രണ്ടു കോടി ഡോളറി​െൻറ വ്യാജ കറൻസി പിടിച്ചു, കുടുക്കിയത്​ അജ്​മാൻ പൊലീസ്

ദുബൈ:  രണ്ടു കോടി ഡോളറി​​​െൻറ വ്യാജ കറൻസിയുമായി മൂന്നംഗ സംഘം അജ്​മാൻ പൊലീസ്​ പിടിയിൽ. രണ്ട്​ അറബികളും ഒരു കനേഡിയൻ പൗരനും വ്യാജ കറൻസിയുമായി തമ്പടിച്ചിരിക്കുന്നെന്ന വിവരം ലഭിച്ചതിനെ തുടർന്ന്​ പൊലീസ്​ സംഘം ത​ന്ത്രപരമായി വലവിരിക്കുകയായിരുന്നു. 
ആവശ്യക്കാരെന്ന മട്ടിൽ ഇവരെ സമീപിച്ചാണ്​ കുടുക്കിയതെന്ന്​ അജ്​മാൻ കുറ്റാന്വേഷണ വിഭാഗം ഡയറക്​ടർ കേണൽ അബ്​ദുല്ലാ സൈഫ്​ അൽ മത്രൂഷി പറഞ്ഞു.  
80 ലക്ഷം ദിർഹം പകരമായി നൽകി രണ്ടു കോടി ഡോളറി​​​െൻറ വ്യാജ കറൻസി വാങ്ങാമെന്നാണ്​ സംഘത്തോട്​ ഉദ്യോഗസ്​ഥർ അറിയിച്ചത്​. ഇതിൽ വിശ്വസിച്ച്​ വ്യാജ കറൻസിയുമായി എത്തിയതോടെ അറസ്​റ്റു ചെയ്യുകയായിരുന്നു.  

പൊലീസ്​ സംഘത്തി​​​െൻറ കാര്യക്ഷമതയെ അഭിനന്ദിച്ച സി.​െഎ.ഡി ഡയറക്​ടർ വ്യാജ കറൻസികൾക്കെതിരെയും മറ്റ്​ എല്ലാവിധ കുറ്റകൃത്യങ്ങൾക്കെതിരെയും ജാഗ്രത പുലർത്താൻ പൊതുജനങ്ങളെ ഉണർത്തി. ഏതെങ്കിലും ക്രിമിനൽ പ്രവർത്തനങ്ങൾ നടക്കുന്നതായി സംശയമുയർന്നാൽ അടിയന്തിരമായി പൊലീസിൽ അറിയിക്കണമെന്നും അദ്ദേഹം പറഞ്ഞു.