Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightKuwaitchevron_rightമുൻ അമീറി​െൻറ വിയോഗം:...

മുൻ അമീറി​െൻറ വിയോഗം: ദുഃഖാചരണം ഇന്ന്​ അവസാനിക്കും

text_fields
bookmark_border
മുൻ അമീറി​െൻറ വിയോഗം: ദുഃഖാചരണം ഇന്ന്​ അവസാനിക്കും
cancel
camera_alt



കുവൈത്ത്​ സിറ്റി: മുൻ കുവൈത്ത്​ അമീർ ശൈഖ്​ സബാഹ്​ അൽ അഹ്​മദ്​ അൽ ജാബിർ അസ്സബാഹി​െൻറ വിയോഗ​ത്തോടെ രാജ്യത്ത്​ ഏർപ്പെടുത്തിയ 40 ദിവസത്തെ ദുഃഖാചരണം ശനിയാഴ്​ച അവസാനിക്കും. മൂന്ന്​ ദിവസത്തെ അവധിയും 40 ദിവസത്തെ ദുഃഖാചരണവുമായിരുന്നു പ്രഖ്യാപിച്ചത്​. പൊതു ആഘോഷങ്ങൾക്ക്​ ഏർപ്പെടുത്തിയിരുന്ന വിലക്ക്​ നീങ്ങുമെങ്കിലും കോവിഡ്​ പശ്ചാത്തലത്തിൽ ഒത്തുചേരലിനുള്ള വിലക്ക്​ തുടരും. കുവൈത്തിലെ വിവിധ ​മന്ത്രാലയങ്ങളിൽ സ്ഥാപിച്ചിരുന്ന ശൈഖ്​ സബാഹ്​ അൽ അഹ്​മദ്​ അൽ ജാബിർ അസ്സബാഹി​െൻറ ബോർഡുകൾ ശനിയാഴ്​ച വൈകീട്ട്​ നീക്കും.

പുതിയ അമീർ ശൈഖ്​ നവാഫ്​ അൽ അഹ്​മദ്​ അൽ ജാബിർ അസ്സബാഹി​െൻറയും കിരീടാവകാശി ശൈഖ്​ മിശ്​അൽ അൽ അഹ്​മദ്​ അൽ ജാബിർ അസ്സബാഹി​െൻറയും ചിത്രങ്ങളാണ്​ ഇനി മന്ത്രാലയങ്ങൾക്ക്​ അലങ്കാരമാവുക. സർക്കാർ ഒാഫിസുകളിലെ ചിത്രങ്ങൾ നീക്കുമെങ്കിലും ജനമനസ്സുകളിൽ ശൈഖ്​ സബാഹ്​ അൽ അഹ്​മദ്​ അൽ ജാബിർ അസ്സബാഹ്​ എന്നും ജ്വലിക്കുന്ന ചിത്രമാവും.

വലിയ വെല്ലുവിളികളുടെ കാലത്ത്​ കുവൈത്തിനെ പുരോഗതിയുടെയും സമാധാനത്തി​െൻറയും പാതയിൽ നയിച്ചത്​ ചരിത്രത്തിൽ രേഖപ്പെട്ടുകഴിഞ്ഞു. അന്താരാഷ്​ട്ര തലത്തിൽ പൊതുസ്വീകാര്യനായ നയത​ന്ത്ര പ്രതിനിധിയുടെ സ്ഥാനമായിരുന്നു മുൻ അമീറിനുണ്ടായിരുന്നത്​. അദ്ദേഹത്തി​െൻറ വിയോഗം സൃഷ്​ടിച്ച വിടവ്​ എളുപ്പം നികത്താനാവില്ല. ഭാരിച്ച ഉത്തരവാദിത്തമാണ്​ പുതിയ നേതൃത്വത്തിന്​ മുന്നിലുള്ളത്​.

മൊത്തം ലോകം വലിയ വെല്ലുവിളിയുടെ കാലത്തിലൂടെ കടന്നുപോവു​േമ്പാൾ കുവൈത്തിന്​ മാത്രം ഇതിൽനിന്ന്​ ഒഴിഞ്ഞുനിൽക്കാനാവില്ല. അതേസമയം, ദീർഘനാളത്തെ ഭരണ പരിചയവും കിരീടാവകാശിയെന്ന നിലയിൽ മുൻ അമീർ ശൈഖ്​ സബാഹ്​ അൽ അഹ്​മദ്​ അൽ ജാബിർ അസ്സബാഹി​െൻറ തോളോടുതോൾ ചേർന്ന്​ നിലകൊണ്ടതി​െൻറയും അനുഭവസമ്പത്ത്​ പുതിയ അമീറിന്​ സഹായകമാവും. ഇത്​ കൈമുതലാക്കി പുതിയ ഉയരങ്ങളിലേക്ക്​ രാജ്യത്തെ നയിക്കാൻ അദ്ദേഹത്തിന്​ കഴിയുമെന്നുതന്നെയാണ്​ പ്രതീക്ഷ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:amirmouring
Next Story