മലയാളി യുവതിയുടെ മരണം: അന്വേഷണ റിപോർട്ട് പുറത്തുവിട്ട് ദുബൈ പൊലീസ്

ദു​ബൈ: പ്ര​വാ​സി മ​ല​യാ​ളി യു​വ​തി​യെ ബാ​ത്ത്​​റൂ​മി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ അ​ന്വേ​ഷ​ണ റി​പോ​ർ​ട്ട്​ പു​റ​ത്തു​വി​ട്ട്​ ദു​ബൈ പൊ​ലീ​സ്. വൈ​ദ്യു​താ​ഘാ​ത​മാ​ണ്​ മ​ര​ണ​കാ​ര​ണ​മെ​ന്ന്​ അ​ന്വേ​ഷ​ണ​ത്തി​ൽ വ്യ​ക്ത​മാ​യ​താ​യി പൊ​ലീ​സ്​ അ​റി​യി​ച്ചു. ദു​ബൈ​യി​ൽ എ​ൻ​ജീ​നീ​യ​റാ​യ തൃ​​ശൂ​ർ അ​യ്യ​​ന്തോ​ൾ സ്വ​ദേ​ശി 35കാ​രി നീ​തു ഗ​ണേ​ഷി​നെ​​ ജൂ​ൺ 14നാ​ണ്​​ അ​ൽ​ത​വാ​ർ-3 ഏ​രി​യ​യി​ലു​ള്ള വി​ല്ല​യി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ​ത്.

തു​ട​ർ​ന്ന്​ ന​ട​ത്തി​യ അ​ന്വേ​ഷ​ണ​ത്തി​ലാ​ണ്​ ബാ​ത്ത്​​റൂ​മി​ലെ ഷ​വ​ർ ഉ​പ​യോ​ഗി​ച്ച്​ കു​ളി​ക്കു​ന്ന​തി​നി​ടെ ഷോ​ക്കേ​റ്റാ​ണ്​ മ​രി​ച്ച​തെ​ന്ന്​​​​ ക​ണ്ടെ​ത്തി​യ​ത്. സം​ഭ​വ​ത്തി​ൽ ഇ​ര​യു​ടെ ബ​ന്ധു​ക്ക​ളു​ടെ ഭാ​ഗ​ത്ത്​ നി​ന്ന്​ ഗൂ​ഢാ​ലോ​ച​ന​യി​ല്ലെ​ന്നും ദു​ബൈ ​പൊ​ലീ​സ്​ പ​റ​ഞ്ഞു. എ​ന്നാ​ൽ, കെ​ട്ടി​ട​പ​രി​സ​ര​ത്ത്​ വൈ​ദ്യു​തി സു​ര​ക്ഷ ഉ​റ​പ്പാ​ക്കു​ന്ന​തി​ൽ വീ​ഴ്ച​സം​ഭ​വി​ച്ചി​ട്ടു​ണ്ടോ എ​ന്ന​ത്​ സം​ബ​ന്ധി​ച്ച്​ അ​ന്വേ​ഷ​ണം തു​ട​രു​ക​യാ​ണെ​ന്നും പൊ​ലീ​സ്​ വ്യ​ക്​​ത​മാ​ക്കി.

സം​ഭ​വം ന​ട​ക്കു​മ്പോ​ൾ എ​ൻ​ജി​നീ​യ​റാ​യ ഭ​ർ​ത്താ​വ്​ വി​ശാ​ഖ്​ ഗോ​പി, ആ​റു വ​യ​സ്സു​കാ​ര​നാ​യ മ​ക​ൻ നി​വീ​ഷ്​ കൃ​ഷ്ണ​ൻ, വീ​ട്ടു​ജോ​ലി​ക്കാ​രി എ​ന്നി​വ​രാ​ണ്​ വീ​ട്ടി​ലു​ണ്ടാ​യി​രു​ന്ന​ത്. അ​റ്റ​കു​റ്റ​പ്പ​ണി​ക​ൾ ന​ട​ക്കു​ന്ന​തി​നാ​ൽ പ​രി​സ​ര​ത്ത്​ ഉ​ച്ച​മു​ത​ൽ വൈ​ദ്യു​തി ഉ​ണ്ടാ​യി​രു​ന്നി​ല്ലെ​ന്ന്​ ബ​ന്ധു​ക്ക​ൾ മൊ​ഴി ന​ൽ​കി​യി​രു​ന്നു. വ​ർ​ക്ക്​ ഫ്രം ​ഹോം ആ​യ​തി​നാ​ൽ രാ​ത്രി​യാ​ണ്​​ നീ​തു കു​ളി​ക്കാ​നാ​യി ബാ​ത്ത്​​റൂ​മി​ലേ​ക്ക്​ പോ​കു​ന്ന​ത്.

വൈ​ദ്യു​തി ഇ​ല്ലാ​ത്ത​തി​നാ​ൽ എ​മ​ർ​ജ​ൻ​സി ലാം​ബും കൈ​യി​ലെ​ടു​ത്തി​രു​ന്നു. ഇ​തി​നി​ടെ രാ​ത്രി 7.15 ഓ​ടെ വീ​ട്ടു​ജോ​ലി​ക്കാ​രി​ക്ക്​ അ​ടു​ക്ക​ള​യി​ലെ പാ​ത്ര​ത്തി​ൽ നി​ന്ന്​ നേ​രി​യ തോ​തി​ൽ ഷോ​ക്കേ​റ്റു. പാ​ത്രം ശ​ക്​​തി​യാ​യി തെ​റി​പ്പി​ച്ച​തി​നാ​ലാ​ണ്​ ഇ​വ​ർ ര​ക്ഷ​പ്പെ​ട്ട​ത്. ഇ​തേ​സ​മ​യം​ത​ന്നെ​യാ​ണ്​ ബാ​ത്ത്​​റൂ​മി​ൽ നി​ന്ന്​ നീ​തു​വി​ന്‍റെ നി​ല​വി​ളി കേ​ൾ​ക്കു​ന്ന​ത്. വി​ശാ​ഖും ജോ​ലി​ക്കാ​രി​യും നീ​തു​വി​ന്‍റെ അ​ടു​ക്ക​ലേ​ക്ക്​ ഓ​ടി​യെ​ത്തി വി​ളി​ച്ചു​നോ​ക്കി​യെ​ങ്കി​ലും ഉ​ത്ത​രം ല​ഭി​ച്ചി​ല്ല. തു​ട​ർ​ന്ന്​ ​ബാ​ത്​​റൂ​മി​ന്‍റെ വാ​തി​ൽ പൊ​ളി​ച്ച്​ അ​ക​ത്തു​ക​ട​ന്ന​പ്പോ​ഴാ​ണ്​ നീ​തു അ​ബോ​ധാ​വ​സ്ഥ​യി​ൽ​ കി​ട​ക്കു​ന്ന​ത്​ ക​ണ്ടെ​ത്തി​യ​ത്.

ഷ​വ​ർ ഹോ​സ്​ കൈ​യി​ൽ പി​ടി​ച്ച നി​ല​യി​ലാ​യി​രു​ന്നു. ഷ​വ​റി​ന്‍റെ ത​ല​ഭാ​ഗം നീ​തു​വി​ന്‍റെ നെ​ഞ്ചി​ൽ ചേ​ർ​ന്നാ​ണ്​ കി​ട​ന്നി​രു​ന്ന​ത്. ക്രി​ക്ക​റ്റ്​ ബാ​റ്റ്​ കൊ​ണ്ട്​ ഷ​വ​ർ ഹോ​സ് ശ​രീ​ര​ത്തി​ൽ നി​ന്ന്​​ നീ​ക്കി​യ ശേ​ഷം വി​ശാ​ക്​ നീ​തു​വി​ന്​ അ​ടി​യ​ന്ത​ര​മാ​യി സി.​പി.​ആ​ർ ന​ൽ​കു​ക​യും ആം​ബു​ല​ൻ​സി​ൽ​ കി​സൈ​സി​ലെ ആ​ശു​പ​​ത്രി​യി​ൽ എ​ത്തി​ക്കു​ക​യും ചെ​യ്തു. എ​ന്നാ​ൽ, മ​ര​ണം സം​ഭ​വി​ക്കു​ക​യാ​യി​രു​ന്നു.