യു​വാ​ക്ക​ളെ ല​ക്ഷ്യം​വെ​ച്ച്​ മാ​ര​ക മ​യ​ക്കു​മ​രു​ന്നു​ക​ൾ

ദു​ബൈ: യു​വാ​ക്ക​ളെ ല​ക്ഷ്യം​വെ​ച്ച്​ മാ​ര​ക മ​യ​ക്കു​മ​രു​ന്ന്​ വി​പ​ണി​യി​ലെ​ത്തി​ക്കാ​ൻ മാ​ഫി​യ​ക​ൾ ശ്ര​മി​ക്കു​ന്ന​താ​യ സൂ​ച​ന​ക​ൾ ല​ഭി​ച്ച സാ​ഹ​ച​ര്യ​ത്തി​ൽ ജാ​ഗ്ര​ത വേ​ണ​മെ​ന്ന്​ അ​ധി​കൃ​ത​ർ. 45 ല​ക്ഷം കാ​പ്ത​ഗ​ണ്‍ കാ​പ്‌​സ്യൂ​ളു​ക​ൾ അ​ബൂ​ദ​ബി​യി​ലും 3.28 കോ​ടി മ​യ​ക്കു​മ​രു​ന്ന്​ ഗു​ളി​ക​ക​ൾ ദു​ബൈ ജ​ബ​ൽ അ​ലി​യി​ലും പി​ടി​കൂ​ടി​യ സാ​ഹ​ച​ര്യ​ത്തി​ലാ​ണ്​ മു​ന്ന​റി​യി​പ്പു​മാ​യി പൊ​ലീ​സും മ​റ്റ​നു​ബ​ന്ധ സം​വി​ധാ​ന​ങ്ങ​ളും രം​ഗ​ത്തെ​ത്തി​യ​ത്. സ​മൂ​ഹ​ത്തി​ന് കൂ​ടു​ത​ൽ ഗു​രു​ത​ര​മാ​യ ഭീ​ഷ​ണി​ക​ൾ സൃ​ഷ്ടി​ക്കു​ന്ന പു​തി​യ​ത​രം മ​യ​ക്കു മ​രു​ന്നു​ക​ളാ​ണ്​ പൊ​ലീ​സ് അ​ടു​ത്തി​ടെ ക​ണ്ടെ​ത്തി​യി​രി​ക്കു​ന്ന​ത്. അ​വ​യി​ൽ ചി​ല​ത് മ​ര​ണ​ത്തി​ന് പോ​ലും കാ​ര​ണ​മാ​കു​മെ​ന്നാ​ണ്​ വ്യ​ക്​​ത​മാ​കു​ന്ന​ത്.

ക​ര​വ​ഴി​യും ക​ട​ൽ​മാ​ർ​ഗ​വും മ​യ​ക്കു​മ​രു​ന്നു​ക​ൾ എ​ത്തി​ക്കാ​ൻ വി​വി​ധ രീ​തി​ക​ൾ മാ​ഫി​യ​ക​ൾ ഉ​പ​യോ​ഗി​ക്കു​ന്നു​ണ്ടെ​ങ്കി​ലും യു.​എ.​ഇ​യി​ലെ നി​യ​മ​പാ​ല​ന സം​വി​ധാ​ന​ങ്ങ​ൾ​ക്ക്​ ഇ​വ ത​ക​ർ​ക്കാ​ൻ സാ​ധി​ക്കു​ന്നു​ണ്ട്. മ​നു​ഷ്യ​ശ​രീ​ര​ത്തി​ലും മൃ​ഗ​ങ്ങ​ളി​ലും വ​രെ ഒ​ളി​പ്പി​ച്ച്​ മ​യ​ക്കു​മ​രു​ന്നു​ക​ൾ ക​ട​ത്തു​ന്നു​ണ്ട്. എ​ന്നാ​ൽ, ശ​ക്​​ത​മാ​യ നി​രീ​ക്ഷ​ണ​ത്തി​ലൂ​ടെ ഇ​വ​യെ​ല്ലാം ക​ണ്ടെ​ത്താ​ൻ സാ​ധി​ക്കു​ന്നു​ണ്ട്. ഫു​ഡ് ക​ണ്ടെ​യ്‌​ന​റു​ക​ളി​ലാ​ക്കി​യാ​ണ് അ​ബൂ​ദ​ബി​യി​ൽ മ​യ​ക്കു​മ​രു​ന്ന്​ ക​ട​ത്താ​ന്‍ ശ്ര​മി​ച്ച​ത്. യു.​എ.​ഇ​യി​ല്‍ എ​ത്തി​ച്ച ശേ​ഷം ഇ​വ മ​റ്റൊ​രു രാ​ജ്യ​ത്തേ​ക്ക് ക​ട​ത്താ​നാ​യി​രു​ന്നു നീ​ക്കം. ജ​ബ​ൽ​അ​ലി തു​റ​മു​ഖ​ത്ത്​ ദു​ബൈ ക​സ്റ്റം​സ്​ ന​ട​ത്തി​യ പ​രി​ശോ​ധ​ന​യി​ൽ ഭ​ക്ഷ​ണ​സാ​ധ​ന​ങ്ങ​ളു​ടെ​യും മെ​ഡി​ക്ക​ൽ ഉ​പ​ക​ര​ണ​ങ്ങ​ളു​ടെ​യും ച​ര​ക്കി​നി​ട​യി​ൽ ഒ​ളി​പ്പി​ച്ച നി​ല​യി​ലാ​ണ്​ ഗു​ളി​ക​ക​ൾ ക​ണ്ടെ​ത്തി​യ​ത്. ഏ​ഷ്യ​ൻ രാ​ജ്യ​ത്തു​നി​ന്നാ​ണ്​ മി​ക്ക മ​യ​ക്കു​മ​രു​ന്നു​ക​ളും എ​ത്തി​ക്കു​ന്ന​ത്. മേ​ഖ​ല​യി​ൽ ഏ​റ്റ​വും കൂ​ടു​ത​ൽ ആ​വ​ശ്യ​ക്കാ​രു​ള്ള മ​യ​ക്കു​മ​രു​ന്ന്​ എ​ന്ന നി​ല​യി​ലാ​ണ്​ കാ​പ്ത​ഗ​ൺ ഗു​ളി​ക​ക​ൾ അ​റി​യ​പ്പെ​ടു​ന്ന​ത്.

ഇ-​സി​ഗ​ര​റ്റു​ക​ളി​ലും ഐ ​ഡ്രോ​പ്പു​ക​ളി​ലും ഒ​ഴി​ച്ച്​ ഉ​പ​യോ​ഗി​ക്കു​ന്ന രീ​തി​യി​ലു​ള്ള മ​യ​ക്കു​മ​രു​ന്നു​ക​ളും എ​ത്തി​ക്കു​ന്നു​ണ്ട്. ലി​ക്വി​ഡ് രൂ​പ​ത്തി​ൽ വ​രു​ന്ന ‘സ്പൈ​സ്’ എ​ന്ന സി​ന്ത​റ്റി​ക് ക​ഞ്ചാ​വ് ഉ​ൾ​പ്പെ​ടെ​യു​ള്ള മി​ശ്രി​ത മ​യ​ക്കു​മ​രു​ന്നു​ക​ൾ ഇ-​സി​ഗ​ര​റ്റി​നൊ​പ്പം യു​വാ​ക്ക​ൾ ഉ​പ​യോ​ഗി​ക്കു​ന്നു​ണ്ടെ​ന്ന് ഈ​യ​ടു​ത്ത്​ പ​ഠ​നം തെ​ളി​യി​ച്ചി​രു​ന്നു. ഇ-​സി​ഗ​ര​റ്റു​ക​ൾ അ​പ​ക​ട​ക​ര​മ​ല്ല എ​ന്ന പൊ​തു​ബോ​ധ​മു​ള്ള​തി​നാ​ൽ വീ​ടു​ക​ളി​ലും വാ​ണി​ജ്യ കേ​ന്ദ്ര​ങ്ങ​ളി​ലും ജോ​ലി സ്ഥ​ല​ങ്ങ​ളി​ലും ഉ​പ​യോ​ഗി​ക്കാ​ൻ എ​ളു​പ്പ​മാ​ണ്. ഇ​ത്​ ദു​രു​പ​യോ​ഗം ചെ​യ്യാ​നാ​ണ്​ ഇ-​സി​ഗ​ര​റ്റു​ക​ളി​ൽ ഒ​ഴി​ക്കു​ന്ന രീ​തി​യി​ലു​ള്ള മ​യ​ക്കു​മ​രു​ന്നു​ക​ൾ ത​യാ​റാ​ക്കു​ന്ന​ത്. ഇ​ത്ത​രം മ​യ​ക്കു​മ​രു​ന്നു​ക​ൾ യു​വാ​ക്ക​ളെ​യാ​ണ്​ പ്ര​ധാ​ന​മാ​യും ല​ക്ഷ്യം​വെ​ക്കു​ന്ന​ത്. ര​ക്ഷി​താ​ക്ക​ളും അ​ധ്യാ​പ​ക​രും കു​ട്ടി​ക​ൾ​ക്ക്​ ഇ​തു​സം​ബ​ന്ധി​ച്ച്​ ശ​രി​യാ​യ ബോ​ധ​വ​ത്ക​ര​ണം ന​ൽ​ക​ണ​മെ​ന്ന്​ അ​ധി​കൃ​ത​ർ ആ​വ​ശ്യ​പ്പെ​ടു​ന്നു.