കാസർകോട് സ്വദേശി ദുബൈയിൽ നിര്യാതനായി

ദുബൈ: കാസർകോട് സ്വദേശി ദുബൈയിൽ നിര്യാതനായി. തെരുവത്ത് സിറാമിക്സ് റോഡ് എൽ.പി സ്‌കൂളിനു സമീപം താമസിക്കുന്ന കെ.എ. ശംസുദ്ദീനാണ്​ (63) മരിച്ചത്. കുടുംബസമേതം ഗൾഫിൽ താമസിച്ചിരുന്ന അദ്ദേഹം മുർശിദ് ബസാറിൽ വസ്ത്രക്കട നടത്തുകയായിരുന്നു.

രണ്ടാഴ്ചയായി അസുഖത്തെ തുടർന്ന്​ ചികിത്സയിലായിരുന്നു. ഭാര്യ: ത്വാഹിറ. മക്കൾ: ശംസീർ, അബ്​ദുല്ല, ജുമാന, ശബ്‌നം. മരുമകൻ: തുഫൈൽ ആരിക്കാടി. അൽ ഖിസൈസ് ഖബർസ്ഥാനിൽ ഖബറടക്കി.