ഡൽഹിയിൽ ലോക ഭക്ഷ്യ സംസ്​കരണ മേള: ദുബൈയിൽ റോഡ്​ ഷോ നടത്തി

ദുബൈ: നവംബർ ആദ്യവാരം ന്യൂഡൽഹിയിൽ നടക്കുന്ന ‘വേൾഡ്​ ഫൂഡ്​ ഇന്ത്യ 2017’ മേളയുടെ പ്രചരണാർഥം കേ​ന്ദ്ര ഭക്ഷ്യസംസ്​കരണ സഹ മന്ത്രി സ്വാധി നിരഞ്​ജൻ ജ്യോതിയുടെ നേതൃത്വത്തിൽ ഉന്നത സംഘം ദുബൈയിലെത്തി. യു.എ.ഇ ഭക്ഷ്യ സംസ്​കരണ മേഖലയിലെ സർക്കാർ പ്രതിനിധകളുമായും വ്യവസായ പ്രമുഖരുമായും അവർ കൂടിക്കാഴ്​ച തുടങ്ങി. ഞായറാഴ്​ച ഇന്ത്യൻ കോൺസുലേറ്റ്​ ഒാഡിറ്റോറിയത്തിൽ ഇന്ത്യൻ വ്യവസായ പ്രതിനിധികൾക്കായി റോഡ്​ഷോയും നടന്നു.

കോൺഫെഡറേഷൻ ഒാഫ്​ ഇന്ത്യൻ ഇൻഡസ്​ട്രീസു(സി.​െഎ.​െഎ)മായി ചേർന്നാണ്​ ഭക്ഷ്യ സംസ്​കരണ വ്യവസായ മന്ത്രാലയമാണ്​ ‘വേൾഡ്​ ഫൂഡ്​ ഇന്ത്യ 2017’ മേള നവംബർ മൂന്നു മുതൽ അഞ്ചുവരെ നടത്തുന്നത്​. 25 ആഗോള കമ്പനികളുടെ സി.ഇ.ഒമാരും 25 ലേറെ രാജ്യങ്ങളിൽനിന്നുള്ള 80 ലേറെ കമ്പനികളും മേളയിൽ പ​​െങ്കടുക്കും. മേളയിൽ സജീവമായി പ​െങ്കടുക്കാനും ഇന്ത്യയിലെ നി​േക്ഷപ അവസരങ്ങൾ ഉപയോഗപ്പെടുത്താനും ദുബൈയിലെ റോഡ്​ഷോയിൽ സംബന്ധിച്ച മന്ത്രി സ്വാധി നിരഞ്​ജൻ ജ്യോതി വ്യവസായികളോട്​ അഭ്യർഥിച്ചു. ഭക്ഷ്യസംസ്​കരണ മേഖലയിൽ അടുത്ത മൂന്നുവർഷം 6000 കോടി രൂപ മുതലിറക്കാനാണ്​ സർക്കാർ ലക്ഷ്യമിടുന്നത്​. ഭക്ഷ്യ ഉത്​പാദനം ഇന്ത്യയിൽ വലിയ തോതിൽ നടക്കുന്നുണ്ട്​.

എന്നാൽ ഇവയെ സംസ്​കരിക്കുന്നതിനും സൂക്ഷിക്കുന്നതിനും വേണ്ടത്ര സംവിധാനമില്ല. ഇൗ മേഖലയിൽ വിദേശ നി​ക്ഷേപം ഇന്ത്യക്ക്​ ആവശ്യമുണ്ട്​.  ഇതിനായി ​േകന്ദ്ര സർക്കാർ പല ഇളവുകളും പ്രഖ്യാപിച്ചിട്ടുണ്ട്​. പുതിയ സംസ്​കരണ ശാല സ്​ഥാപിക്കുന്നവർക്ക്​ അഞ്ചു വർഷത്തേക്ക്​ ആദായ നികുതിയിൽ പൂർണ ഇളവ്​ ലഭിക്കും. രാജ്യത്ത്​ പുതിയ എട്ട്​ മെഗാ ഫൂഡ്​ പാർക്കുകൾ തുടങ്ങുമെന്നും കേന്ദ്ര സഹമ​ന്ത്രി പറഞ്ഞു. ഇന്ത്യൻ ബിസിനസ്​ പ്രഫഷണൽ കൗൺസിൽ (​െഎ.ബി.പി.സി) പ്രസിഡൻറ്​ അഡ്വ. ബിന്ദു ചേറ്റൂർ സുരേഷ്​ ആമുഖപ്രഭാഷണം നടത്തി. ഭക്ഷ്യ സംസ്​കരണ മന്ത്രാലയം ജോയൻറ്​ സെക്രട്ടറി അനുരാധ പ്രസാദ്​, ഇന്ത്യൻ കോൺസുൽ ജനറൽ വിപുൽ, െഎ.ബി.പി.സി സെക്രട്ടറി ജനറൽ സ്​മിത പ്രഭാകർ തുടങ്ങിയവർ സംസാരിച്ചു.