ചൈനയിൽ അബൂദബി കിരീടാവകാശി-ഖത്തർ അമീർ കൂടിക്കാഴ്ച

ദുബൈ: അബൂദബി കിരീടാവകാശിയും യു.എ.ഇ സായുധ സേനയുടെ ഡെപ്യൂട്ടി സുപ്രീം കമാൻഡറുമായ ശൈഖ്​ മുഹമ്മദ്​ ബിൻ സായിദ്​ ആൽ നെഹ്​യാൻ, ഖത്തർ അമീർ ശൈഖ്​ തമീം ബിൻ ഹമദ്​ ആൽഥാനിയുമായി കൂടിക്കാഴ്ച നടത്തി.

ബെയ്ജിങ് വിന്‍റർ ഒളിമ്പിക്‌സിന്‍റെ ഉദ്ഘാടന ചടങ്ങിൽ പ​ങ്കെടുക്കാനെത്തിയ ഇരുവരും ചൈനയിൽ വെച്ചാണ്​ കണ്ടുമുട്ടിയത്​. 2017ന്​ ശേഷം ആദ്യമായാണ്​ ഇരു നേതാക്കളും നേരിൽ കണ്ടുമുട്ടുന്നത്​. വെള്ളിയാഴ്ചയാണ്​ ശൈഖ്​ മുഹമ്മദ്​ ബെയ്​ജിങ്ങിലെത്തിയത്​. ചൈനീസ്​ പ്രസിഡന്‍റ്​ ഷി ജിൻപിങ്ങിന്‍റെ പ്രത്യേക ക്ഷണം സ്വീകരിച്ചാണ്​ നേതാക്കൾ ബെയ്​ജിങ്ങിലെത്തിയത്​.