശയക്കുഴപ്പം ഉണ്ടാകുന്നുണ്ടെന്ന്​ 78 ശതമാനം പേർ പറയുന്നു. 

ഇവ ​െബെക്കിന്​ മുന്നിലേക്ക്​ പെ​െട്ടന്ന്​ കയറിവരുന്നത്​ പതിവാണെന്ന്​ 77 ശതമാനംപേരും പറയുന്നു. മറ്റ്​ വാഹനങ്ങൾ തങ്ങളെ കണ്ട മട്ട്​ നടിക്കാറില്ലെന്ന്​ 68 ശതമാനം പേർ ചൂണ്ടിക്കാട്ടി. ഒപ്പമുള്ള മറ്റ്​ ഡെലിവറി ഡ്രൈവർമാർ മറ്റുള്ളവരെ അപകടത്തിൽപെടുത്തുന്നുണ്ടെന്ന്​ 56 ശതമാനം പേരും വി​ശ്വസിക്കുന്നു. മറ്റ്​ വാഹനങ്ങൾ ഒാടിക്കുന്നവരുടെ പെരുമാറ്റം, ഡെലിവറി ഡ്രൈവർമാരുടെ പെരുമാറ്റം, ഉപഭോക്താക്കൾക്ക്​ ഇതെക്കുറിച്ചുള്ള അവബോധം, ബൈക്കി​​െൻറ സുരക്ഷ, പരിശീലനം എന്നിവ ഉൾപ്പെടുത്തിയാണ്​ സർവെ നടത്തിയത്​. ഏറ്റവും അധികം അപകടസാധയതയുള്ളവരാണ്​ ബൈക്ക്​ യാത്രികരെന്ന്​ റോഡ്​സേഫ്​റ്റിയു.എ.ഇ. മാനേജിംഗ്​ ഡയറക്​ടർ തോമസ്​ എഡൽമാൻ പറഞ്ഞു. 92 ശതമാനം ഡെലിവറി ബൈക്ക്​ ഡ്രൈവർമാരുമ വിശ്വസിക്കുന്നത്​ തങ്ങൾ സുരക്ഷിതരാണ്​ എന്നാണ്​. 19 ശതമാനം പേർ കഴിഞ്ഞ 12 മാസത്തിനിടയിൽ അപകടത്തിൽ പെട്ടിട്ടുണ്ട്​. 

സാധനങ്ങളുമായി ബൈക്കിലെത്തുന്നവരുടെ സുരക്ഷ പ്രധാനമാണെന്ന്​ വി​ശ്വസിക്കുന്ന 51 ശതമാനംപേർ മാത്രമെയുള്ളൂവെന്നത്​ ഞെട്ടിക്കുന്നതാണെന്ന്​ എൽഡർമാൻ ചൂണ്ടിക്കാട്ടി. യൂ.എ.ഇയിലെ നിരത്തുകളിൽ ഡെലിവറി ബൈക്ക്​ ഡ്രൈവർമാർ വർധിച്ചുവരുന്ന സാഹചര്യത്തിൽ ഇതെക്കുറിച്ച്​ അവബോധം സൃഷ്​ടിക്കേണ്ടത്​ ആവശ്യമാണെന്ന്​ അദ്ദേഹം ചൂണ്ടിക്കാട്ടി. സുരക്ഷിതമായി വാഹനം ഒാടിക്കേണ്ടതിനെക്കുറിച്ച്​ അവർക്ക്​ തന്നെ ധാണ ഉണ്ടാകേണ്ടതുണ്ട്​. നാല്​ കമ്പനികളിലെ 222 ഡ്രൈവർമാരാണ്​ സർവെയിൽ പ​െങ്കടുത്തത്​.