സോമാലിയയിൽ സഹായമെത്തിക്കാൻ ദാറുൽ ബിർ സൊസൈറ്റി

ദുബൈ: നിരവധി മനുഷ്യരുടെയും വളർത്തു മൃഗങ്ങളുടെയും ജീവനെടുത്ത കൊടും വരൾച്ചയും ഭക്ഷ്യക്ഷാമവും മൂലം ദുരിതപ്പെടുന്ന സോമാലിയൻ ജനതക്ക് ആശ്വാസമെത്തിക്കാൻ പ്രമുഖ ജീവകാരുണ്യ കൂട്ടായ്മയായ ദാറൂൽ ബിർ സൊസൈറ്റി. 28 ലക്ഷം ദിർഹത്തി​െൻറ അവശ്യമരുന്നുകളും ഭക്ഷണവുമാണ് ആദ്യഘട്ട ദുരിതാശ്വാസമായി നൽകുക. യു.എ.ഇയുടെ ദാന പാരമ്പര്യവും രാഷ്്ട്ര നേതാക്കളുടെ ദർശനവും ഉയർത്തിപ്പിടിച്ചുള്ള സഹായ പ്രവർത്തനങ്ങളാണ് പദ്ധതിയെന്ന് സൊസൈറ്റി ചെയർമാൻ ഖൽഫാൻ ഖലീഫ അൽ മസ്റൂഇ വ്യക്തമാക്കി. സോമാലിയൻ തലസ്ഥാനമായ മൊഗാദിശുവിൽ അൽ ബിർ ആശുപത്രിക്കായി 5.7 ലക്ഷം ദിർഹം ചെലവിടും. നേരത്തേ സോമാലിയയിലുള്ള യമനി അഭയാർഥികൾക്കു വേണ്ടിയും സൊസൈറ്റി ദുരിതാശ്വാസ ശ്രമങ്ങൾ നടത്തിയിരുന്നു.