തടവുകാരുടെ 10 ലക്ഷം ദിർഹമിന്‍റെ കടങ്ങൾ തീർപ്പാക്കി

ഷാർജ: തടവുകാരുടെ 10 ലക്ഷം ദിർഹമിന്‍റെ കടങ്ങൾ തീർപ്പാക്കി ഷാർജ. സർക്കാർ -സ്വകാര്യ സ്ഥാപനങ്ങളുമായി സഹകരിച്ചാണ്​ 12 തടവുകാരുടെ കടങ്ങൾ ഷാർജ പ്യൂനിറ്റീവ്​ ആൻഡ്​ റീഹാബിലിറ്റേഷൻ വകുപ്പ്​ തീർപ്പാക്കിയത്​. ഗൾഫിലെ തടവുകാരുടെ ഏകീകൃത വാരാചരണത്തിന്‍റെ ഭാഗമായാണ്​ നടപടി.

ഈ ദിവസം തടവുകാർക്ക്​ കുടുംബാംഗങ്ങളുമായി ബന്ധപ്പെടാനും കായിക മത്സരങ്ങളിൽ പ​ങ്കെടുക്കാനും അവസരം നൽകി. തടവുകാരുടെ ജീവിത നിലവാരം ഉയർത്തുക എന്ന ലക്ഷ്യത്തോടെ വിവിധ പദ്ധതികളാണ്​ സർക്കാർ നടപ്പാക്കുന്നത്​. ജയിലിൽനിന്നിറങ്ങിയാൽ പുതുജീവിതം നയിക്കാനും തെറ്റിലേക്ക്​ മടങ്ങാതിരിക്കാനും ലക്ഷ്യമിട്ടാണ്​ ഇത്തരം പദ്ധതികൾ നടപ്പാക്കുന്നത്​.