റൂഫൈസ അണക്കെട്ടു കാണാൻ  ആയിരങ്ങൾ

ഖോർഫക്കാൻ: വാദി ഷിയിലുള്ള നയന മനോഹരമായ റൂഫൈസ അണക്കെട്ടു കാണാൻ പെരുന്നാൾ ആഘോഷ വേളയിൽ എത്തിയത്​ നിരവധിപേർ.  കിഴക്കൻ തീരത്തെ 30ലേറെ അണക്കെട്ടുകളിൽ ജലസാന്നിദ്ധ്യമുള്ള ഏക അണക്കെട്ടാണ് റൂഫൈസ. നിർമിച്ചത് മുതൽ എല്ലാ കാലവും ഇതിൽ ജലം ഉണ്ടായിരുന്നു . 1994 ലും 1996 ലും ശക്തമായ മഴയിൽ   നിറഞ്ഞ് കവിഞ്ഞ്​ ഒഴുകുകയും ചെയ്​തു. 1996 ന് ശേഷം മഴ കുറഞ്ഞതോടെ അണക്കെട്ട്​ വറ്റുന്ന അവസ്​ഥയുണ്ടായി. എന്നാൽ 20 വർഷത്തിന് ശേഷം  2016 മാർച്ച് മാസത്തിൽ പെയ്ത ശക്തമായ മഴയിൽ ഡാം നിറഞ്ഞു കവിഞ്ഞ്​   സ്പിൽവേയിൽ കൂടി വെള്ളം തുറന്നു വിടേണ്ടി വന്നു. ഖോർഫക്കാനിൽ നിന്ന് ദഫ്ത്ത വഴി ഷാർജയിൽ എത്തിചേരാവുന്ന പുതിയ റോഡ് വന്നതോടെ റൂഫൈസ ഡാമിലേക്ക്​ സഞ്ചാരികളുടെ വരവ്​ എളുപ്പമായി.  ഡാമിനെ തൊട്ടുരുമ്മിയാണ് ഈ റോഡ് കടന്നു പോകുന്നത്.

ഷാർജാ ഭരണാധികാരി ശൈഖ് സുൽത്താൻ ബിൻ മുഹമ്മദ്​ അൽ ഖാസിമി പ്ര​േത്യക താൽപര്യമെടുത്താണ്​ ഇൗ മേഖലയിൽ വികസനങ്ങൾ സാധ്യമാക്കിയത്​. ഡാമിന് ചുറ്റും പ്രകൃതി അനുയോജ്യമാം വിധം മനോഹരമായി തയ്യാറാക്കിയ ടൂറിസ്​റ്റ്​ നിർമിതികൾ ഉദ്​ഘാടനം ചെയ്​തതും ശൈഖ്​ സുൽത്താൻ നേരി​െട്ടത്തിയാണ്​. ഡാമിലെ ജലാശയത്തിൽ പെരുന്നാൾ പ്രമാണിച്ച്​ നിരവധി പെഡൽ ബോട്ടുകൾ ഒരുക്കിയിട്ടുണ്ട്​. രണ്ടും നാലും പേർക്കിരിക്കാവുന്ന ബോട്ടുകളാണിവ. കുഞ്ഞുങ്ങൾക്കായി കളിസ്​ഥലം, പള്ളി, ഭക്ഷണശാലകൾ,  ഡാമിലേക്ക് നേർകാഴ്​ച കിട്ടുന്ന ഇരിപ്പിടങ്ങൾ എന്നിവയും  ഒരുക്കിയിട്ടുണ്ട്​. ഷാർജയിൽ നിന്ന് വാദി ഷിയിൽ എത്തുന്ന ഭാഗത്തെ  റോഡ് പൂർണ്ണ രീതിയിൽ സജ്ജമായിക്കഴിഞ്ഞാലുടൻ  കിഴക്കൻ തീരത്തെ പ്രധാന ആകർഷക കേന്ദ്രമായി റൂ ഫൈസ മാറും. ഖോർഫക്കാൻ ടൗണിൽ നിന്ന് അശുപത്രി റോഡിൽ വന്ന് വാദി ഷി സ്​ക്വയർ റൗണ്ടെബൗട്ടിൽ നിന്ന്​   മുകളിലേക്ക് പോകുന്ന മനോഹരമായ റോഡിൽ രണ്ടു കിലോമീറ്റർ സഞ്ചരിച്ചാൽ റൂ ഫൈസ ഡാമിൽ എത്താം .