ജോ​ലി ചെ​യ്യു​ന്ന ഫാ​മി​ൽ ക​ഞ്ചാ​വ് കൃ​ഷി; ര​ണ്ടു​പേ​ര്‍ പി​ടി​യി​ല്‍

അ​ബൂ​ദ​ബി: അ​ബൂ​ദ​ബി​യി​ല്‍ സ്‌​പോ​ണ്‍സ​റു​ടെ ഫാ​മി​ൽ ക​ഞ്ചാ​വ് കൃ​ഷി ചെ​യ്​​ത​തി​ന്​ ര​ണ്ടു പ്ര​വാ​സി തൊ​ഴി​ലാ​ളി​ക​ൾ അ​റ​സ്റ്റി​ല്‍. കൃ​ഷി​യി​ട​ത്തി​ല്‍ ക​ഞ്ചാ​വ് ചെ​ടി​ക​ള്‍ ന​ട്ടു​വ​ള​ര്‍ത്തു​ന്ന​ത് ശ്ര​ദ്ധ​യി​ൽ​പെ​ട്ട​തി​നെ തു​ട​ര്‍ന്നാ​ണ് അ​ബൂ​ദ​ബി പൊ​ലീ​സ് ഇ​രു​വ​രെ​യും പി​ടി​കൂ​ടി​യ​ത്. പ്ര​വാ​സി​ക​ള്‍ക്ക് ന​ല്‍കു​ക​യെ​ന്ന ല​ക്ഷ്യ​ത്തോ​ടെ​യാ​യി​രു​ന്നു ഇ​രു​വ​രും ക​ഞ്ചാ​വ് ചെ​ടി​ക​ള്‍ വ​ള​ര്‍ത്തി​യി​രു​ന്ന​തെ​ന്ന് പൊ​ലീ​സ് പ​റ​ഞ്ഞു.

14 ക​ഞ്ചാ​വ് ചെ​ടി​ക​ളാ​ണ് കൃ​ഷി​യി​ട​ത്തി​ല്‍ ഉ​ണ്ടാ​യി​രു​ന്ന​ത്. ക​ഞ്ചാ​വ് ഉ​പ​യോ​ഗം പ്രോ​ത്സാ​ഹി​പ്പി​ച്ച​തി​നും വി​ത​ര​ണം ചെ​യ്ത​തി​നു​മാ​ണ് ഇ​രു​വ​ര്‍ക്കു​മെ​തി​രെ കു​റ്റം ചു​മ​ത്തി​യി​രി​ക്കു​ന്ന​ത്. ഉ​ട​മ കൃ​ഷി​യി​ടം സ്ഥി​ര​മാ​യി സ​ന്ദ​ര്‍ശി​ച്ചി​രു​ന്നി​ല്ലെ​ന്നും ഇ​ത്​ മു​ത​ലെ​ടു​ത്ത് ഇ​രു​വ​രും ചേ​ര്‍ന്ന് ക​ഞ്ചാ​വ് ചെ​ടി​ക​ള്‍ വ​ള​ര്‍ത്തു​ക​യാ​യി​രു​ന്നു​വെ​ന്നും അ​ന്വേ​ഷ​ണ​ത്തി​ല്‍ വ്യ​ക്ത​മാ​യി. കൃ​ഷി​യി​ട​ങ്ങ​ളി​ല്‍ ഇ​ട​ക്കി​ടെ സ​ന്ദ​ര്‍ശി​ക്ക​ണ​മെ​ന്നും തൊ​ഴി​ലാ​ളി​ക​ള്‍ക്കാ​വ​ശ്യ​മാ​യ നി​ര്‍ദേ​ശ​ങ്ങ​ള്‍ ന​ല്‍ക​ണ​മെ​ന്നും ഫാം ​ഉ​ട​മ​ക​ളോ​ട് ബ്രി​ഗേ​ഡി​യ​ര്‍ ജ​ന​റ​ല്‍ താ​ഹി​ര്‍ ഗ​രീ​ഫ് അ​ല്‍ ധ​ഹേ​രി ആ​വ​ശ്യ​പ്പെ​ട്ടു.

ക​ഞ്ചാ​വ് അ​ട​ക്ക​മു​ള്ള മ​യ​ക്കു​മ​രു​ന്നു​ക​ളു​ടെ ഉ​പ​യോ​ഗം നി​യ​ന്ത്രി​ക്കു​ന്ന​തി​ന് ശ​ക്ത​മാ​യ ന​ട​പ​ടി​ക​ളാ​ണ് അ​ധി​കൃ​ത​ര്‍ സ്വീ​ക​രി​ച്ചു​വ​രു​ന്ന​ത്. എ​ങ്കി​ൽ പോ​ലും രാ​ജ്യ​ത്ത് മ​യ​ക്കു​മ​രു​ന്നു​മാ​യി ബ​ന്ധ​പ്പെ​ട്ട കേ​സു​ക​ളി​ല്‍ 2021ല്‍ ​മാ​ത്രം അ​റ​സ്റ്റ് ചെ​യ്ത​ത് 8428 പേ​രെ​യാ​ണ്.

ആ​റു​ല​ക്ഷം മ​യ​ക്കു​മ​രു​ന്ന് ഗു​ളി​ക​ക​ള്‍ (കാ​പ്ത​ഗ​ണ്‍ പി​ല്‍സ്) ക​ട​ത്തി​യ നാ​ലു​പേ​രെ അ​ബൂ​ദ​ബി പൊ​ലീ​സ് അ​റ​സ്റ്റ് ചെ​യ്ത​ത് കു​റ​ച്ചു​മാ​സ​ങ്ങ​ള്‍ക്കു മു​മ്പാ​ണ്. ക​ഴി​ഞ്ഞ മാ​ര്‍ച്ചി​ല്‍ ഒ​ന്ന​ര ട​ണ്‍ ഹെ​റോ​യി​ന്‍ അ​ബൂ​ദ​ബി പൊ​ലീ​സ് പി​ടി​കൂ​ടി​യി​രു​ന്നു. അ​യ​ല്‍രാ​ജ്യ​ങ്ങ​ളി​ല്‍ നി​ന്ന് ഖ​ലീ​ഫ തു​റ​മു​ഖ​ത്തേ​ക്ക് അ​യ​ച്ച സം​ശ​യ​ക​ര​മാ​യ ല​ഗേ​ജ് ആ​ന്‍റി നാ​ര്‍കോ​ട്ടി​ക്‌​സ് സം​ഘം പ​രി​ശോ​ധി​ച്ചാ​ണ് മ​യ​ക്കു​മ​രു​ന്ന് ക​ണ്ടെ​ത്തി​യ​ത്. മൃ​ഗ​ങ്ങ​ള്‍ക്കു​ള്ള ഭ​ക്ഷ​ണ പാ​ക്ക​റ്റി​ലാ​ക്കി​യാ​യി​രു​ന്നു മ​യ​ക്കു​മ​രു​ന്ന് ക​ട​ത്തി​യ​ത്. പി​ടി​ച്ചെ​ടു​ത്ത മ​യ​ക്കു​മ​രു​ന്നി​ന് വി​പ​ണി​യി​ല്‍ 150 ദ​ശ​ല​ക്ഷം ദി​ര്‍ഹം വി​ല​മ​തി​ക്കും. 2021ല്‍ ​മാ​ത്രം അ​ബൂ​ദ​ബി പൊ​ലീ​സ് പി​ടി​കൂ​ടി​യ​ത് വി​പ​ണി​യി​ല്‍ 1.2 ബി​ല്യ​ന്‍ ദി​ര്‍ഹം വി​ല​മ​തി​ക്കു​ന്ന മ​യ​ക്കു​മ​രു​ന്നാ​ണ്. 2.6 ട​ണ്ണി​ലേ​റെ മ​യ​ക്കു​മ​രു​ന്നു​ക​ളും 1.4 മി​ല്യ​ന്‍ ഗു​ളി​ക​ക​ളു​മാ​ണ് പി​ടി​ച്ചെ​ടു​ത്ത​ത്. 2021 സെ​പ്റ്റം​ബ​റി​ല്‍ അ​ബൂ​ദ​ബി പൊ​ലീ​സ് 816 കി​ലോ മ​യ​ക്കു​മ​രു​ന്ന് പി​ടി​ച്ചെ​ടു​ക്കു​ക​യും ഇ​തി​നു പി​ന്നി​ല്‍ പ്ര​വ​ര്‍ത്തി​ച്ച വി​വി​ധ രാ​ജ്യ​ക്കാ​രാ​യ 142 പേ​രെ ക​സ്റ്റ​ഡി​യി​ലെ​ടു​ക്കു​ക​യും ചെ​യ്​​തു. മ​യ​ക്കു​മ​രു​ന്ന് കേ​സി​ല്‍ പി​ടി​യി​ലാ​വു​ന്ന​വ​ര്‍ക്ക് ക​ടു​ത്ത ശി​ക്ഷ​യാ​ണ് ന​ല്‍കു​ന്ന​ത്. ക​ഴി​ഞ്ഞ ജ​നു​വ​രി​യി​ല്‍ മ​യ​ക്കു​മ​രു​ന്ന് വി​ല്‍പ​ന​ക്കാ​രാ​യ ര​ണ്ട് ഫി​ലി​പ്പി​നോ പൗ​ര​ന്മാ​രെ അ​ബൂ​ദ​ബി ക്രി​മി​ന​ല്‍ കോ​ട​തി വ​ധ​ശി​ക്ഷ​ക്ക്​ വി​ധി​ച്ചി​രു​ന്നു. മ​യ​ക്കു​മ​രു​ന്ന് ഉ​പ​യോ​ഗം പൊ​തു​ജ​ന​ങ്ങ​ളു​ടെ സു​ര​ക്ഷ​യി​ലും ആ​രോ​ഗ്യ, സാ​മൂ​ഹി​ക, സാ​മ്പ​ത്തി​ക മേ​ഖ​ല​ക​ളി​ലും പ്ര​തി​കൂ​ല​ഫ​ലം ഉ​ണ്ടാ​ക്കു​മെ​ന്നും രാ​ജ്യ​ത്തി​ന്‍റെ ഭാ​വി​യെ ത​ന്നെ ത​ക​ര്‍ക്കു​ന്ന ഈ ​ക​ടു​ത്ത അ​പ​ക​ട​ത്തി​ല്‍ നി​ന്ന് കു​ട്ടി​ക​ളെ സം​ര​ക്ഷി​ക്കു​ന്ന​തി​ന് ക​ഠി​ന​ശ്ര​മ​ങ്ങ​ള്‍ അ​നി​വാ​ര്യ​മാ​ണെ​ന്നും അ​ധി​കൃ​ത​ര്‍ കൂ​ട്ടി​ച്ചേ​ര്‍ത്തു.