മരുഭൂമിയിൽ തെളിനീരൊഴുക്കാൻ ചെക് റിപ്പബ്ലിക്​ പവിലിയൻ

ദുബൈ: മരുഭൂമിയിലെ ജലക്ഷാമം എങ്ങനെ പരിഹരിക്കാമെന്നറിയണമെങ്കിൽ എക്​സ​്​പോയിലെ ചെക്​ റിപ്പബ്ലിക്​ പവിലിയൻ സന്ദർശിച്ചാൽ മതി.

ചൂടിൽ ഉരുകുന്ന മരുഭൂമിയെ ഫലഭൂയിഷ്​ഠമാക്കുന്നതെങ്ങനെയെന്ന്​ വിളിച്ചു പറയുന്നതായിരിക്കും ചെക്​ പവിലിയൻ. ചെക്​ ആർകിടെക്​ചർ സ്​റ്റുഡിയോ 'ഫോർമോസ'യാണ്​ രണ്ടുനില പവിലിയൻ നിർമിച്ചിരിക്കുന്നത്​.

പരിസ്ഥിതി സംരക്ഷിച്ചുള്ള സുസ്ഥിരവികസനം എന്ന മുദ്രാവാക്യമുയർത്തിയായിരിക്കും പവിലിയ​െൻറ പ്രവർത്തനം. പവിലിയൻ നിർമിച്ചിരിക്കുന്നതും ​ജൈവ ഉൽപന്നങ്ങൾ ഉപയോഗിച്ചാണ്​. പൂന്തോട്ടങ്ങളാൽ ചുറ്റപ്പെട്ട പവിലിയ​െൻറ ഉള്ളിൽ പൈപ്പുകൾ ഉപയോഗിച്ച്​ ചെറിയ അരുവികളും സൃഷ്​ടിച്ചിരിക്കുന്നു.

മരുഭൂമിയിൽനിന്ന്​ ജലം വേർതിരിച്ചെടുക്കുന്ന സംവിധാനമായിരിക്കും പവിലിയ​െൻറ മുഖ്യആകർഷണം.യൂനിവേഴ്സിറ്റി സെൻറർ ഓഫ് എനർജി എഫിഷ്യൻറ്​ ബിൽഡിങ്ങും ചെക് ടെക്നിക്കൽ യൂനിവേഴ്സിറ്റിയുടെ മെക്കാനിക്കൽ എൻജിനീയറിങ്​ ഫാക്കൽറ്റിയും വികസിപ്പിച്ചെടുത്ത സോളാർ പവർ ടെക്നോളജി ഉപയോഗിച്ചാണ്​ ഈ സംവിധാനം ഒരുക്കുന്നത്​. മരുഭൂമിയിലെ വായുവിൽനിന്ന് വെള്ളം വേർതിരിച്ചെടുക്കുന്നു.

പവിലിയന്​ ചുറ്റും 12 മീറ്റർ ഉയരത്തിൽ സ്ഥാപിച്ച ഓർഗാനിക് നിർമിത മറ്റു പവിലിയനുകളിൽനിന്ന്​ റഷ്യൻ പവിലിയനെ വ്യത്യസ്​തമാക്കും.

​രണ്ടാംനിലയിൽ താൽക്കാലിക പ്രദർശനങ്ങളാണ്​ സജ്ജീകരിക്കുന്നത്​. രണ്ടാഴ്​ച കൂടു​േമ്പാൾ ഇവിടെയുള്ള പ്രദർശനങ്ങൾ മാറിക്കൊണ്ടിരിക്കും.