യു.എ.ഇ സൈനിക​െൻറ  മൃതദേഹം ഖബറടക്കി  

ഫുജൈറ: യമനിൽ നിയമാനുസൃത സർക്കാർ പുനഃസ്​ഥാപിക്കുന്നതിന്​ വേണ്ടി സൗദി അറേബ്യയുടെ നേതൃത്വത്തിലുള്ള അറബ്​ സഖ്യസേനയിൽ ​പ്രവർത്തിക്കവേ രക്​തസാക്ഷിയായ യു.എ.ഇ സൈനികൻ ഖലീഫ ഹാഷിൽ ആൽ മിസ്​മരിയുടെ (29) മൃതദേഹം ഫുജൈറയിലെ ഗർഫയിൽ ഖബറടക്കി. ഫുജൈറയിലെ ശൈഖ്​ സായിദ്​ ഗ്രാൻഡ്​ മോസ്​കിൽ നടന്ന മയ്യിത്ത്​ നമസ്​കാരത്തിൽ ഫുജൈറ കിരീടാവകാശി ശൈഖ്​ മുഹമ്മദ്​ ബിൻ ഹമദ്​ ബിൻ മുഹമ്മദ്​ ആൽ ശർഖി, ശൈഖ്​ മക്​തും ബിൻ ഹമദ്​ ആൽ ശർഖി തുടങ്ങി നിരവധി പേർ പ​െങ്കടുത്തു.  മിസ്​മരിയുടെ കുടുംബത്തെ അനുശോചനമറിയിക്കുന്നുവെന്നും അദ്ദേഹത്തി​​​െൻറ ആത്​മാവിന്​ നിത്യശാന്തിയും കാരുണ്യവും ലഭിക്ക​െട്ടയെന്നും ശൈഖ്​ മുഹമ്മദ്​ ബിൻ ഹമദ്​ ബിൻ മുഹമ്മദ്​ ആൽ ശർഖി പറഞ്ഞു. തിങ്കളാഴ്​ച പുലർച്ചെയാണ്​ മൃതദേഹം അബൂദബി അൽ ബതീൻ വിമാനത്താവളത്തിലെത്തിച്ച്​ ഫുജൈറയിലേക്ക്​ കൊണ്ടുപോയത്​. യെമനിലേക്ക്​ ആദ്യമായി നിയോഗിക്കപ്പെട്ട സൈനികരിലൊരാളായിരുന്നു ഇദ്ദേഹം. സഹോദരന്മാരെല്ലാം സൈന്യത്തിൽ സേവനമനുഷ്​ടിക്കുകയാണ്​. ഭാര്യയും മൂന്ന്​ വയസ്സുള്ള മകളും ഒന്നര വയസ്സുള്ള മകനുമുണ്ട്​.