കാറീം സൈബർ ആക്രമണം: 1.4 കോടി പേരുടെ വ്യക്​തിവിവരം മോഷ്​ടിച്ചു

അബൂദബി: കാറീം റൈഡ്​ ഷെയറിങ്​ പ്ലാറ്റ്​​േഫാമി​​​െൻറ കമ്പ്യൂട്ടർ നെറ്റ്​വർക്​ സംവിധാനങ്ങളിലുണ്ടായ സൈബർ ആക്രമണത്തിൽ 1.4 കോടി ജനങ്ങളുടെ വ്യക്​തിവിവരങ്ങൾ മോഷ്​ടിക്കപ്പെട്ടു. മിഡിലീസ്​റ്റ്​, വടക്കേ ആഫ്രിക്ക, പാകിസ്​താൻ, തുർക്കി തുടങ്ങി 13 രാജ്യങ്ങളിലെ 78 നഗരങ്ങളിലെ കമ്പനിയുടെ ഉപഭോക്​താക്കളുടെ പേര്​, ഇമെയിൽ വിലാസം, ഫോൺ നമ്പർ, കാർയാത്ര നടത്തിയതി​​​െൻറ വിവരങ്ങൾ എന്നിവയാണ്​ നഷ്​ടപ്പെട്ടത്​. 1.4 കോടി ഉപഭോക്​താക്കൾക്ക്​ പുറമെ കമ്പനിയുമായി സഹകരിച്ച്​ പ്രവർത്തിച്ചിരുന്ന 558,000 ഡ്രൈവർമാരുടെ വ്യക്​തി വിവരങ്ങളും നഷ്​ടപ്പെട്ടിട്ടുണ്ട്​. 
ജനുവരി 14നാണ്​ സൈബർ ആക്രമണം നടന്നതായി കമ്പനി കണ്ടെത്തിയത്​.  ഇത്ര കനത്ത സൈബർ ആക്രമണമുണ്ടാകുന്നത്​ ആദ്യമായാണെന്ന്​ കമ്പനി അധികൃതർ പറഞ്ഞു. പാസ്​വേഡുകൾ രഹസ്യകോഡുകളിലായതിനാലും ​ക്രെഡിറ്റ്​ കാർഡ്​ നമ്പറുകൾ അതിസുരക്ഷയുള്ള മൂന്നാം പാർട്ടി സൂക്ഷിക്കുന്നതിനാലും പ്രശ്​നമില്ലെന്നും കമ്പനി വ്യക്​തമാക്കി.

മോഷ്​ടിക്കപ്പെട്ട വിവരങ്ങൾ ദുരുപയോഗം ചെയ്​തതായി ഇതുവരെ കണ്ടെത്തിയിട്ടില്ല. സൈബർ ആക്രമണത്തിന്​ ശേഷം കാറീം ആപ്ലിക്കേഷനിൽ രജിസ്​റ്റർ ചെയ്​തവരുടെ വിവരങ്ങൾ നഷ്​ടമായിട്ടില്ലെന്നും അധികൃതർ പറയുന്നു. കമ്പനിയുടെ സിസ്​റ്റത്തിൽ ഹാക്കർ രേഖപ്പെടുത്തിയ സന്ദേശത്തെ കുറിച്ച്​ ജനുവരി 14ന്​ കമ്പനിക്ക്​ വിവരം ലഭിച്ചു. ഉടൻ സംഭവത്തെ കുറിച്ച്​ അന്വേഷിക്കാനും വിവരങ്ങൾ സംരക്ഷിക്കാനും സേവനം തടസ്സപ്പെടാതിരിക്കാനും ബാഹ്യ സൈബർ സുരക്ഷാ സ്​ഥാപനവുമായി ചേർന്ന്​ നടപടികൾ സ്വീകരിച്ചു. ഹാക്കർമാരുടെ കേന്ദ്രം തിരിച്ചറിഞ്ഞിട്ടുണ്ടെന്നും നെറ്റ്​വർക്​ പ്രതിരോധം ശക്​തിപ്പെടുത്തിയിട്ടുണ്ടെന്നും കാറീം അവകാശപ്പെട്ടു.ബന്ധപ്പെട്ട നിയമനിർവഹണ ഏജൻസികളെ ഇതു സംബന്ധിച്ച വിവരം ധരിപ്പിച്ചിട്ടുണ്ട്​. അന്വേഷണ പുരോഗമിക്കു​േമ്പാൾ ഇൻറർപോളി​​​​െൻറ ഇടപെടൽ ആവശ്യപ്പെടും. കാറീമി​​​െൻറ സെർവറുകൾ അയർലൻഡിലാണ്​ സ്​ഥിതിചെയ്യുന്നത്​. ദുബൈ റോഡ്​^ഗതാഗത അതോറിറ്റിയെയും (ആർ.ടി.എ) സംഭവം അറിയിച്ചിട്ടുണ്ട്​. കമ്പനിയുടെ സുരക്ഷാ സംവിധാനങ്ങൾ പതിവായി അവലോകനം ചെയ്യുകയും പരഷ്​കരിക്കുകയും ചെയ്യാറുണ്ടെങ്കിലും ഇത്തവണ ആ​ക്രമണത്തെ ​െചറുക്കാനായ​ില്ലെന്ന്​ ന്ന്​ കമ്പനി സമ്മതിച്ചു.

14 രാജ്യങ്ങളിലെ 90 നഗരങ്ങളിൽ കാറീമി​​​െൻറ സേവനം ലഭ്യമാണ്​. ആർ.ടി.എയുടെ ടാക്​സികളിൽ കാറീം റൈഡ്​ ആപ്ലിക്കേഷൻ ഉപ​േയാഗപ്പെടുത്തുന്നുണ്ട്​. എന്നാൽ, ആർ.ടി.എയെ സൈബർ ആക്രമണം ബാധിച്ചിട്ടില്ലെന്നും തങ്ങളു​െട ഡ്രൈവർമാരുടെ വിവരങ്ങൾ കമ്പനിക്ക്​ നൽകാറില്ലെന്നും അതോറിറ്റി വ്യക്​തമാക്കി. ജനുവരിയിൽ ഹാക്കർമാർ 34 വെബ്​സൈറ്റുകളെ ലക്ഷ്യമിട്ടിരുന്നതായി യു.എ.ഇ ടെലികമ്യൂണിക്കേഷൻസ്​ റെഗുലേഷൻസ്​ ​അതോറിറ്റി (ട്രാ) അറിയിച്ചിട്ടുണ്ട്​. 

2017 നവംബറിൽ മോഷ്​ടിക്കപ്പെട്ട 5.7 കോടി ഉപഭോക്​താക്കളുടെയും ഡ്രൈവർമാരുടെയും സ്വകാര്യ വിവരങ്ങൾ മായ്​ച്ചുകളയാൻ ഹാക്കർമാർക്ക്​ പണം നൽകിയതായി ഉബർ വ്യക്​തമാക്കിയിരുന്നു. സംഭവം നടന്ന്​ ഒരു വർഷത്തോളം കഴിഞ്ഞാണ്​ കമ്പനി ഇൗ വിവരം പുറത്തുവിട്ടത്​. സംഭവത്തിൽ സീനിയർ സുരക്ഷാ ഒാഫിസറെ കമ്പനി പുറത്താക്കുകയും ചെയ്​തിരുന്നു.